mánadagur 11. januar 2016síða 6

Mánadagur 11. januar 2016 · Nr. 4 6 Sosialurin Hugskot og viðmerkingar – send sms til 225000 LØNARVIÐURSKIFTI Fýra fáa feitu løgmanspensjónina PÁLL FÆR Í POSA OG SEKK Eirikur Lindenskov 77.530,50 krónur. Tað er lønin, sum Páll á Reynatúgvu, løgtingsformaður, fær. Og tað er nógv meira, enn Jógvan á Lakjuni fekk, tá hann var løgtingsformaður fyri fýra mánaðum síðani. Tí hann fekk »bert« 59.638,87 krónur. Hesin parturin av lønini hjá teimum báðum er tó uttan skattafrítt ískoyti, góðar 2.000 krónur um mánaðin, og koyripengar, sum hjá Jógvan á Lakjuni eru slakar 8.000 krónur um mánaðin og hjá Páll á Reynatúgvu eru slakar 5.000 krónur. Men lønarhækkingin hjá løgtingsformanninum hevur einki við nýggja løgtingsformansskapin at gera. Og tað hevur als einki við tingmannalønirnar at gera yvirhøvur. Orsøkin er tann, at í lógini um samsýning og eftirløn løgtingsmanna stendur, at løgtingsformaðurin er løntur sum løgmaður. Og tá løgtingið í mai í fjør hækkaði lønina hjá løgmanni 30 prosent, so merkti tað, at lønin hjá løgtingsformanninum eisini hækkaði 30 prosent – við virknaði frá, tá nýtt løgting tók við. Men afturfyri, at lønini hjá løgmanni og lands- stýrismonnum hækkaði munandi, so var tann sera fyrimunargóða pensjónsskipanin hjá landsstýrisfólki eisini broytt. Fyri broytingina fingu landsstýrisfólk tænastu- manna-pensjón. Men í mun til vanlig fólk, sum skulu arbeiða í 37 ár fyri at fáa fulla pensjón, so skuldi lands- stýrisfólk bara arbeiða í 8 ár fyri at fáa fulla pensjón. Nýggju landsstýrisfólkini fáa nú 15 prosent goldið í pensjónsskipan av lønini og fáa onga tænastumanna– pensjón. Onkur hevur roknað seg fram til, at um lands– stýrisfólkini sjálvi skuldu goldið inn í pensjónsskipan fyri at fáa so góða pensjón, sum tey fingu, so skuldi tey gjalda í miðal um 100.000 krónur um mánaðin – ja, tú las rætt, um mánaðin, í eina slíka skipan. Tí varð ikki mett, at skipanin var haldfør fyri landsskassan, sum fer at fáa ovurhondsstórar útreiðslur av skipanini, sum varð broytt, tá nýggja landsstýrið tók við. Men tann ótilætlaða broytingin við lønini hjá løgtingsformanninum ger, at hann fær bæði í posa og sekk. Tí Páll á Reynatúgvu fær bæði høgu lønina, sum løgmaður fær, og gomlu pensjónina, sum er 60 prosent av lønini, ið løgmaður fekk. Tað merkir, at Páll á Reynatúgvu, tá hetta valskeiðið er av, longu hevur upptjent sær fulla tænastumannapensjón, sum eftir lønartalvuni, sum er galdandi í dag, er 46.518 krónur um mánaðin! Roknast kann við, at løgtingið fer at broyta lønar- og pensjónsviðurskifitni hjá løgtingsmonnum, so tey fara at hava sama útgangsstøði sum hjá landsstýrisfólkum. Men tá tingfólk broyta síni viðurskifti til tað verra, eru broytingarnar altíð galdandi frá tí, at næsta ting tekur við. Eru broytingarnar hinvegin til tað betra, so eru tær altíð galdandi fyri tingið, sum situr. Pensjónin hjá løgtingsformanninum er 25 prosent hægri enn lønin hjá tingfólki Eirikur Lindenskov Løgtingsformaðurin er løntur og eftirløntur sum løgmaður. Tað merkir, at løgtingsformenn á sama hátt sum løgmaður upptjena sær pensjón upp á átta ár. Og tað eru bara teir, sum hava havt sæti í løgtinginum eftir valið í 1998, sum fáa hesa pensjónina. Tey, sum hava sitið áðrenn 1998 eru undir gomlu skipanini, sum er væl lægri. Finnbogi Ísakson, sáli, var løgtingsformaður í val- skeiðnum frá 1998-2002, tá broytingin í lønum og eftir- lønum hjá tingfólki vórðu samtyktar. Hóast sami persónur hevur sitið sum løgmað- ur, løgtingsmaður, landsstýrismaður, løg- tingsformaður og fólka- tingsmaður, so kann hann ikki leggja allar pensjónirnar saman. Men hann kann velja sær ta bestu. Og so ber til at umrokna starvsaldurin frá hinum størvunum. Tað vil siga, at hevur ein persónur verið løgmaður ella løgtingsformaður, so kann hann umrokna starvstíð sum løgtingsmaður ella landsstýrismaður og leggja tað saman. Verður tað til átta ár – sum tað er hjá næstan øllum – so hevur persónurin tryggjað sær fulla løgmans- ella løgtingsformanspensjón. Teir løgtingsformenn, sum higartil hava tryggjað sær tað, eru: Finnbogi Ísakson Hergeir Nielsen Edmund Joensen (sum eisini kann velja løgmanspensjónina) Anfinn Kallsberg (sum eisini kundi valt løgmanspensjónina) Jógvan á Lakjuni Páll á Reynatúgvu Tingformann eftir 1998 fáa bestu pensjónina Eirikur Lindenskov Anfinn Kallsberg og Jóannes Eidesgaard eru teir einastu, sum fáa ta stóru og góðu pensjónina sum fyrrverandi løgmenn, sum tú fært, tá tú hevur verið í landsstýrinum í tilsamans átta ár – og bara í onkran parti av tíðini verið løgmaður. Ikki nóg mikið við tí. Tað ber eisini til at umrokna tíðina í løgtinginum til tíð í landsstýrinum, soleiðis at tú fært átta ár tilsamans. Tí landsstýrispensjónin er nógv meira verd enn løgtingspensjónin, tí pensjónin er partur av lønini. Í løtuni 60 prosent av lønini. Tað merkir, at Anfinn Kallsberg og Jóannes Eides-gaard nú fáa slakar 36.000 krónur í pensjón um mánaðin, og tað fáa teir, so leingi teir liva. Og hava teir eftirsitiandi hjúnafelaga eftir, at teir eru deyðir, fær hjúnafelagin 60 prosent av pensjónini. Umframt Anfinn Kalls-berg og Jóannes Eidesgaard, so hava Edmund Joensen og Kaj Leo Holm Johannesen eisini upptjent sær tíð til hesa feitu pensjónina, tá teir leggja frá sær. Edmund Joensen hevur nátt pen- sjónsaldur, so hann fær l ø g m a n s p e n s j ó n i n a , so skjótt hann ikki er tingmðaur meira.