mánadagur 11. januar 2016síða 17

17 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 11. januar 2016 · Nr. 4 ÍTRÓTTUR STUTTSØGD ÍTRÓTTARTÍÐINDI Pætur Albinus FÓTBÓLTUR Zinedine Zidane fekk eina dreymabyrjan sum venjari hjá Real Madrid, tá ið høvuðs­staðar­felagið vann heili 5-0 ímóti Deportivo La Coruna. Gareth Bale skeyt hattrikk, meðan Karim Benzema stóð fyri hinum báðum málunum. Varaforsetin í AS Monaco, Vadim Vasilyev, sigur við heima­síðu felagsins, at felagið ikki ætlar sær at fáa Radamel Falcao heim úr leigu­sátt­málan­um við Chelsea. Hann sigur eisini, at felagið roynir at skilja seg av við Stephan El Shaarawy. Benik Afobe skiftir úr Wolver­hampton til Premier League-felagið Bourne­ mouth. Venjar­in, Eddie Howe, váttar, at einans lækna­kanning­in manglar. Á­leyp­ar­in verður í so fall dýrasti leikari í søgu felgsins. Prís­ur­in er mettur til um­leið 100 milliónir krónur. Kendi sjónleikarin, Will Ferrell, hevur keypt seg inn í nýggja fót­bólts­felagið í USA, Los Angeles FC, sum hevur ætlanir um at spæla í bestu deildini í 2018. Afturat honum sum eigarar eru eitt nú fyrrverandi fót­ bólts­leikarin, Mia Hamm, og fyrrverandi kurva­bólts­ leikarin, "Magic" Johnson. Patrick Kristensen, sum júst hevur longt um sátt­ málan við AaB, við­gongur, at hann fær harða kapping frá Gilla Rólantsson um plássið á høgra bakki. – Gilli hevur nógv ferð í sær, og hann hevur gjørt tað gott í vetur. Hann hevur betrað seg, so tað verður hørð kapping, sigur hann við bold.dk. Bayern München hevur sent triðja leik­ar­an av­stað í hesum flytingar­vind­eyga­ num, nú Gianluca Gaudino er vorðin út­leigað­ur til sveisiska St. Gallen. Framman­undan eru Sinan Kurt og Jan Kirchhoff seldir til ávikavist Hertha Berlin og Sunder­land. Sambært Marca, so hava átta Real Madrid-spælarar vent sær til Rafael Benitez og per­són­liga takkað honum fyri tíðina í felagnum. Keylor Navas, Gareth Bale, Pepe, Luka Modrić og Lucas Vásquez skulu vera ímillum teirra, meðan Ronaldo har­ afturímóti ynskti hann burt. 21 ára gamli miðvallarin hjá Atlético Madrid, Saul Niguez, kann vera ávegis til Manchester United. Tað er spanska útvarpsrásin Cope, sum sigur seg vita, at enska felagið ætlar sær at leggja 150 milliónir krónur á borðið fyri spaniumannin. Zinedine Zidane er av­ dúkað­ur í at hava valt Gareth Bale frá, tá ið hann á franska Canal+ fyri einum árum síðani skuldi seta sítt dreyma­lið. Hóast Bale júst var keyptur til felag hansara sum heimsins dýrasti, so valdi hann Messi, Zlatan, Benzema og Ronaldo sum áleypar­ar á liðnum. Fyrrverandi FCK-á­leypar­ in, Dame N'Doye, er ávegis til Sunderland. Tað skrivar Sky Sports. Fyrra árið gjørdi 30 ára gamli senegalesarin fimm mál í 15 dystum fyri Hull, men hann er síðani skiftur til Trabzonspor, har tað ikki hevur gingið eins væl. Yaya Touré sigur við l'Équipe, at tað er ein skomm fyri Afrika, at Pierre-Emerick Aubameyang úr Gabon varð kosin ársins afrikanski spæl­ a­ri. Týska blaðið Bild svarar honum aftur, og í klummuni um viku­skiftið skrivaðu teir, at Yaya Touré er ein vánaligur tapari. Allan Kuhn er útnevnd­ ur sum nýggjur venjari í svenska felagnum Malmø FF, sum var uttan venjara eftir at Åge Hareide hevur tikið við sum lands­liðs­ venjari hjá Danmark. Allan Kuhn hevur eitt skifti verið venjari hjá FC Midtjylland, men hevur seinastu tíðina verið hjálpar­venjari hjá AaB. BADMINTON Fyrrverandi bad­minton­ spæl­ar­in, Peter Gade, varð um viku­skiftið inn­limaður í danska Hall of Fame. Hann er 31. limurin í gylta vert­ skapinum og varð heiðraður fyri 17 ára yrkisleið sína, sum eitt nú kastaði HM- silvur og All England-gull av sær. Peter, sum í dag er 39 ára gamal, gavst í 2012. HONDBÓLTUR Føroyski dómarin, Eyðun Samuel­sen, og ís­lendski makkari hansara, Ing­ var Guðjóns­son úr Ís­landi, dømdu sunnu­dag­in 1/8-­finalu í EHF Cup hjá kvinn­um í­millum SERCODAK Dalf­sen úr Hol­landi og ERD HC úr Ungarn. Gest­ir­nir úr Ungarn vunnu 27-15, og sam­bært Eyðuni gekk væl at døma. Liðskiparin á svenska lands­lið­num, Tobias Karls­ son, sigur, at hann ætlar sær at spæla við lit­ríkum lið­skipara­bandi til EM-enda­ spælið í Póllandi um tvær vikur. Orsøkin er, at hann er mis­nøgdur við, at Pólland ikki loyvir samkyndum at vera í skrásettum parlagi. SÚKKLING Rutan í Vuelta a España varð almanna­kunngjørd í gjár. Í 71. útgávuni av kappingini, sum hesa­ferð byrjar 20. august, verða tað upp á tríggjar vikur súkklaðir 3.277 kilometrar ígjøgnum 16 lands­partar. Byrjað verður í Galicia, og málið er sum vant í høvuðsstaðnum, Madrid. Okkurt bendir á, at Alberto Contador ætlar sær at súkkla Vuelta a España í ár. Hóast hann enn ikki vil avdúka hvørjar ætlanir hann hevur umframt Tour de France, so segði hann leygar­dagin við Biciciclismo, at honum væl dámar ta júst kunngjørdu rutuna, og at hann í ár vil hjálpa Tinkoff- Saxo at fáa so nógv stig á UCI-listanum sum tilber. Hinvegin, so hevur lit­ríki súkklarin av Isle of Man, Mark Cavendish, meiri ítøkiligar ætlanir. Á tíðinda­ fundi leygardagin segði ný­klakti Dimension Data- súkklarin, at málið í ár er at vinna OL-gull, HM-gull og at sleppa í gulu troyggjuna í Tour de France. SVIMJING Sára Ryggshamar Nysted úr SuSwim setti trý nýggj føroysk met, tá ið fyrsta kapping var í Pálshøll um vikuskiftið. Metini vóru í 800m frí (9:12:01), 100m frí (58:91) og 400m frí (4:24:20) Fyriskipararnir av OL í Rio de Janeiro hava tikið burtur 1.250 áskoðara­pláss í svimji­høllini, sum skal brúkast til leikir­nar, tí at neyðugt er við fleiri stál­ stongum, og at hesar taka útsýnið frá hesum pláss­um. Pláss verður tí­skil fyri 12.500 áskoðar­um. Tað er væl færri enn í London, har pláss var fyri 17.500. TENNIS Heimsins besti tennisspælari í løtuni, Novak Djokovic, vann í gjár Qatar Open, har hann gav Rafael Vadal ein vals í finaluni. 6-1, 6-2 gjørdist sett­úrslitini í dystinum, sum einans vardi ein tíma og 13 minuttir. Hetta var 16. ferð á rað, at Djokovic var í einari finalu. Samstundis við kapping­ ina í Katar, so var eisini kapping í Brisbane, Avstralia. Roger Federer var favorittur at vinna finaluna, men har tapti hann ímóti 25 ára gomlu servu­kanónini úr Kanada, Milos Raonic. Hann vann 6-4, 6-4. Tað gjørdist ikki til nakran kappingar­sigur hjá donsku tennis­drotningini, Caroline Wozniacki, í ársins fyrstu WTA-kapping. Í ASB Classic í Auck­land, Ný Sæ­ landi, tapti hon hálv­finaluna ímóti Sloane Stephens úr USA, sum vann 6-2, 7-6, og seinni eisini vann finaluna ímóti Juliu Görges.