týsdagur 12. januar 2016síða 59

3 Samtakblaðið Mikudagur 13. januar 2016 Føroya Fiskimannafelag hevði landsfund millum jól og nýggjár. Dúgliga varð kjakast um nógv ymisk viðurskifti, men hóast høvuðssáttmálin er endurnýggjaður síðani undanfarna landsfund, og formansval fer fram í løtuni, so merkti tað ikki kjakið stórvegis. Landsstýrismaðurin í fiskivinnumálum var gestur á Landsfundinum hesaferð Føroya Fiskimannafelag: Friðaligur landsfundur Landsfundurin hjá Føroya Fiski­ manna­felag, varð hildin í hølunum hjá Føroya Arbeiðarafelag í Havn millum jól og nýggjár, 29. desember, og umleið 60 limir møttu upp. Hetta var hin fyrsti landsfundurin eftir viðtøkubroytingarnar, sum geva landsfundinum heimild at taka enda­ liga avgerð í øllum málum, eisini við­tøku­broyt­ingum. Fyrr kravdu við­ tøku­broyt­ingar, at meiriluti var fyri teim­um fyrst á landsfundinum 19. desember 2014 og síðani í uratkvøðu­ greiðslu millum allar limir felagsins á heysti 2015. Ongin atkvøðugreiðsla var tó hesa­ ferð. Góður siður Nevndin hevði annars lagt tvey upp­ skot um viðtøkubroytingar fyri lands­ fundin, men gjørdi av at taka tey aftur og útseta tey til næsta landsfund. Hetta tí ætlaðu lógarbroytingarnar ikki vóru fráboðaðar saman við lands­ fund­ar­lýsingunum. Støðan, har landsfundurin endaliga kann gera av viðtøkubroytingar, er nýggj, og ongin hevði hugsað um at lýsa ætlaðu viðtøkubroytingarnar framman­undan. Viðtøkurnar siga held­ur ikki, at ætlaðar viðtøku­broyt­ ing­ar skulu frá­boðast frammanundan, men í samráð við advokat felagsins helt nevndin, at tað er góður siður. Tey bæði uppskotini, sum vórðu tikin aftur hesaferð, snúðu seg um ávika­vist at taka av skipanina við sóknar­for­monnum og at broyta reglur­ nar fyri vali av sýsluformonnum (nevndar­limum), soleiðis at hesir verða vald­ir bein­leiðis á landsfundi og ikki við uratkvøðu millum allar limir felagsins. Eitt uppskot um at seta hámark á limagjaldið var innkomið frá einum limi. Men av tí, at felagið ikki hevði gjørt neyvar útrokningar og lýsing av av­leiðingunum, tók uppskotsstillarin upp­skotið aftur við vón um, at neyð­ ugu útrokningarnar verða gjørdar til næsta landsfund, so uppskotið kann setast fram aftur tá. Dúgligt kjak Annars var talan um ein stak friðar­ ligan landsfund, to at dúgliga varð kjak­ast, bæði um fakligu viðurskiftini, sum Jan Højgaard, felagsformaður, um­røddi í sínari formansfrágreiðing, og um fiskivinnupolitikk. Høvuðsíkastið til politiska kjakið kom frá Høgna Hoydal, fiski­mála­ráð­ harra, sum var gestarøðari á lands­ fund­inum. Høgni Hoydal greiddi frá fiski­ vinnu­politikkinum hjá samgonguni, og aftaná fekk hann hópin av spurn­ ing­um og viðmerkingum. Tilfeingisgjaldið, sum mann­ingar­ nar partvíst verða trektar fyri, var í brenni­deplinum, og fiskimálaráðharrin harm­aðist um, at samgongan hevði kent seg noydda at sleppa kravinum um, at reiðararnir fram eftir ikki skuldu kunna taka tilfeingisgjaldið av óbýtt­um. Beinleiðis spurdur segði Høgni Hoydal, at hann helt tað vera grund­ leggj­andi skeivt, at mann­ingar noyðast at gjalda part av tilfeingisgjøldunum, sum verða løgd á reiðararnar fyri teirra. Nevndin hevði lagt tvey uppskot um viðtøkubroytingar fyri landsfundin, men gjørdi av at taka tey aftur og útseta tey til næsta landsfund, tí ætlaðu lógarbroytingarnar ikki vóru fráboðaðar frammanundan. Hóast viðtøkurnar ikki krevja hetta, so helt nevndin tað vera góðan sið, nú landsfundurin hevur fingið heimild einsamallur at fremja viðtøkubroytingar. Dúgliga varð kjakast, men lítið merktist til, at sáttmálasamráðingar vóru í fjør, og at formansval er í løtuni. Høgni Hoydal, fiskimálaráðharri, var gestarøðari.