týsdagur 12. januar 2016síða 63

7 Samtakblaðið Mikudagur 13. januar 2016 síðan 1997, gjørdist Hans Joensen for­ mað­ur í Havnar Arbeiðsmannafelag í 2003, og hevur hann sitið sum for­mað­ ur øll árini síðan. – Tá Karl Johansen doyði í mars mán­aði í 2002, tók Jan Midjord við sum formaður fram til aðalfundin í 2003. Jan læt seg ikki stilla uppaftur sum for­ mans­valevni, men var í nevnd felagsins nøkur ár eftir hetta. Vit vóru tveir, sum still­aðu upp til formansvalið í 2003. Seinastu 26 árini, áðrenn Hans gjørdist formaður í Havnar Arbeiðs­ manna­felag, arbeiddi hann á Bacalao, har hann serliga hevði til uppgávu at frysta slógv á virkinum. Men, Hans hevur eisini verið sjó­ maður í eini 10 ár. Hann hevur róð út undir Føroyum, og í trý summar róði hann út í Ravnoynni í Grønlandi. – Fyrstu ferð, eg var í Ravnoynni, var á sumri í 1967, og tá var eg júst fyltur 15 ár. Hans var við Baki árini 1970 til 1975 og fór síðan umborð á Búgvan, sum Martin Clementsen átti. Tá Búgvin sakk, keypti Martin sær Skoparan, og Hans róði eisini út við Skoparanum. Tá Hans Joensen sum 14 ára gamal fór úr 7. flokki í Havn, fór hann oman á Bacalao at arbeiða, og á virkinum hevði hann nógvar ymiskar uppgávur. – Eg stóð við vektina, og eg landaði. Her var nógv at takast við, og her var eis­ini saltfiskur. Tú føldi ábyrgd, og longu tá vistu tú, at fiskurin skuldi ar­beið­ast undan, so hann ikki fór til spillis. Tað var í 1978, eftir at Hans bæði hevði verið í Ravnoynni, við Baki, Búgvanum og Skoparanum, at hann fór aftur á Bacalao at frysta slógv. Tá hevði hann – heilt frá ungum av – verið á Bacalao av og á, tá høvi beyðst. Hevði hevði soleiðis í fleiri ár havt eitt til­knýti til fiskavirkið á Vestaru Bryggju. Pápin í nevndini Tað var ikki av ongum, at hugurin hjá Hans Joensen byrtist fyri fak­felags­ virk­semi. Pápi hansara, Christian Joensen, var í nevndini í Havnar Arbeiðs­mannafelag. Hann var tó farin úr nevnd­ini, tá sonurin í 1997 fyrstu ferð varð valdur í nevnd. – Pápi mín var við, tá eitt nú eftir­ lønargrunnur felagsins varð stovnaður, og mín áhugi fyri fakfelagsvirksemi byrtist, tí pápi mín var aktivur í nevnd felagsins. Eg plagdi at vera við sum limur, tá fundir vóru í felagnum, men eg var ikki á hvørjum fundi. Sjálvur hevði eg ongantíð havt nakra ætlan um at stilla upp til nevndarval, men tað kom tann dagur, tá limir heittu á meg um at stilla upp, og soleiðis kom eg í nevndina í felagnum. Hans sigur, at hóast hann ongantíð hevði havt ein dreym um at gerast nevndar­limur – og enn minni fak­ felags­formaður – gjørdist hann rætt­ iliga tendraður í fakfelagsvirksemi, tá hann kom at sita í nevndini saman við øðrum góðum monnum. – Eg helt, at felagið hevði eina ógvu­liga góða nevnd og ein serstakliga góðan formann við Karl Johansen. Karl var góður við meg sum nýggjur í nevnd­ini. Hann stuðlaði mær væl, og eg havi alt gott at bera manninum, sum virku­liga livdi og stríddist fyri felagið og sínar limir. Sæð í bakspeglinum var Karl ein ótrúliga góður maður fyri felagið, og hann hevði nógvar góðar og dugnaligar menn aftrat sær, um­ framt dugalig fólk á skrivstovuni. – Sum nýggjur nevndarlimur sá eg skjótt, at Havnar Arbeiðsmannafelag var eitt væl rikið felag við dugnaligari nevnd og góðum fólki á skrivstovuni, har ansað varð væl eftir øllum. Hans ásannar, at tað ikki minst var ein styrki og stuðul, tá hann tók við sum formaður í 2003, at Monrad Kjelnæs longu tá í fleiri ár hevði havt skrivstovuleiðsluna og skrivara­ arbeiðið felagsins um hendi. – Monrad er framvegis í starvi hjá felagnum, sum hann nú hevur tænt í meira enn eina fjórðingsøld, og her hava vit eisini Ruth og Joan, sum báðar eru sera dugnaligar í bók­hald­ inum. Sjálvt um eg hesi ár síðan 2003 havi gjørt mær mínar royndir sum for­maður og í dag kenni felagið niður í smá­lutir, eru dugnaligu skrivstovu­ fólk­ini mær og nevndini annars fram­ vegis ein dyggur stuðul. Ein góð íløga Hans Joensen sigur, at nevndin í dag kann fegnast um, at stóra byggi­verk­ ætlanin við Tinghúsvegin av felags­ høl­unum nú er komin undir land. – Vit ivaðust leingi í, hvat vit skuldu gera við henda partin av bygn­ing­inum, sum var tann gamli Farodane-bygningurin. Bygningurin var í ringum standi, og vit høvdu eitt til­boð upp á dagføring. Vit væntaðu tó ikki, at vit fóru at fáa nóg nógv burtur úr hesum, soleiðis sum standurin var. Formaðurin sigur, at tað at enda var hansara uppskot at ríva gamla bygn­ing­in niður og byggja ein nýggjan bygn­ing í fimm hæddum uppaftur. – Nevndin tók undir við mær í hes­um, og í dag eri eg ógvuliga glaður fyri, at vit valdu hesa loysnina. Vit hava havt góðar ráðgevar, og vit hava spurt okkum væl og virðiliga fyri, so­ leiðis at alt er avgjørt niður í minstu smá­lutir – eisini fyri at tryggja okkum, at vit kendu endaprísin á verkætlanini. Hans Joensen sigur, at nýggi bygn­ ing­urin verður liðugur og klárur at flyta inn í nú um hálvan januar. – Gólvvíddin í hvørjari hædd sær liggur um 300 fermetrar, soleiðis at saml­aða fermetratalið liggur um 1500 fer­metrar tilsamans. Vit koma at hús­ ast á 2. hædd inn frá vegnum, og síðan verður restin av bygninginum leigaður út, harav Landsverk hevur tað mesta. Tilboðið hjá Búsetur fyri verk­ ætlan­ina er á 34,7 miljónur krónur, og har­aftrat skal gjaldast fyri eitt nú ráð­geving. – Í sáttmálanum hava vit tryggjað okkum, at vit ikki verða undirdýktir við eykarokningum. Prísurin hevur hildið. Verkætlanin hevur av givnum orsøk­um drigið eitt sindur út í mun til sátt­málan, men tað er eingin kata­ strofa. Vit fáa ein góðan bygning, og tað er hetta, sum hevur størstan týdn­ ing fyri okkum, sigur hann. Kona og børn Hans Joensen, sum er ættaður úr Skopun, er 64 ára gamal. Hann er giftur Kirstin, sum er undan Kráku­ gjógv í Havn. Tey eiga tríggjar døtur, sum eru føddar í 1974, 1976 og í 1981, og Hans og Kirstin eiga átta abba-og ommu­børn. – Eg var 13 ára gamal, tá eg flutti til Havnar. Her gekk eg í 7. flokki í eitt ár, og tá barnaskúlin varð liðugur, fór eg á Bacalao at arbeiða, sigur formaðurin í Havnar Arbeiðsmannafelag, sum – meira enn nakað annað – hevur lívs­ ins skúla sum sína barlast í lívinum og sum formaður í Havnar Arbeiðs­ manna­felag. Í nevndin í Havnar Arbeiðs­manna­ felag í dag eru umframt formannin, Jóan Karl Dam, næstformaður, og nevnd­ar­limir eru Sakaris Hansen, Heri Reynheim og Martin Wennerstrøm. – Nevndin tók undir við mær um at byggja nýtt, og í dag eri eg ógvuliga glaður fyri, at vit valdu hesa loysnina, sigur Hans Joensen