hósdagur 14. januar 2016síða 6

FRÍGGJADAGUR 15. JANUAR 2016 SOSIALURIN 6 6 TÁ FØROYINGAR SÓU TRØLL Á ALLJÓSUM DEGI Í døgunum 8. til 12. januar kjakaðust fleiri føroyingar um trupulleikan við, at muslimar royndu at kroysta teirra matsið yvir høvdið á føroyska børnum. Tað vísti seg tó seinni, at søgan í stóran mun var tann reini uppspuni, men tá høvdu fleiri føroyingar í dagavís lagt navn og mynd til rasistiskar og hatursfullar viðmerkingar um muslimar HALLUR AV RANA V ikuskiftis-Sosialurin hev­ ur hugt at hvussu søgan ment­ist á sosialum miðl­ um og netinum. Fríggjadagin 8. januar Stutt eftir klokkan fimm seinnapartin leggur Vágaportalurin út eina grein. Talan er um eina stutta viðmerking frá borgarstjóranum í Tórshavnar komm­unu, Heðini Mortensen, um leysa­søgurnar, at muslimskar fam­ iljur eru ónøgdar við matin á barna­ gørð­unum í kommununi. Orsøkin er, at muslimar ikki kunnu eta allan mat, ið føroyingar eta. Borgarstjórin váttar partvís leysa­ søgunum. – Vit merkja at ynskir eru frá mus­limsk­um foreldrum um at fáa annan mat á stovnunum til børnini, men hetta er ikki nakar trupulleiki, sigur Heðin Mortensen, borgarstjóri í Havn, í stuttari viðmerking við VP. Hóast borgarstjórin vísir á, at ongar broytingar eru gjørdar, men at um­talaðu foreldrini geva børnunum sín egna mat við, so vakir greinin ans á sosialum miðlum, og eitt langt orða­ skifti byrjar. Í skrivandi løtu er greinin deild 261 ferðirnar á Facebook, meðan 44 høvuðsviðmerkingar eru gjørdar undir greinini. Millum mongu við­merk­ingarnar eru orðingar sum: »So byrjar tramansskapurin eisini í Føroyum.« »Teir byrja at gera seg inná mat­ ment­anina. Um teir vilja at børn­ini skulu eta kebab, so skulu teir flyta av hundunum til aftur til banan­ ir­nar og kamelarnar í oyði­mørk­ unum.« »Fuck hasi dýrini, um tey eru ónøgd so kanna tey bara skrubba av H til!!!!!« »Tað næsta verður at konufólk skulu svimja í seingjarklæðum, og steinast til deyðis tá tær verða neyðtiknar. Vil man loyva halal mat í FO so stuðl­ar man beinleiðis terrorismu t.d. al Qaeda og eg haldi eisini ISIS.« Leygardagin 9. januar Vágaportalurin ger eina spurna­ kann­ing á teirra heimasíðu, har spurningurin er: Skulu vit rætta okkum eftir siði hjá øðrum? Seks prosent svara ja, tvey prosent at tað ger teimum tað sama, meðan heili 92 prosent siga ikki talan um. Mánadagin 11. januar Nýggi netmiðilin Dagblaðið blandar seg nú í málið, og við yvirskriftini: »Muslimar broyta matin á barnagørðum«, verður bensin helt á bálið. Dagblaðið leggur beinleiðis mus­ limsk foreldur undir at vilja broyta matin á barnagørðum, og inn­gang­ urin á greinini leggur beinanvegin tónan fyri restina. – Muslimar fáa meira og meira vald, eisini í Føroyum. Seinasta er, at muslimar nú leggja barnagørðunum í Havn í lag, at broyta matin, so hann er »muslimskur«. Sambært Dagblaðnum, so hevur borgarstjórin váttað, at summir barna­garðar hava lagt matin um. Greinin verður dúgliga deild á sosial­um miðlum og eitt hópa­ tal av við­merk­ingum eru undir grein­ini og á teirra faceook- síðu. »Eisini í Føroyum. Hatta fólkaslagið skal halda seg heima og ikki royna at broyta alla verðina til at passa teimum.« »Soleiðis er at innflyta hatta pakkið úr Miðeystri.« »Men so er tað bara ein bólkur av svínum, ið koma frá sandkassa­lond­unum runt um Miðeystur. Tey hava eina trúgv, ið ikki er tespilig fyri onnur, og so slett ikki fyri børn. Haldi kommunan skuldi og koyrt hasa fam­iljuna til hús. Haldi eisini at landi skuldi forbjóða koranini her á landi. Hon er ein svínsk bók, har hon inniheldur alt um tann kend­asta pedofila mannin, ið hevur traðkað á hesa jørð. Haldi eisini, at handan familjan skuldi verið meldað til Barnaverndina. Tí normalan uppvøkstur kann handan fam­iljan neyvan geva einum barni.« Týsdagin 12. januar Borgarstjórin, Heðin Mortensen, tekur endiliga til orðanna í einum lesara­brævi sent til fjølmiðlarnar, har hann kveistrar allar leysasøgur til viks og staðfestir, at eingi krøv eru sett til matin á dagstovunum frá mus­limsk­um foreldrum. – Søgur hava tikið seg upp, hvørt dagstovnar í Tórshavnar kommunu eru farnir at geva børnunum mat, sum er tillagaður ávísari religøsari trúgv, skrivar borgarstjórin og leggur afturat. – Lat tað verða sligið fast, at so er ikki, og eingin orsøk er til skapa tví­drátt um hetta, sum eisini er fremmant í mun til ta visjón, ið býráðið hevur samtykt Sostatt vórðu leysasøgurnar, ið løgdu gróðrarbotn til hatursfullar við­merkingar um muslimar og ótta mill­um føroyingar, væl og virðiliga aftur­vístar. HALLUR@SOSIALURIN.FO FJØLMIÐLASIÐUR