hósdagur 14. januar 2016síða 24

FRÍGGJADAGUR 15. JANUAR 2016 SOSIALURIN 6 24 POLITIKKUR Landsstýrismaðurin við fiskivinnumálum, Høgni Hoydal, Tjóðveldi, er um at vera klárur við nevndini ÁRNI GREGERSEN T að verður ein nevnd, sum skal fyrireika eitt uppskot til nýggja lóg um vinnuligan fiskiskap. Landsstýrismaðurin við fiskivinnumálum fráboðaði beinanvegin hann tók við starvinum, sum landsstýrismaður, at farið verður undir at gera klárt til nýggja lóg um vinnuligan fiskiskap, sum skal koma í gildi 1.januar 2018. Til at fyurireika lógina setir landsstýrismaðurin eina nevnd, sum hevur umboð fyri sakkunnleikan og vinnuna at arbeiða við málinum. Harafturat skal ein fylgibólkur frá vinnuni setast og ein politiskur fylgibólkur. Nú er nógv tíð fráliðin, men alt bendir á, at nevndin verður sett fyrsta dagin og kann fara undir fyrireikingararbeiðið. Landsstýrismaðurin hevur eisini sagt, at lógaruppskotið skal leggjast fram á ólavsøku ella beint eftir ólavsøku. Tað vil siga, at nevndin sum skal arbeiða fær ikki serlgia langa tíð. Deadline Júst á fiskivinnuøkinum er tað soleiðis, at tað er eitt evstamark fyri nær ein nýggj lóg skal vera liðug. Galdandi lóg um vinnuligan fiskiskap fer úr gildi 31.desember 2017. Tí er neyðugt, at nýggja lógin er klár at seta í gildi 1.januar 2018. Verður tað ikki gjørt, so er neyðugt at leingja lógina, sum vit kenna í dag, tí vinnan kann als ikki steðga, meðani bíðað verður eftir nýggjari lóg. Politiska stríðið á økinum snýr seg um at býra tilfeingi æðrvísi. Samgongan hevur eisini sett sær fyri, at tað skal verða møguligt hjá æðrum enn teimum, sum eru í vinnuni í dag at sleppa uppí aprt. Uppboðssøla er eisini nevnd og kann gerast aprtur av nýskipanini. Hetta tykist tó vera tann knasturin, sum vinnan alls ikki vil kennast við. Vinnan sigur í dag, at hon heldur vil gjalda tilfeingisgjald enn noyðast út at keypa rættindi á einari uppboðssølu. Høgni Hoydal, landsstýrismaður við fiskivinnumálum, sigur, at nevndin nú verður almanna– kunngjørd fyrsta dagin NEVNDIN HJÁ HØGNA HOYDAL VERÐUR KLÁR FYRSTA DAGIN