mánadagur 18. januar 2016síða 4

Mánadagur 18. januar 2016 · Nr. 7 4 Sosialurin Hugskot og viðmerkingar – send sms til 225000 POLITIKKUR ETISKA MÁLIÐ UM HJÚNABAND MILLUM SAMKYND TIL VIÐGERÐAR Árni Gregersen Politiska arbeiðið var í hæddini í endanum á sein- asta kalendarraárinum, men síðani hevur verið friðarligt í Løgtinginum. Ongir fundir hava verið í tingsalinum og nevndirnar hava ikki havt fundir fyrr enn í dag. Kortini hevur ein part- ur av tingfólkunum verið savnað í tí stóra pensjóns- bólkinum, sum seinni í ár skal koma við uppskoti um, hvussu pensjónin skal skip- ast í komandi árunum. Men nú er tingið farið til arbeiðis. Fyrsti tingfundurin verð- ur hósdagin, men alla vikuna hava fleiri nevndir fundir. Málið, sum fleiri nevndir viðgera, er uppskotið um at broyta hjúnabandslógina, so samkynd kunnu giftast borgarliga. Talan er í veruleikanum um trý lógaruppskot, sum tríggjar ymiskar nevndir viðgera. Málið, sum tær fýra Sonja Jógvandóttir, uttanflokka, Kristianna Winther Poulsen, Javnaðarflokkurin, Bjørt Samuelsen, Tjóðveldi, og Hanna Jensen, Framsókn, hava lagt fram er reint lógar- tekniskt rættuliga fløkjasligt. Millum annað tí er talan um trý ymisk lógaruppskot Tríggjar nevndir At talan er um trý uppskot ger, at uppskotini verða við- gjørd í trimum ymiskum tingnevndum. Mentanarnevndin hev- ur havt fund í dag, har umboð fyri fleiri áhuga- bólkar hava havt høvi at gera viðmerkingar til lógar- uppskotið. Lógarbroytingarnar, sum mentanarnevndin viðger, snúgva seg um nakrar fylgi- broytingar. Broytingin snýr seg um at sláa fast, at tær broytignar sum verða gjørdar í hjúnabandslógini eru um, at sanmkynd kunnu giftast borgarliga. Fyri at hetta skal standa greitt, so er uppskot um at broyta eina lóg frá 2008, sum skal staðfesta, at kirkjuligar vígslur eru vígslur millum fólk av ymiskum kyni. Ásetingin staðfestir, at tað, eins og siðvenja er, framvegis bert eru fólk av ymiskum kyni, sum verða vígd ella fáa kirkjunnar væl- signilsi av hjúnabandinum. Trivnaðarnevndin Trivnaðarnnevndin í Løg- tinginum situr við teim- um broytingum, sum í veruleikanum snúgva seg um at fáa donsku ríkis- myndugleikarnar at seta eitt ríkislógartilmæli partvís í gildi í Føroyum. Ríkislógartilmælið eitur: »Anordning om delvis ikrafttræden for Færøerne af lov om ægteskabs indgåelse og opløsning, lov om ægte- skabets retsvirkninger og retsplejeloven og om op- hævelse af lov om registreret partnerskab« Trivnaðarnevndin hev- ur gjørt ein samandrátt, har sagt verður, hvat broyting- arnar í veruleikanum hava við sær: • At tvey fólk av sama kyni kunnu verða borgarliga vígd. • Broyting av »retsvirk- nings« lógini víðvíkjandi teimum rættarligu av- leiðingum av borgarlig- ari vígslu millum tveir persónar av sama kyni. • Fylgilógaruppskot, so lóggivið ikki verður inn um kirkjugátt í mun til vígslu og vælsignilsi av borgarliga vígdum sam- kyndum hjúnum og broy- ting í føroysku rættar- gangslógini. Hvat er hjúnaband Ein partur av hesi broyting snýr seg um at staðfesta, hvat eitt hjúnaband er. Higartil hevur tað verið soleiðis í øllum lógarteksti, tá ið talan er um hjúnaband, at tá er talan um hjúnaband millum mann og kvinnu. Fyri at gera tað møguligt hjá persónum av sama kyni at ganga saman í hjúnalag, verður mælt til, at tað verður staðfest í lógini, at hon fevnir um hjúnalag millum tveir persónar av ymiskum kyni og tveir persónar av sama kyni. Ásetingin, ið fer at gera tað møguligt hjá pørum av sama kyni at ganga saman í hjúnalag, verður skoytt upp í kapittul 1 í einari nýggjari grein 1. Harvið verður tað gjørligt hjá pørum av sama kyni at ganga saman í hjúnalag við einari borgarligari vígslu. 16 ymisk umboð fara á fund við trivnaðarnevndina um hetta mál í morgin og hósdagin. Sjey umboð vóru á fundi í mentannarnevndini í dag og rættarnevndin, sum eisini er partur av viðgerðini, fær vitjan av seks ymiskum umboðum. Sigast skal, at fleiri av umboðunum eru á vitjan í tveimum ella trimum nevnd- um. Lógaruppskotið, sum fær viðgerð í rættarnevndini, snýr seg fyrst og fremst um, tá ið talan er um skilnað í hjúnabandinum. Neyðugt er at gera broytignar í rættargangs- lógini og øðrum fyri, at tær broytingarnar sum annars verða gjørdar, eisini hóska inn í rættargangslógina. Løgtingið er av álvara farið aftur til arbeiðis eftir jólafrítíðina – og nevndirnar viðgera uppskotið um møguleikarnar hjá samkyndum at giftast Sonja Jógvansdóttir, uttanflokka Bjørt Samuelsen, Tjóðveldi Kristianna Winther Poulsen, Javnaðarflokkurin Hanna Jensen, Framsókn