mánadagur 18. januar 2016síða 12

Mánadagur 18. januar 2016 · Nr. 7 12 Sosialurin Hugskot og viðmerkingar – send sms til 225000 Áki Bertholdsen Spurningurin um at drepa grind ella ikki, er ein spurningur um kenslur og um hvussu summi fólk halda, at vit eiga at liva, ella ikki. Tað sigur Hans Jacob Hermansen í Grindamanna- felagnum. Eisini hann tók lut í kjakinum í Norðurlandahús- inum í sambandi við at nýggi grindafilmurin varð frumsýndur. Hans Jacob Hermansen sigur, at størsta orsøkin til at hvalurin er hóttur, er dálking, og dálking er eisini størsti vandin fyri hvalin yvirhøvur. Hann sigur, at Grind- mannafelagið setir trý krøv til grindaveiði: Grindin skal ikki vera ein hóttur stovnur, grindin skal brúkast til mannaføði og grindin skal avlívast so skjótt og pínu- leyst, sum gjørligt. – Skulu vit drepa djór til matna, er ikki munur á djórum. Og tann sum er uppvaksin við at vera so sjálvbjargin sum gjørligt, er eisini uppvaksin við, at djórini skulu avlívast so pínuleyst sum gjørligt. Marna Frida Olsen, sum er virkin í djóravernd, og sum er við í nýggja grindafilminum, heldur, at tað er áhugavert, at tað verður ført fram, at talan er um kenslur, tá ið fólk vilja hava grindadráp at halda uppat, – Tað er rætt, at spurn- ingurin um eitt djór pínist, kann vera kensluborðin, sigur hon. Men hon heldur ikki, at tað er einki galið í at hava kenslur, ella at hava sam- kenslu. – Tað er eisini ein spurningur um kenslur, tá ið føroyingar tvíhalda at halda fast um grindadráp, bara tí at tað hava føroyingar gjørt í fleiri hundrað ár, sigur hon. Jens Mortan Rasmussen, sum eisini er við í nýggja grindafilminum, skilir ikki tey, sum vilja hava okkum at gevast at drepa grind, men sum gleðiliga eta ein búff ístaðin. – At taka eitt lív er at taka eitt lív, einasta hárhvassa markið er, um talan um um at taka mannalív ella djóra- lív, heldur hann Og hann heldur, at vit eiga at verða før fyri at drepa tey djór sjálvi, sum vit eta. Kanst tú ikki drepa tað, kanst tú ikki eta tað, helt hann fyri. – Vit skulu ikki halda fast um eina siðvenju, bara tí at tað er ein siðvenja, ljóðaði eisini ein viðmerking úr salinum. Ongin veit, um føroyska grindadrápið er burðardygt ella ikki Ongin veit, um føroyska grindadrápið er burðardygt ella ikki Ongin veit hvussu nógv er til av grindahvali Áki Bertholdsen Er grindadrápið í Føroyum burðardygg veiða, ella ikki. Tað er ein av teimum stóru spurningunum í kjak- inum um vit skulu halda fram at drepa grind, ella ikki. Á pallborðsfundi í Norð- urlandahúsinum í sambandi við at nýggi, føroyski grinda- filmurin varð frumsýndur, varð staðfest, at vit vita rætt og slætt ikki um veiðan er burðardygg. Fabian Ritter, havlívfrøð- ingur og grindagranskari, sum eisini er við í nýggja filminum, sigur, at veruleikin er, at ongin veit, hvussu stórur stovnurin av grind er. Vit vita heldur ikki, um stovnurin rundan um Før- oyar, er ein lokalur stovnur fyri seg, ella um talan er um ein stóran felags stovn, sum eisini heldur til við Føroyar. Samstundis vita vit lítið um, hvussu grindahvalur ferðast, leggur hann afturat. – Onkrar kanningar benda á, at grindahvalur ferðast víða, men á Kanariu- oyggjunum er hann nokk so støðufastur og sæst árið runt, sigur hann. Rúni Nielsen, djóravernd- armaður, sigur, at onkrar metingar siga, at tað eru 700.000 grindahvalir til og at tað tískil ikki ger nakran mun, at føroyingar veiða 800 í miðal um árið. – Men tað eru 20 ár síðani, hendan stovnsmeting varð gjørd, leggur hann afturat. Hinvegin vísir hann á, at síðani er nógv hent, sum ávirkar stovnin, eitt nú tann ógvusliga dálkingin. Veruleikin er eisini tann, at nógvur hvalur verður ásigldur av skipum, og doyr, og hvørt ár doyggja einir 300.000 hvalir í gørnum og nótum - og enn fleiri doyggja av at eta burturkast, helst plast, sum teir halda vera matur. – Vita ikki, hvørja ávirkan tað hevur, at vit drepa heilar familjur av grindahvalum. Vit skulu gevast Í nýggja grindafilminum verður staðfest, at hvat nógvum hvalasløgum við- víkur, eru 95 prosent av stovnunum, ella meiri, týnd. Rúni Nielsen, heldur, at vandi er fyri, at føroyska grindaveiðan tekur so nógv burtur av stovninum, at hann er hóttir. – Eg haldi, at grinda- stovnurin er hóttur og tí er stundin komin at leggja á annan bógv, heldur hann. Og tá ið vit so ikki vita, hvussu nógvur grindahvalur er til í Norðuratlantshavi, er boðskapurin greiður: Vit eiga ikki at drepa teir siga tey, sum standa aftanfyri nýggja, føroyska grindafilmin. GRIND OG FRAMTÍÐIN Vit vita rætt og slætt ikki um føroyska grindadrápið er burðardygg veiða, tí vit vita ov lítið um, hvussu stórur stovnurin er, og, hvussu grindahvalur ferðast, sigur Fabian Ritter, havlívfrøðingur og grindagranskari VIT SKULU IKKI LATA OKKUM STÝRA AV KENSLUM Tað er einki galið í at hava kenslur. Tað eru eisini kenslur sum gera, at vit tvíhalda um grindadráp, tí at tað er aldargomul siðvenja, heldur Marna Frida Olsen, djóraverndarfólk, sum eisini er við í nýggja, føroyska grindafilminum