mánadagur 18. januar 2016síða 18

Mánadagur 18. januar 2016 · Nr. 7 18 Sosialurin Hugskot og viðmerkingar – send sms til 225000 ÍTRÓTTUR Tróndur Arge / Neli Heldarskarð Tað eru bara fimm minuttir eftir at spæla, tá Jógvan G. Joensen skorar forloysandi málið fyri StÍF. 21-18, eftir at H71 hevur kempað seg inn í aftur dystin. Málið tykist endaliga staðfesta, at strand­ ingar fyri aðru ferð upp í slag, hava vunnið á FM-favo­ ritt­unum í egnari holu. Á bonkinum hjá StÍF er fagnaður um málið og leiðsl­ una. Strandingar eru sum gandaðir í steypakappingini. Tá ber alt til – næstan. H71 svarar aftur Seinastu fimm minuttirnar er fjáltur á teimum hvít­ klæddu strandingunum. Lykla­spæl­ararnir verða mans­vardir, meðan hinir ikki hava dirvið ella hegnið, at skjóta deyðiliga skotið. H71 fær aftur yvirtakið og javnar. Seinastu løtuna er spenn­ ingurin í hásæti, tí eitt mál verður helst avgerandi fyri út­fallið á dystinum. Tað endar við, at hoyvíkingar senda bóltin í síðunetið. Eitt stig í part til H71 og StÍF. Báðir partar kunnu vera ónøgdir, men samstundis nøgdir. StÍF hevur enn takið á H71, sum tó fekk bart seg upp á javnleik, hóast tað sá svart út bara fimm minuttir fyri tíð. Vónbrotnir venjarar Bæði Pole J. Hansen, venjari hjá StÍF, og Petur Mittún, venj­ari hjá H71, vóru vón­ brotnir eftir dystin. Annar við úrslitið, og hin við gongd­ ina í dystinum. – Eg eri ordiliga vón­ brotin. Vit høvdu allar møgu­leikar at vinna hendan dystin. Vit fylgjast í fyrra hálv­leiki, men so dumma teir seg og fáa skítfult av út­ vís­ingum. Vit útnytta tað og vinna okkum eina leiðslu, men frá 24. minutti fáa vit einki mál, hóast vit hava møgu­leikarnar, sigur Pole J. Hansen, meðan hann bæði suffar og puffar. Petur Mittún fegnast um, at H71 fekk javnleikin heilt móti endanum, men er ónøgd­ur við gongdina í dyst­ inum. – Tá vit hugsa um, at vit eru fýra mál aftanfyri, tá tað eru seks minuttir eftir, so eri eg nøgdur við javn­ leikin. Annars er hetta ein kata­strofa. Eg iðri meg um pill-etandi-hamrandi býttar út­vísingar, og um brendar mál­møgu­leikar, sigur Petur Mittún, sum leggur aftur­at, at spælararnir hava fingið eina átalu frá venjara­toym­ inum, at nú skulu teir gevast við at fáa óneyðugar út­vís­ ingar fyri eitt nú brok. Báðir eru samdir um, at grønlendski málvejin hjá StÍF, Ísak Olsen, var dags­ins spælari. Hann var strand­ ingum avbera góður. Bæði liðini hava enn møgu­leika at koma víðari. Eykaliðið hjá H71 skakaði Kyndil Í sama bólki í Coca Cola- steypakappingini hjá monn­ um tók Kyndil ímóti eyka­ liðnum hjá H71, H71 II, sum spælir í 1. deild, men sum einsa­malt eykalið luttekur í steypa­kappingini saman við øllum liðunum í FTZ-deildini. Hesin dystur varð spældur í høll­ini á Hálsi í gjár. Kyndil hevur ikki tapt sínar seinastu fimm dystir í landskappingini, og tí burdi hesin dystur á pappír­inum verið ein avgreiðslu­spurn­ ingur. Men H71 hevur ein sera breiðan hóp og gott fólka­grundar­lag í felagnum, sum ger, at nógvir fínir hond­ bólts­leikarar spæla á næst­ besta liðnum. Í fyrra hálvleiki var sera lítil munur á liðunum. Hálv­ leiks­støðan var 14-13 til Kyndil, sum var á heimavølli. Í seinna hálvleiki vóru tað eyka­menninir úr Hoyvík, sum løgdu bragdligari fyri, og eitt skifti var H71 á odda bæði 17-15 og 18-17. Hetta gjørdi sítt til, at Kyndil valdi at mansverja garvaða Halgir Dahl Olesen, sum er ann­ ar av venjarunum á besta lið­num, men spælir við á næst­besta liðnum. Hendan mans­verjan av 36 ára gomlu kemp­uni hevði avgerandi ávirkan á úrslitið, tí at eftir mans­verjuna kom Kyndil á odda heili 24-18. At enda vann Kyndil 24-21 ímóti hoyvíking­ unum, sum til dagliga spæla í næstbestu deildini, men sann­iliga bitu frá sær í dag. Eisini er vert at nevna, at bert 17 ára gamli Bartal Klein Olsen gjørdist toppskjútti hjá Kyndli. Hann skoraði sjey mál. Tað er bara eitt lið, sum hetta kappingarárið hevur fingið stig við úr Hoyvíkshøllini. Tað er StÍF, sum í tveimum teir royndum eru farnir avstað aftur við trimum stigum. – Vit hava altíð havt gott tak á H71, sigur venjarin hjá StÍF RÆÐAST IKKI HOYVÍKS­ HØLLINA