týsdagur 19. januar 2016síða 9

9 Mikudagur 20. januar 2016 · Nr. 8 Sosialurin Hugskot og viðmerkingar – send sms til 225000 ELDRAØKIÐ Hallur av Rana – Tað handlar nógv um hvussu arbeiðsumstøðurnar eru. Tá búfólkini flyta inn eru tey kanska væl fyri, men verða so seinni verri fyri. Tá verður so neyðugt við fleiri starvsfólkum. Tað sigur Majbritt Mohr, forkvinna í Heilsurøktar- felagnum, tá Miðlahúsið setir henni spurningin, um hvat besta býtið er av starvsfólkum, aftaná at Vikuskiftis-Sosialurin fríggjadagin vísti á, at tað á Boðanesheiminum er eitt starvsfólk fyri hvørji fýra búfólk. Majbritt Mohr sigur, at tað er sera ymiskt hvønn tørv búfólkini hava. Um tey eru væl fyri, so letur tað seg gera, at vera eitt starvsfólk til fýra búfólk, men um búfólkini eru illani fyri, so er støðan ein heilt onnur. – Trupulleikin tekur seg beinanvegin upp, tá tað eru búfólk, ið hava brúk fyri at tvey eru um at hjálpa viðkomandi. Tá eru tað sjey onnur búfólk, ið bíða. Um tey so eisini eru illani fyri á onkran hátt, tað kann vera, at tey eru dement, rýma illa ella eru aggressiv, so kann tað føra til óhepnar støður millum búfólkini, tí eingi starvsfólk eru til staðar. Ein trivnaðarkanning millum limirnar hjá Heilsu- røktarfelagnum bendir tó á, at býtið millum starvsfólk og búfólk ikki er nøktandi. Kanningin vísir nevniliga, at 43 prosent av limunum arbeiða longri enn tey eiga. – Tað er tí, at tey ikki náa at gera allar uppgávurnar í vanligari arbeiðstíð. So ganga tey eitt sindur longri fyri at náa alt, sigur Majbritt Mohr. Manglandi starvsfólkini á eldraøkinum hevur eisini aðrar óhepnar fylgir við sær. – Tað eru nøkur eldri, ið hava brúk fyri at tvey eru um tey. Men tað hendir ov oftani, at bara eitt starvsfólk er um tey, tí tey ynskja ikki at forstýra hini, ið eisini hava nokk at gera. So starvsfólkini gera tungt arbeiði einsamøll, og tað er ikki gott fyri heilsuna. Úrslitið er, at tey fáa ilt í ryggin, økslini og hondliðini. Fleiri av okkara eldri limum stríðast við slíkar trupulleikar. Forkvinnan fyri heilsu- røktararnar metir tó, at hvørki hægri játtan ella fleiri starvsfólk, er nokk til at fáa eitt betri umhvørvi fyri bú- fólk og starvsfólk – Tað ber til at halda fram við at seta meira pening í økið ella seta fleiri fólk í starv, men tað verður aldrin ordiliga nokk. Tørvur er á eini leiðslu á staðnum, ið hevur eina føling av støðuni og kann broyta nøkur ting. – Ein leiðsla á staðnum kann regulera arbeiðskraft- ina eftir hvussu nógv er at gera í ymiskum tíðarskeið- um. Tá ber til at seta fleiri fólk inn tá tørvur er á tí, og so brúka peningin øðrvísi, tá arbeiðsbyrðan ikki er so tung, sigur forkvinnan í Heilsurøktarfelagnum at enda. hallur@sosialurin.fo Ein leiðsla á staðnum kann regulera arbeiðskraftina eftir hvussu nógv er at gera í ymiskum tíðarskeiðum. Tá ber til at seta fleiri fólk inn tá tørvur er á tí, og so brúka peningin øðrvísi, tá arbeiðsbyrðan ikki er so tung, sigur forkvinnan í Heilsurøktarfelagnum, Majbritt Mohr Majbritt Mohr: TORFØRT AT META UM TØRVIN Ein deildar- leiðari má vera á stovninum Tað hava verið tíðarskeið, har onkrar av deildunum ikki hava havt egnan leiðara, og í staðin hevur ein av teimum trimum yvirskipaðu leiðarunum í kommununi hava ábyrgdina. Tá er ongin leiðsla, sigur Majbritt Mohr Hallur av Rana Hóast Tórshavnar kommuna hevur valt at skipa eldraøkið eftir eini skipan við fjarleiðslu, har leiðarar hava fleiri stovnar undir sær, so metir forkvinnan í Heilsurøktarfelagnum, Majbritt Mohr, at tað ikki er ein trupulleiki, at ongi leiðari er á stað- num. Tað vil siga, so leingi sum at ein deildar- leiðari er til staðar. – Flestu stovnar hava deildarleiðarar, ið eru á staðnum. Men tað hava verið tíðarskeið, har onkrar av deildunum ikki hava havt egnan leiðara, og í staðin hevur ein av teimum trimum yvirskipaðu leiðarunum í kommununi hava ábyrgdina. Tá er ongin leiðsla. Tá føla okkara limir, at alt fer út at sigla, tí leiðslan hevur onga føling av tí, ið hendir á stovninum. – Av og á kemur kanska ein yvirskipaður leiðari á vitjan, og setir møguliga okkurt í verk, ella gevur onkrum av starvsfólkunum ábyrgd- ina yvir eitt hvørt. Men við tí ábyrgdini fylgir ikki heimildin at taka avgerðir. Tá virka ting- ini ikki. Man má hava ein deildarleiðara á staðnum, ið kann taka avgerðir, og sum tá viðkomandi setir ting í verk, kann fylgja tí upp. Forkvinnan í Heilsurøktarfelagnum eftirlýsir tó, at arbeiðs- byrðan hjá deildarleið- arunum verður broytt, soleiðis at deildar- leiðararnir fáa størri tamarhald yvir viður- skiftunum á teirra deildum. – Deildarleiðararnir eru ikki við har av- gerðirnar verða tiknar, og tingini verða umrødd. Tí kunnu tey føla, at ting verða kroyst niðuryvir tey, og at tey ikki verða spurd eftir. Millum annað eru dømir um, at deildarleiðararnir ikki vita hvørji starvsfólk verða sett. Tað skapar ørkymlan, og ávirkar tað eisini starvsfólkini á stovninum. hallur@sosialurin.fo Majbritt Mohr, forkvinnan í Heilsurøktarfelagnum