týsdagur 9. februar 2016síða 6

Mikudagur 10. februar 2016 · Nr. 17 6 Sosialurin Hugskot og viðmerkingar – send sms til 225000 Samgongan arbeiðir við fleiri tiltøkum, sum fara at gera tað bíligari at keypa og at hava elbil í Føroyum SKAL VERÐA NÓGV BÍLIGARI AT HAVA ELBIL Í FØROYUM LÆKKING Áki Bertholdsen – Skulu vit av álvara fáa før­oyingar at keypa elbilar, kemur tað ikki av sær sjálv­ um. Tað staðfestir Kristina Há­foss, landsstýriskvinna í fíggjarmálum. Og nú ætlar samgongan sær undir eitt rættiligt átak fyri at gera tað meiri lokk­ andi hjá føroyingum at keypa elbilar, heldur enn at keypa bilar, sum brúka ben­ sin ella diesel. Fyrstu stigini eru longu tikin við tað, at sum er, rinda elbilar ikki skrásetingargjald og harafturat verður upp­ skot skjótt lagt fyri Løgtingið um at tey, sum hava elbilar, og brúka el til at hita húsini við, skulu fáa bíligari streym. Ein onnur avbjóðing er, at tað eru so fáar løðistøðir til elbilar kring landið, men eisini tann tátturin er tikin upp. Fyrsta løðistøðin er sett upp í Klaksvík, í næstum verð­ur ein sett upp í Havnini og síðani verður farið kring landið at seta løðistøðir upp. Nógv bíligari Men Kristina Háfoss sigur, at nú fer samgongan so und­ ir nøkur átøk afturat, sum av álvara skulu gera tað lokk­andi hjá føroyingum at keypa elbilar. –­ Samgongan hevur sett sær fyri at gera Føroyar grøn­ari, og ein týðandi liður í tí er at fáa fólk at keypa elbil, heldur enn bil, sum brúkar bensin ella diesel. Spurningurin um elbil­ ar varð reistur á Ung­dóms­ ting­inum hjá Løgtinginum í farnu viku, har Ingi Birgis­ son Davidsen spurdi lands­ stýris­kvinnuna, hvussu hon ætlaði at strimbra søluna av elbilum. Hann heldur, at tá ið hugsað verður um, hvussu nógv minni elbil­ar dálka, enn diesel- og bensin­bilar, er tað undarligt, at mynd­ug­ leikarnir ikki gera meiri fyri at eggja fólki til at keypa el­ bilar. Kristina Háfoss sigur, at hetta er ein spurningur, sam­ gongan hevur tikið upp. Hon sigur, at serliga verð­ ur hugt eftir vegskattinum. ­– Tað, vit arbeiða við, er at finna eina skipan, har vegskatturin ikki longur skal verða ásettur eftir, hvussu nógv ein bilur vigar, men ístaðin eftir, hvussu illa hann dálkar, sigur Kristina Háfoss. Hon sigur, at í hesum sam­bandi verður í fyrra lagi hugt eftir útlátinum koltví­ súrni, ella co2 útlátið, og út­ látið av bitlum. – Sostatt fara elbilar at kalla slett ikki at rinda veg­ skatt yvirhøvur, og sam­ stundis fara aðrir bilar, sum brúka bæði vetni og ben­sin ella diesel, at rinda nógv minni í vegskatti, sigur Kristina Háfoss. Men um tað so afturfyri fer at merkja, at bilar, sum dálka illa, fara at rinda hægri vegskatt enn nú, veit hon ikki. Bíligari at keypa og at eiga Hon sigur, at ein annar møgu­leiki, sum eisini verður kann­aður, er at gera elbilar mgv fríar, í hvussu so er í eitt avmarkað tíðarskeið fyri at seta ferð á søluna. Hon sigur, at roynt verður at hava so fá undantøk í mvg lógini, sum gjørligt, men kortini verður umhugsað at gera elbilar mvg fríar í eitt avmarkað tíðarskeið. – Tað verður tað út­grein­ andi kanningar­arbeiðið sum fer at vísa, akkurát, hvussu tað verður við tí. Men enda­ málið skal heilt greitt vera, at tað skal loysa seg betri at útvega sær, og at hava ein bil, sum dálkar lítið, heldur enn ein, sum dálkar illa, sigur hon. Hon staðfestir, at verður mvg avtikið, afturat tí, at skrásetingargjaldið er strik­ að, fer tað at verða nógv bí­ ligari at keypa sær ein elbil, og verður tað harafturat so, at streymurin verður bíligari, og teir at kalla sleppa undan at rinda vegskatt, verða teir eisini munandi bíligari at eiga. Kristina Háfoss sigur, at enn er ikki greitt, nær hetta arbeiðið verður liðugt, men tað verður í øllum førum í ár, har endamálið er at koma við eini pakkaloysn, sum ger tað meiri lokkandi at fáa sær bilar, sum ikki dálka. Landsstýriskvinnan stað­ festi kortini eisini fyri Ung­ dóms­tinginum, at hóast tey royna at eggja fólki til at fáa sær elbil, liggur onki í kortunum um at forbjóða bilum, sum brúka bensin ella diesel, heldur ikki í fram­ tíðini. LOKKANDI Samgongan arbeiðir nú við fleiri átøkum, sum fara at gera tað meiri lokkandi hjá føroyingum at keypa elbilar