týsdagur 9. februar 2016síða 7

7 Mikudagur 10. februar 2016 · Nr. 17 Sosialurin Hugskot og viðmerkingar – send sms til 225000 Nú hava vit tikið eitt tak fyri at gera tað bíligari hjá ungdóminum, men nú mugu landspolitikarar eisini ganga plankan MUGU HJÁLPA TIL FYRI AT GERA TAÐ BÍLIGARI HÚSALEIGA Áki Bertholdsen – Nú hava vit í kommununi tikið eitt tak fyri at útvega teimum ungu íbúðir at búgva í ímeðan tey lesa. Men tað er ikki nokk. Tað staðfestir Annfinn Brekkstein, býráðslimur í Havn. Og tað, hann sipar til, er avgerðin um at gera ein part av Kommunuskúlanum til lestrarbústaðir. Tað er ein verkætlan, sum kostar 50 milliónir, har Tórshavnar Kommuna rind­ ar 15 milliónir, og Bústaðir rinda restina. Men hóast kommunan rindar ein part, og hóast roynt verður at fáa leiguna so bíliga sum gjørligt, held­ ur Andrass Róin, stjóri í Búr­støðum, at tað verður ómøgu­ligt at fáa leiguna bí­ ligari enn 3.000 krónur um mánaðin fyri eina lítla íbúð við einum verilsi, og 4.000 krónur um mánaðin fyri eina størri íbúð við tveimum verilsum. Og allir partar eru greiðir yvir, at tað er nógv meiri enn pengapungurin hjá teimum allarflestu lesandi, klárar. Vísa tað í verki Annfinn Brekkstein, sigur, at uppundir løgtingsvalið lovaðu fleiri valevni at bøta um umstøðurnar hjá teimum lesandi. – Nú mugu tey eisini ganga plankan og vísa, at teir meintu tað, sigur hann. hann sigur, at skal nakar møguleiki verða hjá lesandi at fáa tak yvir høvdið, verður avgerandi neyðugt, at landið letur okkurt slag av stuðuli, antin bústaðarstuðul fyri at fáa leiguna niður, ella hækk­ aðan lestrarstuðul, ella eitt sindur av hvørjum. – At stig eru tikin til at gera lestrarbústaðir, er avgjørt bara tað fyrsta stigið, men tað er avgerðandi at landið eisini er við og letur stuðul soleiðis at tað ber til at halda eina leigu, sum tey lesandi eru før fyri at gjalda. – Men sjálvandi skal íløg­ an hjá Bústøðum forrent­ast aftur, so at felagið er altíð hevur fígging til at halda fram at byggja íbúðir. Studningurin til lesandi er bara 3.800 krónur um mánaðir, og sjálvur heldur Annfinn Brekkstein ikki, at leigan kann verða hægri enn 2.300 krónur um mánaðin, tí tey mugu í allarminsta lagi hava 1500 krónur eftir at liva fyri. – Og tað er kanska enntá ov lítið, leggur hann afturat. Býráðslimurin í Havn held­ur, at skulu vit fáa fólk at verða verandi í Føroyum, verður eisini neyðugt at gera íløgur í tað endamálið. Vit arbeiða við ymsum loysnum Áki Bertholdsen – Vit leggja stóran dent á, fyr av álvara at fáa sett ferð á at byggja íbúðir til lesandi. Tað sigur Kristina Há­foss, landsstýriskvinna í fíggj­ar­ málum. Hon er samd við Annfinni Brekkstein, býráðslimi í Havn, at sum er, klárar Bú­ staðir ikki einsamalt at leiga lestraríbúðir út so bíliga, at lesandi hava ráð til tær. Tí verður neyðugt at fáa leiguna niður. – Tað er eitt mál, vit ar­ beiða við, og vit hava longu havt fleiri fundir við Bústaðir um ymsar møguleikar, sigur landsstýriskvinnan. Men hon sigur, at tal­an kann vera um at at hækka lestrarstuðulin, ella at lata eitt beinleiðis bústaðar­ ískoyti. Kristina Háfoss vísir á, at stuðulin til tey, sum fara undir hægri lestur, er munandi lægri í Føroyum, enna hann er í Danmark, har nógvir føroyingar fara at lesa. Talan kann eisini verða um at lata Bústøðum ein ser­ ligan stuðul til hvørja verk­ ætlan, fyri at fáa leig­una niður, men tað er so ein støk íløga í hvørja ein­staka verk­ ætlan, har bústaðarískoyti, ella hækkaður lestrarstuðul, eru varandi útreiðslur. – Men loysnin kann eisini verða ein samanrenning av fleiri møguleikum, leggur hon afturat. Landsstýriskvinnan sig­ur, at samgongan er samd um at næsta ár skal brúkast til at bøta um umstøðurnar hjá teimum lesandi. Tað er eisini eitt, sum verð­ur mælt til í ætlanini um at skapa fólkavøkstur í Føroyum, leggur hon afturat. Hon sigur kortini, at enn er so stutt fráliðið, at tað er ómøguligt at siga, hvør loysnin verður. – Tey ungu hava ongan møguleika at rinda so høga leigu, og tí slepst ikki undan, at tað almenna hjálpir til, sigur Annfinn Brekkstein, býráðslimur í Havn Vit leggja stóran dent á at útvega fleiri íbúðir til lesandi - og at fáa leiguna nóg langt niður – Vit eru samd um at brúka næsta ár til at bøta um umstøðurnar hjá lesandi í Føroyum, sigur Kristina Háfoss, landsstýriskvinna í mentamálum