hósdagur 11. februar 2016síða 29

FRÍGGJADAGUR 12. FEBRUAR 2016 SOSIALURIN 18 29 Brot úr bloggunum á Norðanlot Una Nielsdóttir Galán MORGUNSÓLIN SKÍNIR Á MÍNAR KNÚSTU DREYMIR Ein dreymur er ein tráan. Tað er ein flíggjan frá veruleikanum. Tað er tryggi heimurin, sum altíð bíðar eftir, at eg vendi aftur. Uttan dreymin eru okkara fet oman á jørðini strikað. Jú, lívið er áhugavert, men ein dreymur er altíð betur. Tú kanst skapa tín egna veruleika, og enn hava sama veruliga veruleikan at bíða eftir tær. Tað er óveruligt. Tað er surrealistiskt.  Er hetta tann veruligi veruleikin? Hvussu veitst tú tað við vissu, at tað ikki bara er onkur langt úti langur dreymur, sum tykist ongan enda at hava? Eg veit tað ikki. Og fari ongantíð at vita tað. Men tað fert tú heldur ikki, so tú skalt ikki siga mær í móti. Hetta er mín dreymur. Kanska eisini tín… Brot úr bloggi hjá Unu 14. januar 2016 Rebekka Eliasen A REMINDER – RADIOHEAD Eri tað bara eg, ið kenni til kensluna vón­ loysi? Tað kemur kanska serliga ofta fyri í endanum á mánaðinum, har eg brúki eitt heilt vikusskifti at hugsa um hvat eg ikki havi gjørt undanfarna mánaðin. Summar tíðir eri eg nøgd við mánaðin, men hendan novembur mán­aðin havi eg brúk fyri at hugsa eitt sindur gjøllari um, so eg eri farin(tvungin) inná Skála at tjilla og hugsa um tingini. Í dag kundi eg verið farin upp í morgun í hampu­ligari tíð og fari at vaska gólv ella koyra neglalakk á tærnar, men eg verið liggjandi í songini til einaferð um seinna­ partin – mest fyri at sleppa undan øllum jóla­pynt­inum, men eisini fyri at syrgja um at Radiohead ikki hevur givið nakað út síðani í 2011… Brot úr bloggi hjá Rebekku, 28. novembur 2015 Lea Kampmann JANIS JOPLIN Eg fái ikki lýst við orðum hvussu nógv Janis, sál hennara, vera, erligheit, ráskapur og inniligheit rørir og inspirerar meg. Filmurin í kvøld váttaði enn einaferð at Janis Joplin var eitt menniskja av arðari verð. Hennara styrki virkaði so órørd, hennara vera so harfør útatil, men aftanfyri ta hásu røddina, hoyrdist tann kerliga, ektaða, humoristiska, ósikra suðurstatsgentan Janis var. Eftir mínari uppfatan var Janis eitt tað vakrasta, ið hevur traðka á hesu jørd. At lagnan skuldi enda lív hennari alt óv tíðliga ger meg ólukkuliga. Men tónleikur hennara er varðveittur, og har við er hon… Brot úr bloggi hjá Leu um filmin JANIS LITTLE BLUE GIRL, ið Filmsfelagið vísti í Havnar Bio. Bloggað 11. desembur 2015 Teresa Reinert AT SKILJA LIST EIN SUNNUDAG Tað er næstan ógjørligt at skilja list, og síðani at greiða frá hvør hon er. Eg haldi, at orsøkin er tann, at list og talumál ikki er sama »sprok«, og tí ber tað ikki til, akkurát sum at tað ikki ber rættiliga at umseta ein tekst úr einum máli til eitt annað, tá verulig sýnonýmir ikki eru til… Brot úr bloggi hjá Teresu, 3. január 2016 Anna Malan Jógvansdóttir ÚR MÍNUM KJARNA Keldurnar í mær opna seg, og tægrirnar toyggja seg út, festast á klettin, kringla seg djúpt niður í avgrundina. Súgva til sín úr heimsins kjarna, so magma rennur gjøgnum meg, og eg gerist til brennandi evju. Eitt stórt brunasár, sum flýtur út, stadnar og verður til stein. Úr bloggi hjá Onnu Maluni, 2. desembur 2015 Hin navnleysi TAÐ ER TRUPULT AT LURTA VIÐ MUNNINUM FULLUM AV ORÐUM Í hesum døgum tá nærum alt samskiftið gongur fyri seg á einum tóli á stødd við ein vaskisvamp(+/- nakrar »inches«), er ikki óvanligt at hoyra »tey gomlu« siga: »Kunnu tit ikki tosa við hvønn annan?« Hvørt fríkorter, hvør busstúrur, ja hvør einasta løta, har vit eru einsamøll, verður nýtt til at nøkta okkara sjálvsvirði við like’s, samstundis sum forvitni okkara verður mettað tá hon ella hann nú gjørdi hetta ella hatta umaftur. Hava vit av tí sama gloymt hvussu vit tosa saman? Tí um vit geva okkum far um tað, so eru tað tey fægstu av okkum, ið duga at lurta… Brot úr bloggi hjá Hinum Navnleysa, 5. február 2016 Blogg