hósdagur 11. februar 2016síða 30

FRÍGGJADAGUR 12. FEBRUAR 2016 SOSIALURIN 18 30 ÍTRÓTTUR Tað eru skjótt tjúgu ár síðani H71 seinast vann steypakappingina hjá monnum. Nú eru teir stórfavorittar at knúgva neistamonnum, sum tó hava søguna á síni síðu TRÓNDUR ARGE Tað kemur ikki óvart á nakran, at H71 er í steypafinaluni hjá monnum 2016. Hoyvíkingar hava verið greitt besta liðið í hesum kappingarárinum, men munurin niður til hini liðini eru minkaður í hvørjum. Hinvegin, so kemur tað eitt sindur óvart á, at eitt ungt lið hjá Neistinum hevur bart seg allan vegin í finaluna annað árið upp í slag. Hoyvíkingar eru favorittar at vinna, men søgan er við teimum bláu úr Havn, ið hava vunnnið steypakappingina hjá monnum seks ferðir, meðan H71 bara tað einu ferðina hevur vunnið steypakappingina. Tað var í 1998. Søgan skal broytast Fyri H71 snýr tað seg í stóran mun um, at fáa úrtøku burturúr góða kappingarárinum. Venjaratoymið hjá H71, Petur Mittún og Halgir Dahl Olesen, hava millum víst á, at hóast teir hava vunnið nógvar dystir, so hava teir einki vunnið enn. Ein av stóru avbjóðingunum hjá hoyvíkingum hetta kappingarárið hevur eisini verið at vant seg við leiklutin sum favorittur. Neistin í fimm av sjey finalum Síðani 2009 hevur Neistin verið í fimm av sjey steypafinlaum. Undantøkini eru í 2013 og 2014, tá felagið bygdi upp á nýggjum. Nakað óvæntað kom liðið í steypafinaluna í fjør. Tá taptu neistamenn við einum máli fyri VÍF. Aftur í ár tykist liðið mangla nakað, fyri at kunna kappast við tey bestu, men tað hevur hinvegin aftur eydnast teimum at koma í finaluna. Neistin hevur órógvað H71 Liðini hava spælt tríggjar innanhýsis í landskappingini. Tveir teir fyrstu dystirnir endaði við greiðum sigrum til H71. 27-16 og 26- 16 vóru úrslitini. Tí var lítið annað væntað, tá H71 19. desember var og vitjaði í høllini á Hálsi. H71 var eisini greitt á odda í hálvleikinum, men tá samanumkom stóð 20-20. Hetta er nokk dysturin, sum kann geva neistamonnum eina trúgv upp á, at teir kunnu bíta frá sær í finaluni. TRONDUR@SOSIALURIN.FO Julian Johansen, venjari hjá Kyndli, verður viðmerkjari á Rás2, sum sigur beinleiðis frá steypafinaluni. Her metur hann um liðini og útfallið av dystinum: Styrkin hjá H71: Tað er at H71 hevur eitt ótrúliga gott lið. Øgiliga nógvar góðar leikarar, sum ger at teir kunnu spæla við fullari ferð í 60 minuttir. Verjan er sera sterk, og so hava teir ein góðan geist á liðnum. Veikleikin hjá H71: H71 liði vísur ikki serliga nógvar veikleikar, sum er sera óvanligt í føroyskum hondbólti. Um eg skal seta fingur á nakað, so er tað nokk tað at teir spæla øgiliga seint upp frá verju til álop - hettar merkir, at teir fáa sera fá skjót álop. Teir vera tó ikki straffaðir fyri tað í nógvum dystum, tí teir hava nógvar profilar í álopspartinum. Lyklaleikari H71: Mark Marcher - tí hann er tann klókasti spælarin hjá H71, sum bæði hevur yvirblik, kann skjóta og er sterkur í mann til mann spælinum. Steypahetja H71: Tað verður eisini Mark Marcher. Styrkin hjá Neistanum: Styrkin hjá Neistanum er, at teir rigga væl sum eitt lið. Teir flestu spælarnir eru uppældir í Neistanum, og teir brenna veruliga fyri tí liðnum teir spæla fyri. Teir hava eina sterka verju, sum kann geva øllum liðum trupulleikar. Neistin hevur eisini klárt bestu spæligleði á vøllinum í bestu mandsdeildini. Hetta skulu teir gera sær dælt av til steypafinaluna. Veikleikin hjá Neistanum: Veikleikin kann blíva álopsparturin. Eg kann ímynda mær, at sterka H71 verjan kemur at geva Neista álopinum trupulleikar, tí at skotstyrkin hjá Neistanum ikki er tann besta. Teir koma tí at brúka nógva orku í álopspartinum, fyri at spæla seg til møguleikar. Tað kann koma at kosta dýrt. Ein annar veikleiki hjá Neistanum er, at teir fáa ikki líka nógv mál upp á skjótálop frá vengrunum, sum teir hava fingið áður. Seks til átta mál upp á skjótálop frá John í Innistovu og Róa Berg Hansen í steypafinaluni høvdu hjálpt neistamonnum væl. Steypahetja Neistin: Sjúrður Thomassen. Hann er royndasti álopsspælarin hjá Neistanum, men sum aðrir á neista-liðnum, so kann hann fáa tað trupult móti verjuni hjá H71. Hvør verður avgerandi tvídysturin í finaluni? Tvídysturin verður ímillum Sjúrður Thomasen og Peter Krogh. Báðir kunnu skjóta sera nógv mál um lagið er gott og arbeiðshanskarnir eru uppiá. Hinvegin, er tað mótsatt, so kunnu báðir kosta dýrt fyri síni lið. Hvat væntar tú tær av finaluni: Eg vænti mær eina intensa finalu frá byrjan, har bæði liðini koma at hava góðan geist. Spennandi verður at vita hvussu leingi Neistin klárar at hanga í H71. Eri rættuliga vísur í, at H71 kemur at leggja seg á odda við einum fýra ella fimm málum í fyrra hálvleiki. Eg tippi 26-21 H71. Julian Johansen um steypafinlauna Rás2, sum hevur fylgt hondbóltinum alt kappingarárið, sigur sjálvandi eisini frá steypafinalunum. Byrjað verður at senda klokkan 12 við upptakt. In.fo, heimasíðan hjá Miðla­húsinum, fylgir eisini ung­dóms­finalunum, sum verða leygar­kvøldið og sunnudagin. Í ÍtróttarSosialinum mána­ dag­in fara vit afturum steypa­finalurnar, og greina hví tað hendi, sum hendi. BEIN­ LEIÐIS Á RÁS2 Steypafinalur H71 ER FAVORITTUR