hósdagur 19. august 2004síða 4

6 Nr. 156 - 19. august 2004 Nr. 156 - 19. august 2004 7 Klaksvíkingar eru framvegis í festival- hýri, og tað ætlar KÍ, at teir skulu sleppa at vera í nakrar dagar afturat. Í hvussu er alt fríggjakvøldi við, tí tá bjóðar felagið nevn- liga til eitt ókeypis og rættiliga øðrvísi tiltak, har øll hava høvi at luttaka í bæði ítrótti, ítrivum og sangi FRÍTÍÐ/ÍTRÓTTUR Anna V. Ellingsgaard anna@sosialurin.fo Gongur tú við einum fjald- um dreymi um at sleppa at royna at standa á vatnskíð, at skógva ein hest, at seta segl ella okkurt heilt annað, so er bara at møta á »Ítróttarnáttini« í Klaksvík fríggjakvøldið. Tað skuldi nevniliga verið sera løgi, um tú ikki finnur okkurt ítróttar- ella frítíðarítrív, sum hevur júst tín áhuga. Brellbiti Hugskotið við Ítróttarnátt- ini er, at øll tey ymsu ítrótt- ar- og frítíðarfeløgini í býn- um fáa høvi at vísa fram, hvat tey takast við, og at øll onnur samstundis fáa møguleika at royna tær ymsu ítróttargreinirnar ella frítíðarítrivini. Finn Joh- annessen, samskipari, legg- ur dent á, at hetta ikki nøk- ur kapping ella framsýning, men at tað fyrst og fremst er gleðin við at luttaka í eini ítróttargrein ella ítrivi sum drívir verkið. Finn dylur tó heldur ikki yvir, at tiltakið eisini er ein roynd at stimbra hugin hjá fólki at røra seg meir og samstun- dis vísa, at ongum nýtist at verða við á einum toppliði fyri at røkja kroppin. Hann ivast ikki í, at tey eru nógv, sum kundu hugsað sær at verið meir virkin, men ikki rættiliga vita, hvussu tey skulu koma í gongd. Nú fáa tey so ein livandi brellbita og eisini høvi at fáa eitt prát við fólk úr teimum ymsu feløgnum. Ítróttar- og tónleikafestival Nú KÍ hevur valt at royna hetta hugskotið, er tað eis- ini sum liður í 100 ára há- tíðarhaldinum hjá felagn- um, sum fevnir um eina røð av tiltøkum gjøgnum alt árið. Men ikki bara. Finn sigur, at KÍ leingi hevur havt ætlanir um at skipa fyri onkrum øðrvísi tiltak- ið, har øll kunnu vera við, og at nú tóktist rætta løtan at vera komin. – Summarfestivalurin prógvaði jú væl og virði- liga, at tað saktans ber til at savna nógv fólk her í býn- um um eitt stórt tiltak fyri øll, so tað er ikki minst við íblástri frá seinasta viku- skifti, Ítróttarnáttin nú ferð av bakkastokki, sigur Finn. Hann leggur afturat, at um hetta eydnast væl, er tað ikki óhugsandi, at Ítróttar- náttin verður løgd saman við Summarfestivalinum næsta ár sum eitt aftur- vendandi tiltak. Og tað skuldi borið væl til, tí umframt ítrótt og ítriv, verður eisini nógvur tón- leikur á skránni fríggja- kvøldið. Klokkan 20 fara tær ymsu samkomurnar í býnum at skipa fyri café og sangi niðri við Sparikassa- pallin, har onkur gospel- bólkur eisini verður at hoyra. Eisini hava væl- umtóktu »I am« valt at hava konsert hetta kvøldið, og fara teir á pallin í Atlantis kl. 22. Ítróttarnáttin endar á midnátt við eini kvøldsetu í KÍ- høllini, har skipað verður fyri felagssangi og øll fáa ókeypis suppu. Finn sigur, at tað hevur verið sera hugaligt at skipa fyri Ítróttarnáttini, tí øll tey ymsu feløgnini hava verið sera positiv líka frá byrjan. Hann ivast ikki í, at fólk fara at taka væl ímóti hes- um nýggja tiltaki, og so er bara at vóna, at eisini veð- urgudarnir verða í góðum hýri. Skráin fyri »Ítróttarnátt- ina« er at síggja aðrastaðni í blaðnum í dag. Listamaðurin Josias Matras leitar aftur á gamlar gøtur í myndum, sum eru at síggja í Leikalund í løtuni MYNDLIST Anna V. Ellingsgaard anna@sosialurin.fo Í løtuni er høvi at síggja eina røð av blýants/penna- myndum hjá listamannin- um Josiasi Matras í Leika- lund í Klaksvík. Josias er føddur og uppvaksin á Vágsheygnum, og hóast myndirnar ikki hava heiti, er tað týðiligt, at íblásturin kemur úr grannalagnum har um leiðir. Onkur mynd er úr Trøllagili, meðan aðr- ar leita sær longur niðan móti Borðoyarvík og neyst- unum har. Aftur á gamlar gøtur Josias hevur málað og teknað síðani hann var heilt ungur og hevur verið við á fleiri Norðoyastevnu- og Ólavsøkuframsýningum. Við jøvnum millumbilum hevur hann verið á skeiðum í myndlist uttanlanda, og gjøgnum árini hevur hann roynt seg við bæði vatnlits- myndum og oljumálning- um frá tí naturalistiska til tað meir abstrakta. Hesuferð tykist hann tó at leita aftur á gamlar gøtur, bæði tá tað snýr seg um myndevni frá nærumhvørv- inum og tann meir einfalda skitsuteknikkin. Og tað er júst tað einfalda, sum ger hesar myndirnar hjá Josiasi so hugtakandi, og sum beinanvegin sannførir áskoðaran um, at listamað- urin dugir sítt handverk og meir enn tað. Við einfald- um strikum og lættari hond manar hann fram lív og dýpd í einsamøllu húsini og tómu neystini, sum uttan annað hóvasták spakuliga fáa ein heilt serligan friðsælan og heimligan dám yvir seg. Myndirnar hjá Josiasi verða at síggja í Leikalund í nakrar dagar afturat. KÍ bjóðar øllum á »Ítróttarnátt« - Seinasta vikuskifti prógvaði jú væl og virðiliga, at tað saktans ber til at savna nógv fólk um eitt stórt tiltak her í býnum, so vit hava sera góðar vónir, sigur Finn Jóhannesen, samkipari av "Ítróttarnáttini" sum verður fríggjakvøldið í Klaksvík Úr grannalagnum Við einfaldum strikum gevur listamaðurin Josias Matras grannalagnum uppi á Vágsheyg ein heilt serligan friðsælan og heimligan dám Status Quo Stjórin á Skipafelagið Føroyar, Árni Joen- sen, sigur, at hóast broytingar eru gjørd- ar í ognarviðurskift- unum hjá Eimskip og Skipafelagnum, verð- ur ikki talan um nakra kollvelting í dagliga arbeiðinum SKIPAFELAGIÐ FØROYAR Páll Holm Johannesen pall@sosialurin.fo Týsdagin kom undan kavi, at íslendska felagið Eim- skip og 85 ára gamla Skipa- felagið Føroyar hava gjørt av at leggja saman í eina stóra flutningsfyritøku. Tal- ið av flutningsveitarum í Føroyum er tískil fækkað úr fýra niður í trý feløg. Umframt samanløgdu fyri- tøkuna eru Smyril Line og íslendska Samskip á før- oyska marknaðinum. Stjórin á Skipafelagið Føroyar, Árni Joensen, sigur, at samanleggingin fer ikki fer at elva til stórvegis broytingar í dagliga arbeið- inum hjá nýggja felagnum. Varðveita skipini Seinastu mongu árini hava Lómur og Blikur verið álitið hjá Skipafelagnum, og sambært stjóranum Árna Joensen fara drúgvu flutningsskipini at halda á við tí. Eimskip hevur havt eitt skip í Føroyum um vikuna, og eftir øllum at døma verður skipið hjá Eimskip framhaldandi partur av Føroyaleiðini. – Vit fara altíð at hyggja at, hvørji skip eru best egn- aði til okkum, og hvussu vit best gagnnýta samlaða kap- acitetin. Sum støðan er í løtuni varðveita vit Lóm og Blik, umframt at skipið hjá Eimskip legst afturat.. Tað kortini givið, at vit áhald- andi verða noyddir at til- laga okkum eftir eftirspurn- inginum, og tí er ómetaliga torført at geva eitt endaligt svar, hvussu nógv skip, vit fara at nýta, sigur Árni Joensen. Seinnu árini hevur Skipafelagið leiga eitt eyka skip á Føroyaleiðini, og stjórin á Skipafelagnum útihýsir ikki, at hetta skip fellur burtur eftir at saman- leggingin gjørdist veru- leiki. Almenni parturin Upprunaliga átti tað al- menna ein stóran ognarpart í Skipafelagið Føroyar, men almenni parturin er fánaður nógv seinnu árini. Til mið- skeiðis í fimtiárunum átti tað almenna góðan helm- ingin av felagnum, men ognarparturin í Skipafel- agið Føroyar í dag er ikki størri enn góð 3%. Starvsfólkini Góð 200 fólk starvast í dag á Skipafelagnum. Í Degi og viku týskvøldið segði Árna Joensen, at tað var ikki óhugsandi við tíðini, at uppsagnir komu upp á tal við. Spurdur um starvs- fólkini vórðu kunnað um samanleggingina og møgu- ligu avleiðingarnar av henni, svarar stjórin á Skipafelagið Føroyar, at tað vóru tey ikki. – Eimskip er skrásett á virðisbrævamarknaðinum, og har eru greiðar reglur um, at samanleggingar ikki skulu koma fram í ljós- mála, áðrenn alt er komið upp á pláss. Vit hava tí ikki havt møguleikan at boða starvsfólki okkara frá, áðr- enn samanleggingin enda- liga kom í hús, vísir Árni Joensen á. Tryggari Hvussu fer kundin at merkja samanleggingina? – Eg eri sannførdur um, at samanleggingin fer at bøta munandi um tænastu- stigið og tryggleikan hjá kundunum. Sum flest øll vita eru Føroyar búskapar- liga eitt rættiliga viðbrekið samfelag, og tí kemur tað væl við at vit sleppa at troyta teir møguleikar, sum íslendska sambandið við evropeiska meginlandið gevur okkum. Verður tað bíligari? – Tað dugi eg ikki at siga. Hjá okkum sum fyritøku ræður sjálvsagt um at vinna sum mest av peningi, með- an kundin sjálvsagt eisini hevur tað sum mál. Tað verður kappingin, sum fer at gera av, hvørjir prísir, vit fara at veita kundum okk- ara í framtíðini, sigur Árni Joensen Ov tíðliga Árni Joensen dugir ikki í løtuni at siga, hvussu nýggja felagið fer at húsast í framtíðini. Skipafelagið hevur seinastu mongu árini hildið til á Eystaru bryggju, meðan Eimskip hevur ein nýggjan bygning á Skansa- bryggju. – Nú eiga vit so tveir bygningar í felag, men tað er ógjørligt hjá mær í løtuni at siga, hvat hendir við teimum. Møguliga verður tørvur á báðum teirra, og um ikki, so finna vit eina loysn til ta tíð. Um nakrar vikur fæst nærri at vita hvat og hvussu, vísir Árni Joen- sen á. Smyril Line bíðar Argasti kappingarneytin hjá nýggja samanlagda felagnum er Smyril Line. Fíggjarstjórin á Smyril Line, Jóannes á Váli, dugir ikki at siga, hvussu samanleggingin av Skipafelagið Føroyar og Eimskip fer at ávirka støðuna hjá Smyril Line í framtíðini. – Tað er ov tíðliga at siga. Veruleikin er, at nú er ein veitari færri á føroyska marknaðinum, og tað er ein nýggj støða. Vit vita snøgt sagt ikki hvørjar ætlanir samanlagda felagið hevur, og tí ber illa til at siga, hvør ávirkanin verður. Komandi vikur- nar verður óivað greið- ari, hvat samanlagda felagið ætlar sær, sigur Jóannes á Váli í stuttari viðmerking. -Páll C M Y K 7 6