hósdagur 19. august 2004síða 5

8 Nr. 156 - 19. august 2004 Nr. 156 - 19. august 2004 9 Fyri út við einum mánaða síðan fóru trolararnir, Bakur og Stelkur, til Spaniu til garantieftirlit. Í Spaniu verða eisini slengrikjølarnir skiftir út við nýggjar, soleiðis at skipini, sum hava rullað illa, kunnu gerast róligari í sjónum. Hetta hevur verið ein trupulleiki, síðan skipini komu til landið SKIP Vilmund Jacobsen vilmund@sosialurin.fo Síðan trolararnir, Bakur og Stelkur, komu sum nýbygn- ingar úr Spaniu, hava skip- ini fiskað væl. Hetta eru góð skip við góðum fasilit- etum til manningina. Men ein trupuleiki við skipunum hevur verið, at tey hava rullað so illa. Olaf Olsen sigur, at teimum dámdi lítið, tá ið spanska skipasmiðjan, M.Cies í Vigo, helt uppá, at stabiliseringstangarnir skuldu liggja niðri í botn- inum á skipunum. – Vit væntaðu ongantíð, at hetta fór at rigga serliga væl og trúðu tí heldur ikki uppá hetta. Útrokningar hjá spaniumonnum søgdu hin- vegin, at hetta bar til. Royndirnar við skipunum, síðan tey fóru til fiskiskap, hava tó víst, at vit høvdu rætt, sigur Olaf og vísir á, at tað er ikki altíð, at út- rokningar svara til veru- leikan. Nýggjar kjølar Nú skipini eru í Spaniu til garantieftirlit, hava tey eisini fingið nýggjar slengrikjølar sum skulu gera skipini róligari í sjón- um. Olaf Olsen sigur, at spanska skipasmiðjan sjálv ber kostnaðin av hesum arbeiði, tí hetta var ein »kiksari« hjá skipasmiðj- uni, sum hann sjálvur tekur til. – Nýggju slengrikjølarnir eru longri og øðrvísi enn teir, ið skipið upprunaliga hevði. Nýggju kjølarnir standa sum ein tríkantur inn á skipið við spíssinum út- eftir. Hann sigur, at slengri- kjølar av hesum slagnum eru á onkrum føroyskum línuskipi, og teir vísa seg at rigga væl. – Vit vænta og vóna tí, at skipini nú verða betri í sjónum, sigur Olaf Olsen. Bakur og Stelkur fóru úr Føroyum, 22. juli og verða væntandi lidnir í Spaniu nú um vikuskiftið. Heimferðin tekur eini 5-6 samdøgur og so skjótt, skipini eru komin heimaftur, fara tey aftur til fiskiskap. Í Spaniu eru skipini eisini málaði av nýggjum. Bakur og Stelkur nýggjar slengrikjølar Olaf Olsen sigur, at ognarviðurskiftini hjá partafelagnum Beta, sum rekur reiðaravirksemi og landingarmiðstøð í Saltangará, verða fullkomiliga óbroytt, nú Skipafelag Føroya og Eimskip leggja saman. – Ognarfelag- ið frá 1980, sum eigur feløgini aftanfyri skipini, er og verður eitt føroyskt felag burtur av, sigur hann BETA Vilmund Jacobsen vilmund@sosialurin.fo Tað er Ognarfelagið frá 1980, sum eigur partafel- agið Beta í Saltangará. Beta rekur reiðaravirksemi og landingarmiðstøð, sum fel- agið eisini eigur. Ognarfel- agið frá 1980 eigur eisini felagið, ið átti Handils-og Frystivirkið í Fuglafirði, sum í sínari tíð misti at kalla allar sínar ognir. Fýra av sonevndu kuba-trolarun- um hava verið í felagnum Beta og fýra í felagnum, sum átti Handils- og Frysti- virkið. Hesi bæði feløgini hava tó verið rikin sum eitt felag undir navninum, Beta sum nú eisini eiga nýggju trolararnar, Bak og Stelk. Olaf Olsen, sum í fleiri ár var stjóri og reiðari, sigur, at Ognarfelagið frá 1980 hevur nøkulunda somu eig- arar sum Skipafelag Før- oya, tó eru ikki allir eigar- arnir teir somu. Hann sigur, at hann t.d. eigur ein lítlan part í Skipa- felag Føroya, sum hann tekur til, men einki í Beta. Onga ávirkan Olaf Olsen sigur, at saman- leggingin millum Skipafel- ag Føroya og Eimskip fær onga ávirkan á Ognarfelag- ið frá 1980, ið sum nevnt eigur Beta og felagið, sum átti Handils-og Frystivirk- ið. – Her verður eingin sum helst broyting, og feløgini verða fult og heilt sum áður á føroyskum hondum. Við samanleggingini koma íslendingar tískil ikki at eiga lut í hesum feløgum, sigur hann. Samanlegging onga ávirkan Bakur og Stelkur fóru úr Føroyum til Spaniu, 22. juli og verða væntandi lidnir nú um vikuskiftið. Heimferðin tekur eini 5-6 samdøgur og so skjótt, skipini eru komin heimaftur, fara tey aftur til fiskiskap Mynd: Vilmund Jacobsen – Her verður eingin sum helst broyting og Ognarfelagið frá 1980, sum eigur feløgini aftanfyri skipini, verður fult og heilt sum áður á føroyskum hondum, sigur Olaf Olsen, sum eigur í Skipafelag Føroya, men einki í Beta – Vit økja ikki um ognirnar hjá feløgunum í løtuni, men brúka av likviditetinum, sigur Olaf Olsen FISKIVINNA Vilmund Jacobsen vilmund@sosialurin.fo Partafelagið Beta í Saltangará, sum hevur skiparakstur og landing- armiðstøð, hevði eitt lítið hall í rakstrinum í fjør, og soleiðis verður eftir øllum at døma eisini í ár. Olaf Olsen væntar ikki, at tað fer at eydnast felagnum at fáa eitt yvir- skot í raksturin í ár. – Nei, eg vænti ikki, at raksturin fer at megna at gjalda øll avdrøg í ár. Sum er, økja vit ikki um ognirnar, men brúka av likviditetinum. Tí eru eisini allar útskiftingar av gomlum skipum út- settar til betri tíðir. Hann sigur, at fram- haldandi lági upsa-prís- urin og hækkandi olju- prísurin gera, at raksturin ikki gongur betur. Upsin frægari – Upsaprísurin fellur ikki meira í løtuni. Tann broyting, ið hevur verið, hevur verið til bata, men tað gongur ógvuliga striltið at fáa prísin upp- eftir. Hann sigur, at meðan teir nýggju trolararnir burtur av hava fiskað upsa, hava tey gomlu skipini eisini roynt eftir hvítum fiski. – Men her eru nøgd- irnar so mikið minni, at prísurin vigar ikki upp ímóti minkandi nøgdun- um. Upsaf iskiskapurin hevur verið góður, og seinastu tíðina hevur annars so smái upsin ver- ið heldur frægari til støddar. Vóna bata Olaf Olsen heldur ikki, at nakar vandi er á ferð við skiparakstrinum hjá fel- agnum í løtuni, hóast raksturin nú eftir øllum at døma fer at geva hall tvey ár á rað. – Vit mugu bara vóna, at umstøðurnar fara at batna sum árið líður, sig- ur hann. Ragnar Olsen, sum er stjóri og reiðari hjá partafelagnum Beta, er í Spaniu, har nýggju trol- ararnir hjá felagnum, Bakur og Stelkur, eru til garantieftirlit. Aftur hall í ár C M Y K 9 8 Seinastu tíðina hava bæði Ansni og løg- reglan í Klaksvík fing- ið nógvar fráboðanir um leysgangandi hundar, sum hava verið til ampa fyri fólk. Hetta er ein aft- urvendandi trupul- leiki, sum skilst, og í farnu viku var eitt starvslið í Klaksvík og tók hundar LEYSIR HUNDAR Solby A. Eliasen, solby@sosialurin.fo Klaksvík: Fimm leysgang- andi hundar vórðu tiknir upp í býnum í síðstu viku og koyrdir í hundabráhald- ið. Hartil vóru eisini hund- ar, sum tað ikki eydnaðist Ansni at fáa fatur á. Eisini gjørdi starvsliðið frá Ansni nakað av fyri- byrgjandi arbeiði, har tey millum annað góvu hunda- eigarunum, sum lótu teirra hundar ganga leysir við húsini, boð um at halda hundin innan fyri hegn ella í bandi. Men hetta bøtti ikki so nógv um støðuna, sum kanska ynskiligt hevði ver- ið, tí mánadagin var starvs- liðið aftur úti, og tá tóku tey aftur fýra hundar. Umframt at ein hundur varð tikin inn í vikuskiftinum. Í tíðindaskrivi frá Ansni verður sagt, at fólk, ið hava trupulleikar av hundum, kunnu venda sær til Politi- støðina í Klaksvík tlf. 455348 ella til Ansni tlf. 505050. Fólk, ið ivast um teirra burturblivni hundur er upp- tikin, kunnu venda sær til Politistøðina í Klaksvík, har møgulig útflýggjan av hundinum eisini verður gjørd. Skálaberg góðan fiskiskap Tað ljóðar frá góðum fiskiskapi hjá klaksvíkstrolara- num Skálaberg, sum fór í Barentshavið eftir toski beint fyri Ólavsøku. Teir hava verið á fiskileið í góðar tvær vikur og eru nú farnir upp um 100 tons. Á fabr- ikkini umborð framleiða teir vanligu flakavørurnar og harumframt er nú rættilig ferð komin á nýggju por- tiónsframleiðsluna. Annars letur manningin væl at alsamt betraða telefon og internetsambandinum. Teir síggja Dag og Viku og hoyra Útvarp Føroya, og sum nakað rættliga forkunn- ugt fáa teir nú eisini prent av føroysku bløðunum við myndum og í litum. Skálaberg roynir í løtuni á Gásabankanum í russiskum sjógvi, har veðrið hevur verið av tí allarbesta seinastu dagarnar. -ave- I Am í Atlantis Komandi fríggjakvøld fer gospelbólkurin I Am á pall í Atlantis. Tað er ikki so ofta, at I Am er at hoyra live í Føroyum fyri tíðina, tí at onkrir av limunum í bólki- num búgva uttanlands. Men nú fríggjakvøldið fer bólkurin so at hava eina konsert í Atlantis í Klaksvík. Hetta er í sambandi við serligu ítróttarnáttina, sum Klaksvíkar Ítróttarfelag skipar fyri. I Am hevur verið vælumtóktur bólkur longi, men ser- liga síðani fløguna, sum teir góvu út í fjør, hevur bólk- urin fingið luft undir veingirnar. Ummælini av fløguni vóru sera góð, og uttan iva verða fleiri av teimum løg- unum at hoyra í Atlantis nú fríggjakvøldið. Konsertin byrjar klokkan 22. - sae - Dúgvan flutti sum vera man heilt nógvar bilar og fólk um Leir- víksfjørð farna viku- skiftið. Hetta plagar at hava nakað av rok- ilsi við sær á ferjuleg- unum, men til Summ- arfestivalin varð eitt lið frá Ansni boðsent at avgreiða ferðsluna til Dúgvuna STRANDFERÐSLAN Solby A. Eliasen, solby@sosialurin.fo Klaksvík: Tá stór tiltøk eru antin í Klaksvík ella aðra- staðni, er tað púra vanligt, at bilkaos er við ferjuleg- una í Klaksvík. Til Summ- arfestivalin var eisini so, men talan var tó ongantíð um rættiligt kaos, tí tveir vaktarmenn frá Ansni av- greiddu ferðsluna, við at skipa so fyri, at bilar vóru settir rætt í kø. Tað hevur verið trupult hjá manningini á Dúgvuni at halda skil á ferðsluni, tá nógvir bilar eru, tí teir hava jú sína uppgávu umborð at røkja. So tað mundi vera ein lætti fyri teir, at fólk gekk á kaiini og hevði eyg- uni eftir, at onki skeivt fór fram, og at ongin var noyddur at bíða, longri enn ein átti. Annars vegleiddu vaktar- menninir teimum ferðandi, ið høvdu fyrispurningar viðvíkjandi siglingini hjá Dúgvuni sunnudagin. Frá Ansni verður sagt, at alt gekk væl, men bíðitíðin at sleppa yvir um fjørðin var tveir tímar ella so. Hetta tókti tó ikki at nerva fólk tað stóra, tí tá so stór tiltøk eru á skránni, so munnu fólk helst vera greið yvir, at nakað av bíðitíð má vera, um ein hevur bilin við sær. Hóast Dúgvan silgdi eyka- túr, so vórðu nakrir bilar standandi eftir á ferjuleguni seint sunnukvøldið. Langtíðarparkering Ansni vísir somuleiðis á, at ein afturvendandi trupul- leiki, hjá Strandferðsluni í Klaksvík, eru teir bilar, ið verða stillaðir í kø og førar- in ikki møtir upp, til frá- ferðina hjá skipinum. Og ein annar afturvend- andi trupulleiki er somu- leiðis, tá fólk byrja at brúka køplássið til langtíðar par- kering av bilum. Hesir báðir trupulleikar- nir hava mangan elvt til øs- ing millum fólk, tá so mong skulu við Dúgvuni. Tí tað er komið fyri, at bilar hava staðið soleiðis fyri, at teir ikki eru slopnir við Dúgv- uni, tí parkeraðir bilar við ongum førara hava staðið fyri. Tveir tímar bíðitíð Hundalív í Klaksvík Ansni hevur tikið nógvar leysgangandi hundar upp í Klaksvík í farnu viku, og vórðu teir settir í hundabráhaldið