mánadagur 15. februar 2016síða 15

15 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 15. februar 2016 · Nr. 19 ÍTRÓTTUR FYRIREIKAÐ SEG Í MEIRI ENN TRÍGGJAR MÁNAÐIR Allir teir, sum hava verið við í tungu vetrarvenjingini fingu møguleikan, áðrenn venjararnir fara at sálda frá, og tað verður farið miðvíst undir endaspurtin undan landskappingini Jóannes Hansen Í góðum líkindum var stórur fótbóltsdagur leygardagin í Gundadali. Øll liðini í bestu deildini uttan B68, sum um vikuskiftið var í Reykjavík á venjingarlegu, luttóku í kapp­ingini, sum felagið hjá venj­arunum skipaði fyri. HB vann kappingina. Har­ við hevur nýggi HB venj­arin, Jan C. Dam, longu tryggjað barndómsfelagnum fyrsta steypið, síðani hann tók við sum venjari hjá besta lið­ num. Jan C. Dam var annars í síni tíð sum spælari við til at vinna nógv steyp til HB. HB venjarin er væl nøgd­ ur við leygardagin: – Tað er tíðliga á árinum, og tað var hugaligt, at lík­ indini at spæla fótbólt vóru so góð. Tað var eitt sindur kalt, men vallirnir vóru turrir at spæla á, og tað var púra stilt, so vindurin órógvaði als ikki fótbóltsspælið. Tað kennist ivaleyst huga­ ligt, at tit vunnu kappingina? – Tað er altíð hugaligt at vinna. Men leygardagurin segði ikki so nógv um, hvussu lið­ini eru fyri sammett við hvørt annað. Vit vóru í bólki saman við Skála og KÍ. Allir tríggir dystirnir endaðu mál­ leysir, og so vóru vit hepnir at vinna lutakastið og end­ aðu í hálvfinaluni. Har spældu vit ímóti Víkingi, og eis­ini har var úrslitið mál­ leysur javnleikur. Tað var ein fínur dystur við fleiri mál­møgu­leikum. Vit vunnu brots­sparks­kappingina og vunnu okk­um harvið í final­ una. Hon var ímóti NSÍ, og tá vunnu vit 3-1. Tá spældi NSÍ mest sum við b-liðnum, so tann hálvi tímin sigur ikki so nógv um, hvussu styrkis­ munurin er millum NSÍ og so okkum, sigur Jan C. Dam. Hava vant síðani fyrst í november Sambært HB venjaran so var tað felags fyri øll liðini, sum leygardagin spældu í Gunda­ dali, at tað vóru nógvir spæl­ arar, sum fingu høvi at royna seg, og at tað harvið vóru ein rúgva av skiftingum frá ein­ um dysti og til tann næsta og eisini í einstøku dyst­unum. – Í HB hava vit vant mið­ víst síðani fyrst í november. Spæl­ararnir hava verið ógvu­ liga hugagóðir. Tí sigur tað seg sjálvt, at teir allir fingu møgu­leikan, tá ið fyrsta kappingin var á skránni, og tað var hugaligt at síggja teir vísa góðan hugburð og geva seg fult og heilt. Um­støð­ur­ nar vóru betri, enn tær ofta plaga at vera so tíðliga á ár­ inum. Men tað var týðuligt, at umframt lutfalsliga góðu fys­isku venjingarstøðuna, so vóru bóltførleikin og fatanin av spælinum góð, sigur HB venj­arin. Jan C. Dam sigur, at hjá fleiri liðum manglaðu nakr­ir av teimum, sum undan­farnu árini hava verið stuðuls­spæl­ arar: – Tá ið vit spældu ímóti Víkingi var einki at síggja til Atla Gregersen, sum er lið­formaður og verjuálit hjá teimum. Bárður J. Hansen hevur verið framúr vongverji hjá teimum í høgru. Hann er skaddur, og tað verður styrk­ur hjá teimum, tá ið hann kemur fyri seg aftur. Og so sást einki til Hans Paula Samuelsen, sum jú er nýggjur í Víkingi, og sum nógvu tey seinastu ár­ini hev­ ur verið ein tann eyð­sýnd­asti spælari av øllum – fyrst í EB/ Streymi og síðani í fjør í B36. Góður felagsdagur Hjá B36, sum tvey tey sein­ astu árini hevur vunnið FM, gekk tað einki serligt leygar­ dagin. Í fyrra dystinum taptu meistararnir 1-0 ímóti ÍF. Leivur Joensen hevur ofta verið kringur við fríspørkum, og tað var við frísparki, at hann skoraði ÍF sigursmálið. Ímóti Víkingi tapti B36 1-0. Ein av nýggju Víkinga mið­ vall­ar­unum, Jobin Dranga­ stein, var einsamallur mál­ skjútti. Víkingur og ÍF spældu seg bæði í hálvfinaluni, tá ið innanhýsis uppgerðin end­ aði 1-1. Philip Djordjevic legði Víking framum, og Andy Olsen javnaði fyri ÍF. B36 spældi um sjeynda plássið ímóti KÍ. Tann dysturin end­aði 1-1, og so fóru spæl­ ar­arnir undir brúsu. Lukasz Cieslewicz legði B36 framum, og Niels Pauli Danielsen, sum eftir fleiri ár í útlegd í EB/ Streymi er aftur í barn­dóms­ felagnum, javnaði fyri KÍ. – Hetta var ein hugnaligur dagur. Fyri spælararnar er tað upp á aðru síðuna órógv­ andi, at tað eru so nógvir steðgir millum dystirnar, sum hvør er 30 minuttir. Á hin­ari síðuni ber hetta gylt høvi við sær hjá spælarunum at heilsa upp á hvønn annan. Teir eru kappingarneytar, sum stríðast ímóti hvørjum øðr­um í 27 umførum í lands­ kapp­ingini. Men teir eru eis­ini starvsfelagar, um tað ber til at siga tað soleiðis, og teim­um líkar væl samveruna, sum sovorðin dagurin gevur høvi til, sigur B36 venjarin Eyðun Klakstein. Hvat er næst á skránni? – Fyrsta umfar í lands­ kapp­ingini verður fimta og sætta mars ella leygardagin og sunnudagin um knappar tríggj­ar vikur. Nú verður puss­að av og arbeitt miðvíst við spæl­inum og harvið teim­um, sum verða roknaðir at skula manna liðið. Klaks­ víks kappingin verður nú í viku­skift­inum. Tá fæst kanska eitt vet betri innlit í, hvussu liðini eru fyri, men tað er altso øðrvísi at spæla venj­ingar­dystir og at spæla, tá ið stig standa upp á spæl, sigur Eyðun Klakstein. Í Klaksvíks kappingini spæla Víkingur og KÍ klokk­ an 13 og NSÍ og B36 klokk­an 15.30 leygardagin, og so verð­ ur aftur spælt seinna­partin sunnu­dagin. Nógvir nýggir á beinkinum Fleiri feløg royndu seg leygar­dagin fyri fyrstu ferð í kapp­ing, síðani nýggir venj­arar tóku við ábyrgd og harvið standa fyri fyri­reik­ ing­unum til nýggja kapp­ing­ ar­árið. Hjá TB er hollendski Robert F. Roelofsen nýggjur venjari, í Fuglafirði er Jógvan Martin Olsen nýggjur ÍF venjari, í Sarpugerði er Sámal Erik Hentze nýggjur Víkinga venjari, í Runavík er Anders Gerber nýggjur NSÍ venjari og á Argjum er Trygvi Mortensen nýggjur AB venjari, umframt at Jan C. Dam er nýggjur HB venj­ ari. Páll Guðlaugsson er nýggj­ur venjari í B68, sum um viku­skiftið spældi tveir venj­ingar­dystir í Reykjavík. Báðir endaðu við javnleiki – 1-1 ímóti Fram og 2-2 ímóti Fjölnir. Venjararnir, ið halda fram í somu feløgum sum í fjør, eru Mikkjal Thomassen í KÍ, Pauli Poulsen á Skála og Eyðun Klakstein í B36. Hjá TB eydnaðist tað ikki at skora mál. Í fyrra dyst­ inum endaði tað við mál­ leys­um javnleiki ímóti AB, og í seinna førinum vann NSÍ trivaligan 4-0 sigur á TB. Mill­um AB og NSÍ endaði tað mál­leyst, og tað bar við sær, at tað var NSÍ, sum helt fram í hálv­final­uni. Í hálvfinaluni minti NSÍ lið­formaðurin, Klæmint A. Olsen, á, hvørjar dygdirnar hava verið, sum hava havt við sær, at hann hevur ver­ið topp­skjútti trý tey undan­ farnu árini. NSÍ vann 3-0 á ÍF, og Klæmint skoraði øll trý málini. 2-0 málið heilfluktaði Klæmint aftur um seg. Tað var meinlíkt málinum, sum Wayne Rooney skoraði á sinnið, og sum tað framvegis verð­ur tikið til at hava verið eitt tað vakrasta málið, sum nakran­tíð er skorað í Ong­ landi. At hetta málið hjá Klæminti var so framúr, at tað er evni at vera ársins mál – hóast tað ivaleyst bara eru mál í landskappingini sum telja við – er einki at ivast í. joannes@sosialurin.fo Ovari vøllur: (leiktíð er 30 min.) Kl. 14.00 AB - NSÍ 0-0 Kl. 14.45 AB - TB 0-0 Kl. 15.30 NSÍ - TB 4-0   Niðari vøllur: Kl. 14.00 ÍF - B36 1-0 Kl. 14.45 ÍF - Víkingur 1-1 Kl. 15.30 B36 - Víkingur 0-1   Tórsvøllur: Kl. 14.00 HB - KÍ 0-0 Kl. 14.45 HB - Skála 0-0 Kl. 15.30 KÍ - Skála 0-0   Hálvfinalur Kl. 16.15 NSÍ - ÍF 3-0 Kl. 17.00 HB - Víkingur 0-0 HB eftir brotssparkskapping   FINALA Kl. 17.45 HB - NSÍ 3-1 ÚRSLIT – Tað er tíðliga á árinum, og tað var hugaligt, at lík­indini at spæla fótbólt vóru so góð, sigur Jan C. Dam, nýggjur venjarin hjá HB, ið vann venjarakappingina leygardagin Mynd: Álvur Haraldsen