týsdagur 16. februar 2016síða 37

Serblað • Copenhagen Fashion Week 5 Eitt feminint heyst – Serliga vóru nógvar lekkrar skjúrtur á mótavikuni, í flestu førum upp til hálsin og við bindibandi. Frá summum merkjum var tað so, at bandið kundið takast av, sigur Aibritt á Plógv, ið eigur klædna handilin Margarita. Væl umtóktu blondublusurnar og blondu topparnir verða framhaldandi á hillunum, og blondur verða eisini at síggja saman við øðrum klædnatilfari – eitt nú skjúrtur við blondum, skinni og bundnum tilfari á. – Mótin í heyst verður meira femininur, greiðir handilseigarin frá og skoytir uppí, at tað er eisini er galdandi í skógva mótanum. Skógvar nir verða nettari og spískari og fara at hava okkurt silvur ella annað prýði á, sigur hon. Smølu buksurnar verða framhaldandi at síggja í Margarita, men eisini verða nógvar leðurbuksir á hillunum. Aibritt á Plógv ásannar, at tað er ikki alt av tí nýggjasta, sum tey kunnu keypa, tí tað er ikki alt, ið hóskar til føroyska marknaðin. – Tildømis hava víðar buksur verið modernaðar í eina tíð nú, og tað verða tær framhaldandi, men tær sláa ikki ígjøgnum hjá føroysku kvinnunum. Eisini var nakað at síggja av brúnum klæðum, men av royndum veit eg, at føroyskar kvinnur leggja lítið og einki í brúnt. Litirnir í heyst verða framvegis myrkir og serliga er myrkablátt væl umtókt. Eisini er nakað av hvítum. Eyðkennini fyri heystmótan 2016 í Margarita eru skjúrtur við hálsi, blondublusur og leðurbuksur.