hósdagur 18. februar 2016síða 18

FRÍGGJADAGUR 19. FEBRUAR 2016 SOSIALURIN 21 18 TJÓÐHILD PATURSSON V eðurlagsbroytingar. Sjógv­urin krýpur nærri og nærri hús­ unum í finsku bygd­ ini. At enda verða íbúgvarnir í lítlu bygdini fluttir longur inn í land­ið. Tey verða øll flutt á eitt ellis­heim at búgva. Gerandisdagur og tað, sum hevur týdning Leikurin er ikki politiskur í tann mun, at hann tekur ikki støðu til veðurlagsbrotingar og heldur ikki til nakað annað. Leikurin bara fortelur. Um tað sum fer fram. Um lívini hjá hesum sjey bygdafólkunum, sum broytast so knappliga. Halda tey fram við tí sama sum áðrenn tey verða flutt? Hvussu sær teirra gerandisdagur út? Ígjøgnum forteljingarnar um hesi sjey, og broytingarnar í teirra lívi, ella møguliga fáu veruligu broyt­ingarnar í gerandisdegnum, fer áskoðarin møguliga at hyggja at sær sjálvum, og hugsa um hvat tað er, sum hevur týdning í eins egna lívi og í eins egna gerandis­ dagi. Soleiðis greiða, sjónleika- systrar­nar Tórgarð frá, um leikin »Sangir við gráa havsins strendur« ið leikbókurin er í gongd við at seta Grugg upp. Grugg og forelskilsi Tað eru trý av teimum fýra hand­ an fríyrkis leikbólkin Grugg, sum hava tikið stig til at seta leikin upp í Føroyum (Eg hevði ikki hoyrt orðið fríyrkis fyrr – mann hava verið ov nógv uttan­landa, ella í Nólsoy. Fríyrkis er føroyska orðið fyri freelance. Mær dámar tað heilt væl. Tað ljóðar stuttligari at arbeiða fríyrkis enn at arbeiða freelance). Tey trý Súsanna Tórgarð, Ria Tórgarð og Árni Baldvinson gjørdust púrasta forelskaði í leik­rit­inum, tá ið tey sóðu tað á fyrsta sinni til LEIKREAD 2015. – Og øll minnast aftur á tað, sigur ein teirra. Eg veit ikki, um tað passar, ella um tað er blend­andi forelskilsi, ið tosar. Men Ria lesur mær eittsindur úr leik­rit­inum, og brátt eri eg eisini har – leingist eftir at hoyra meira, longu áðrenn tað er av- og er tað ikki soleiðis, forelskilsi oftast byrjar? »Huglagið samsvarar við okkum í Føroyum«, sigur Ria, og eg kann ikki annað enn vera samd. Tað eru so fáar replikkir í leik­inum. So lítið verður sagt – ella ein kann kanska heldur siga, at tað er so nógv, sum verður ver­andi ósagt. Tí tað er ikki altíð neyð­ugt at tosa. Tøgnin talar ofta fyri seg. Føroyingar og finnar Leikritið er upprunaliga úr Finn­ landi. Hans Tórgarð týddi tað til føroyskt eftir finska rithøvundin Pipsa Lonka. Finski leikarin Arne Nylander heldur, at føroyingar og finnar líkjast. Møguliga er hetta orsøkin til, at leikritið rakti Grugg-fólkini beint í hjartað. – Tú verður góð við fólkini, og man kennir tey aftur í einum sjálv­um, sigur ein av Tórgarð- systr­unum í telefonini. Tað er tor­ført at hoyra hvør av teimum tað er. Røddirnar líkj­ast. Leikurin er nógv um ger­ andis­dagin, um rutinur og um hvat hendir, tá ið lívið knapp­ liga broytist. Eg flutti eina­ferð úr Barcelona til Nólsoyar – eg minn­ist ikki, at mín gerandis­ dagur broyttist nakað serligt. Eg fór jú enn upp um morgunin, piss­aði, bustaði tenn, fekk mær morgunmat o.s.fr. Tað sum broytist kann sjálv­ sagt fylla meir ella minni, men nógv verður verandi hitt sama. Tí soleiðis eru nokk flestu okk­ara. Gera so, sum vit altíð hava gjørt. – Hetta er eisini ein mynd av okkum. Vit vita væl at hóttan­in er har (red: t.d. veðurlags­broyt­ ingar), men vit gera tað, vit plaga. Halda fram sum vant, sigur Ria. Fabrikkin og Facebook Tað er stuttligt at fylgja við venj­ ing­unum á facebooksíðuni hjá Grugg. Har leggja tey út myndir og tankar frá venjingunum. Á myndunum frá venjing­ unum sæst eisini hvussu nýggja hølið tekur skap. Hetta er fyrstu ferð, at nýggja hølið »FABRIKKIN« skal brúkast til sjón­leik, og tað verður, eftir rós­ unum frá Súsonnu og Riu at døma, allar helst ikki síðstu ferð. Umframt at verða brúkt til sjónleik er meiningin at hølið skal kunna nýtast til øll møgulig onnur tiltøk. »FABRIKKIN« ligg­ ur beint við síðuna av Østrøm. Tað er at frøðast um, at Havnin hevur fingið enn eitt deiligt høli – hesu­ferð enntá eitt sum er so væl egnað til sjónleik. Tað gongur framá hóast alt. Hetta er eisini ein mynd av okkum. Vit vita væl at hóttanin er har, men vit gera tað, vit plaga« Ria Tórgarð MENTAN Grugg Um gerandisdagin og um tað, sum hevur týdning SANGIR VIÐ GRÁA HAVSINS STRENDUR Framhald á næstu síðu MYND: EDVARD NYHOLM DEBES