hósdagur 18. februar 2016síða 31

FRÍGGJADAGUR 19. FEBRUAR 2016 SOSIALURIN 21 31 FISKI­ Hjarnar Djurhus, klaksvíkingur, fanst ás fundi í Klaksvík, hvassliga at upplýsingum í bókini hjá Líggjas í Bø Fleiri enn 200 fólk møttu á fiskivinnutinginum í Klaksvík, har politikararnir mannaðu pallborðið – Bókin, sum Líggjas í Bø hevur skrivað, er ikki objektiv. Líggjas í Bø var sjálvur ein aprtur av stríðnum. Hjarnar Djurhuus, fyrr­verandi stjóri í Shell, helt eitt langt innlegg eftir at Líggjas í Bø, rithøvundur á Torra­døgun­um hevði havt eitt langt innlegg um Klaksvíks-stríð­ið og grund­ir­nar til at tað bleiv so ógvusligt. – Rit­høv­und­ur­in sjálv­ur sigur, at hetta er hansara íkast. Tí havi eg virðing fyri, men eg eri noyddur at siga, at bókin ikki er objektiv uppá nakran máta, segði Hjarnar Djurhuus á fundinum í Klaks­vík. Tá ið Klaksvíksstríðið tók seg upp, gekk eina adressa runt, har mælt var til, at Halvorsen skuldi sleppa at halda fram sum lækni á Klaksvíkar Sjúkrahúsi. 95 prosen skrivaðu undir, meðan fimm prosent ikki gjørdu tað. Ein gjógv tók seg upp millum hesar báðar partar. 95-ararnir happaðu hini, sum ikki høvdu tað serliga lætt í Klaksvík, árini stríðið vardi. Hákun Djurhuus var tingmaður tá og hann hevði ikki skrivað undir adressuna. Ein bumba var løgd í húsini hjá honum í stríðnum. Hjarnar Djurhuus var ungur maður í Klaksvík tá. – Vit spældu fótbólt og gingu í dans og fingu spenning har. Tað vóru meira hini frá brøðrasamkomuni, sum hvørki sluppu í dans ella ginu til ítrótt, sum fingu spenning í Klaksvíksstríðnum, segði hann á fundinum. So at siga onki mótsvar kom á fundinum, men tað vóru mong, sum ikki hildu, at taðv ar rætt, sum Hjarnar Djurhuus førdi fram. Eisini funnust tey at, at hann hongdi táverandi formannin í Tjóðveldi, Erlend Patursson út, fyri hansara leiklut í sjálvstýrislandsstýrinum í seksti- árunum. Formennirnir fyri pol­itisku flokkunum mannaðu pall­ borðið á fiski­vinnu­tinginum í Klaksvík. Óluva Zachariassen og Jón Brian Hvidtfeldt, journalistar leiddu orðaskiftið, har fólk úr salinum eisini høvdu høvi at koma við viðmerkingum og spurningum. Seinastur av øllum at fáa eina viðmerking var Torbjørn, Jacobsen, oratorikari og borgarstjóri í Runavík: – Eg ivist í um nakað skilagott fer at koma frá hasi roðsluleysu nevndini hjá Johnny í Grótinum og Hans Ellefsen. Eg kundi hugsa mær, at onkur pláss heldur vóru mannað við royndum fsiki­ monnum, sum Absalon í Buð og øðrum, segði hann. Torbjørn Jacobsen fanst eisini at, hvussu støðuleysir politikararnir eru og vísti til makrel­samgonguna, sum var gjørd fyri nøkrum árum síðani. Hon helt bert til vit fingu eitt val. – So riggurin á teimum, sum manna pallborðið kann sam­metast við tað vánaligastu donsku reyðu pylsuna, sum POM Heilsølan selur. Kundi hugsa mær at vita, hvussu teir ætla at fíggja føroyska samfelagið um vit fáa eitt bakkast í fiski- og alivinnuni, spurdi hann. S p u r n i n g u r i n u m , hvussu føroyska samfelagið skal fíggjast í framtíðini var ikki viðg jørdur á fiskivinnutinginum hesaferð. Uppskotið frá Ásmudi Guð­jóns­syni og øðrum fekk nakað av viðgerð, men fud­ nar­lut­takararnir kendu bert umrøðuna av uppskotinum frá útvarpinum, so tað var torført hjá teimuma t gera viðmerkingar til uppskotið. Ein aprtur av tilmælinum er, at loyvistíðin er lang, men afturfyri eigur at verða latið upp fyri uppboðssølu av rættindum, so nýggir aktørar kunnu sleppa framat í vinnuni. Bókin hjá Líggjas í Bø hevur ikki objektivitet 10. ferðin við politiskum fiskivinnutingi í Klaksvík tað kemur frá vinnunevndini og kemur fyri aftur í Løgtinginum. Ósemja í Fólkaflokkinum Fólkaflokkurin hevur verið ýtasti mót­støðu­flokkur móti upp­boðs­ sølu, men á fiski­vinnu­tinginum gloppaði fyrr­verandi lands­stýris­ maðurin við fiskivinnumálum, Jacob Vestergaard, hurðina eitt sindur. Hann segði, at hann er til­reiðar at ganga við til eina lítla upp­boðs­ sølu, um tað kann gera, at vinnan fær tryggar karmar og longri loyvir annars, sum mælt er til í einum uppskoti, sum Ásmundur Guðjónsson og aðrir hava gjørt. Um fyrrverandi lands­stýris­ maðurin er einsamallur um hetta skifti hjá flokkinum er óvist, men tað gekk bert ein løta til undangongumaður hansara sum landsstýrismaður við fiski­vinnu­ málumm, Jákup Mikkelsen, kom brestandi heiman og bað um orðið á fiskivinnutinginum. – Eg má bara gera tað heilt greitt. Eg eri ósamdur við partamann mín. Eg fari undir ongum umstøðum at taka undir við nøkrum, sum líkist einari uppboðssølu, segði Jákup Mikkelsen. At fyrrverandi lands­stýris­ maður­in gloppaði møguleikan fyri upp­boðs­sølu, ger, at tað eru møguleikar fyri einari breiðari semju um nýggja fiskivinnuskipan. – Vit hava sett ein bólk, sum skal koma við einum tilmæli. Ætlanin er sjálvandi at fáa eina breiða semju. Var tað ikki ætlanin, so var ongin orsøk til at seta bólkin at arbeiða. So kundu vit bert avtala tað vit vilja í samgonguni, segði landsstýrismaðurin við fiskivinnumálum, Høgni Hoydal. Útlendskur kapitalur Spurningurin um útlendskan kapital í fiskivinnuni var eisini til viðgerðar. Eitt sindur av ymiskari upp­ fatan er av hesum spurningunum, men allir flokkar eru samdir um, at ræðisrætturin av loyvunum eigur at liggja í Føroyum og at tann virðisøking, sum fer fram í fiskivinnuni, eigur at koma føroyska samfelagnum til góðar. Í løtuni er lógin soleiðis, at útlendingar kunnu eiga ein triðing av feløgum í fiskivinnuni, men politikararnir vóru eitt sindur ósamdir um, hvat talan er um. Er tað bert í eginpeningi talan er um, at útlendingar kunnu eiga ein triðing – ella er tað eisini soleiðis, tá ið talan er um fígging. Alt bendir á, at føroysku myndug­leikarnir, sum hava eftir­lit við hesum, ikki beinleiðis fáa skil á, hvat talan er um. Fer virðisøking av landinum sum vinnignsbýti – ella fer tað til rentur fyri útlendsk lán? Hjarnar Djurhuus