hósdagur 18. februar 2016síða 32

FRÍGGJADAGUR 19. FEBRUAR 2016 SOSIALURIN 21 32 ÍTRÓTTUR ÍTRÓTTUR Meðan kvinnufinalan stendur millum Fleyr og SÍ, sum bara einaferð fyrr hava spælt finalu ímóti hvørjumøðrum, er mansfinalan ein rættur klassikari millum ÍF og SÍ, sum heilar átta ferðir fyrr hava møtt hvørjumøðrum í steypafinaluni HILMAR JAN HANSEN K v i n n u f i n a l a n hesaferð er millum Fleyr og SÍ, sum bara eina ferð áður hava spælt finalu ímóti hvørjumøðrum. Tað var í 2009, tá SÍ vann 3-1. Tó er talan um tvey rímiliga roynd finalulið, tí Fleyr var í finaluni fyri tveimum árum síðani, og undan tí var SÍ annað liðið í finaluni seks ár á rað. Skal metast eftir søguligari styrki, so er SÍ væl og virðiliga frammanfyri, tí SÍ hevur tilsamans vunnið steypafinaluna tríggjar ferðir av seks møguligum, meðan Fleyr enn eigur fyrsta finalusigurin til góðar og bara hevur verið í finaluni tvær ferðir. Verður hinvegin hugt at altjóða royndum á liðunum, sum leikskráin til steypafinalurnar fortelur um, er tað Fleyr, sum hevur munin, tí har eru tveir landsliðsspælarar, sum eru Anja Danielsen við 28 landsdystum og Eva Nagata við 10. Til samanberingar er bara ein spælari við landsliðsroyndum eftir á liðnum hjá SÍ, og tað er Helga Guttesen, ið hevur 17 landsdystir á baki. Um styrkin verður máld eftir landskappingini í Eik- liguni í vetur, hevur Fleyr eisini munin, tí tær tvær ferðirnar, liðini hava spælt ímóti hvørjum øðrum, hevur Fleyr vunnið. Men báðir dystirnir hava verið fimmsettarar, so alt bendir á, at steypafinalan hjá kvinnum verður øgiliga jøvn. Á leiðini í finaluna vann Fleyr ein fimmsettara á KÍF, sum eitt skifti í dystinum var á odda 2-1 í settum, men mátti lúta 2-3 fyri Fleyr til síðst. Heldur ikki SÍ slapp alt ov lætt í finaluna, tí í hálvfinaluni vann TB fyrsta settið, áðrenn SÍ so gjørdi bart og vann trý sett á rað og dystin 3-1. Stóru klassikarin Meðan steypafinalan hjá kvinnum er millum tvey lið, sum bara einaferð hava spælt steypafinalu ímóti hvørjumøðrum fyrr, er øðrvísi hjá monnunum, tí har er talan um størsta klassikaran av øllum, sum verður millum ÍF og SÍ, ið eru tey bæði nógv mest vinnandi liðini í mansflogbólti síðstu mongu árini. Hetta er einki minni enn áttandu ferð, at júst hesi bæði mansliðini møtast í steypafinaluni, og síðani 2000 er tað bara hent tvær ferðir, at ikki minst annað teirra hevur verið í steypafinaluni. SÍ hevur vunnið steypafinaluna tilsamans átta ferðir tilsamans og ÍF fimm ferðir, so her er talan veruliga um sigursvand feløg, ið bresta saman. Innanhýsis í teimum sjey undanfarnu finalunum millum hesi bæði liðini er SÍ á odda 4-3. Altjóða royndirnar eru stórar á báðum liðum, tí meðan tey hava fimm landsliðsspælarar í part. Hartil kemur so, at talan er um sera royndar landsliðsspælarar, tí hjá Fleyr hevur Rúni Weihe spælt 73 dystir og Bartal Eliasen 51, og hjá SÍ hevur Suni Juel Pedersen spælt 81 landsdystir, Jóhan Petur á Stongum 70 og Jón Joensen 40, fyri at nevna størstu landsliðstungvektararnar í finaluni. ÍF vann seg í finaluna við at vinna 3-0 á Ternuni, sum tó gav mótstøðu í øllum settunum, meðan SÍ kanska kom heldur lættari til sín 3-0 sigur, sum var á Fleyr. Í landskappingini er SÍ greitt oddalið og hevur 15 stig meira enn ÍF á triðjaplássinum. Liðini hava í Eikliguni spælt ímóti hvørjumøðrum tríggjar ferðir í vetur, og har hevur SÍ vunnið tvær ferðir, fyrst 3-0 á útivølli og síðani 3-1 á heimavølli, men ÍF hevur hinvegin á útivølli vunnið 3-2 í einum fimmsettara, so kanska mansfinalan eisini er ein, ið kann blíva bæði spennandi og jøvn – sum so mangan fyrr. KLASSIKARI HJÁ MONNUM Steypafinalur