hósdagur 18. februar 2016síða 33

FRÍGGJADAGUR 19. FEBRUAR 2016 SOSIALURIN 21 33 – Miðalaldurin er lágur, tí tað er øgiliga nógv ungt fólk, ið spælir flogbólt, og hartil sæst eisini eina menning runt um í feløgunum, sigur Magnus Tausen, formaður í Flogbóltssambandinum HILMAR JAN HANSEN L eygardagin og sunnu­dagin eru steypa­finalurnar í flogbólti á skránni, og tær mongu fyri­reikingar­ nar, ið skulu gerast, eru millum annað at leggja serliga flogbóltsgólvið á í ítróttarhøllini á Hálsi í Havn, sum er karmur um finalurnar. Tað skal vera púrasta liðugt í seinasta lagi fríggjakvøldið, tí longu leygarmorgunin er fyrsta finalan á skránni. – Vit hava hesaferð eisini tikið tey 12 ára gomlu við, og tí mugu vit hava fleiri dystir leygardagin, tí sunnudagin sleppa vit ikki í gongd fyrr enn klokkan eitt. Av royndum vita vit eisini, at sjálvt um tey yngru spæla best av trimum settum, er talan ofta um bæði javnar og drúgvar dystir, sigur Magnus Tausen, formaður í Flogbóltssambandinum. – Konseptið hjá okkum er tað sama, sum tað plagar at vera, men allíkavæl hevur tað hesaferð verið stak hugaligt at upplivað, at vit hava fingið søguliga góða undirtøku frá stuðlum, lýsarum og øðrum. Og tað, at vit í mai mánaði eru vertir fyri eini stórari altjóða kapping, hevur kanska eisini gjørt sítt til, at flogbólturin virkar meira dragandi og lokkandi, enn hann hevur gjørt. Ein onnur orsøk til økta áhugan er helst eisini ein spennandi landskapping, har tað serliga hjá kvinnunum eru nógv lið um boðið, tí kappingin er so jøvn. Havnin raknað við – At spenningur er í lands­ kappingini, hjálpir sjálvandi til, so flogbólturin verður ein góð søluvøra, og vit í Flog­ bólts­sambandinum kunnu ið hvussu er fegnast um, at flogbólturin er blivin nakað, sum fólk rokna við, sigur formaðurin og ger vart við, at rembingar eru í triðstørstu vetrarítróttargreinini. Millum annað vísir Magnus Tausen á, at miðalaldurin er lágur, tí tað er øgiliga nógv ungt fólk, ið spælir flogbólt, og hartil sæst eisini eina menning runt um í feløgunum. Til finalurnar hesaferð staðfestir eitt felag sum SÍ sína krútsterku støðu, tí sørvingar eru við í øllum finalunum uttan kvinnuunglingum, og formaðurin heldur, at SÍ nokk er tað felagið, sum setir standardin – og tað høgt eisini. – TB er eisini dømi um eitt felag, ið hevur arbeitt miðvíst, meðan Havnin hevur haltað og leingi verið aftan fyri tær sterkaru bygdirnar. Men nú síggja vit so, at Fleyr ordiliga er í ferð við at vakna, tí hesaferð hevur Fleyr lið í seks steypafinalum, sum er tað mesta nakrantíð, sigur hann. – Mjølnir er í ferð við at byggja upp og er í finaluni hjá kvinnuunglingum, og hóast Ternan ikki er við í nakrari finalu, síggja vit eina øgiliga positiva gongd har. Og sjálvt um ÍF kann tykjast eitt sindur uppsteðgað, nú bara menninir eru í finaluni, eru nógv børn í gongd har, so tað sær ljóst út fyri framman. REMBINGAR Í FLOGBÓLTINUM Formaðurin í Flogbóltssambandinum, Magnus Tausen, fegnast um, at hóast bygdirnar enn standa sterkar á føroyakortinum í flogbólti, er Havnin ordiliga raknað við Mynd: Álvur Haraldsen Leygardagin 09.30 Fleyr-SÍ dreingir 12 13.30 Fleyr-SÍ kvinnur 15.30 ÍF-SÍ menn 18.30 SÍ-Fleyr dreingir 14 Sunnudagin 13.00 SÍ-TB gentur 12 14.15 SÍ-TB gentur 16 15.50 SÍ-Fleyr mansunglingar 16.45 SÍ-TB gentur 14 18.00 Mjølnir-Fleyr kvinnuunglingar 19.15 Fleyr-SÍ dreingir 16 STEYPAFINALUR 2016