mánadagur 22. februar 2016síða 5

5 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 22. februar 2016 · Nr. 22 VERA EINSAMØLL tú tann stóra lívsviljan, sum fólk hava, og tí sleppur sjúkan ikki at skína ígjøgnum. Men syrgiligi sannleikin 16. januar í 2013 kom ikki óvart á. – Hann doyði bara 16 dagar aftan á nýggjárið, sigur Laila Reynheim, og minnist aftur á síðstu tíðina. – Til síðst sá man væl, hvussu sjúkur hann var. Hann var nógv broyttur, sigur Laila Reynheim. Hjálpin eigur lívið í familjuni Reynheim – Eg veit ikki, hvussu vit høvdu klárað tað uttan alla hesa hjálpina, sigur Laila Reynheim og sipar til alt frá læknum til nærfamilju til Krabbameinsfelagið. Tá Eirikur gjørdist sjúkur fyrstu ferð, ynskti hann at halda tað loyniligt, tí best var ikki at leypa fjáltur á. Men hetta ávirkaði Lailu nógv. – Eg vendi mær til Krabbameinsfelagið, og tann hjálpin vit hava fingið har, er orsøkin til, at vit í dag kunnu siga, at seinasta tíðin hjá Eiriki var ein góð og fjálg tíð, sigur Laila Reynheim. Tá deyðilig sjúka rakar er trupult at vita, hvussu ein skal fara fram. Skalt tú tosa opið um tað, fjala tað, lata sum um tað ikki er har? – Krabbameinsfelagið lærdi okkum at tosa opið um tað, sum fór fram. Tí dugdu vit eisini betur at vera har fyri hvønn annan sum familja, tá ið á stóð. Og ikki minst aftaná hann doyði, sigur Laila Reynheim. Familjan hjá Lailu og Eiriki var eisini ótrúlig í sjúkraleguni, og uttan tey hevði einki borið til. – Familjan hjá mær og Eiriki stóð saman um okkum, og hjálpti okkum so nógv, at tað kann ikki lýsast við orðum, sigur Laila Reynheim. Deyði og milliónavinning 2013 var eitt hendingaríkt ár fyri Reynheim familjuna. Í januar doyði Eirikur, og seinni sama ár vann 17 ára gamla dóttir Eirik og Lailu eina heila millión í Gekkinum. – Vit vóru í Sørvági og spældu gekk, minnist Laila glað aftur á. Gentan slapp at brúka pengarnar til tað, sum henni ynskti. Eina teldu, eina fartelefon og okkurt annað. Seinni sama ár doyði fastur Lailu, og Laila arvaði lítlu húsini við Marknagilsvegin í Havn. – Húsini vóru í ringum standi, men vit vóru allar so góð við tey, at vit valdu at brúka pengarnar uppá at umvæla húsini og fluttu síðani inn har, sigur Laila Reynheim. Komandi vikuskifti verður Grannakaffi á skránni. Tað er eitt tiltak hjá Krabbameinsfelagnum, og hetta er annað árið á rað, at Laila letur sínar dyr upp. – Eg eri so takksom fyri hjálpina frá Krabbameinsfelagnum, at eg vil fegin stuðla um eg kann, sigur hon. Lítlu húsini hjá fastrini eru hesaferð karmur um Grannakaffi, sum Laila og døturnar hjá Eiriki skipa fyri. barbara@sosialurin.fo Grannakaffi Um Grannakaffi skrivar Krabbameinsfelagið: Hóast tað til tíðir kann tykjast torført at fáa greiði á, hvussu ein best kann veita hjálp, so er einfalda loysnin at hjálpa teimum, sum longu hjálpa. Tí hevur Krabbameinsfelagið tikið stig til tiltakið Grannakaffi. Tiltakið er ein liður í støðuga arbeiðnum hjá felagnum, men hevur sín uppruna í spurninginum “hvat kann eg gera fyri at hjálpa?” og tekur støði í tí, sum vit føroyingar frammanundan duga serliga væl; at stákast og skipa fyri hugnaløtum. Grannakaffi verður vikuskiftið 5. og 6. mars 2016 og hevur tveir hjálparmøguleikar: Vertirnir til Grannakaffi bjóða grannum, vinum ella øðrum á gátt til ein drekkamunn, eitt prát, eina uppliving ella okkurt heilt annað. Tað verður latið upp til hvønn einstaka vertin at seta sín dám á tiltakið so leingi tað ikki stríður móti virðunum hjá Krabbameinsfelagnum. Gestirnir fara á gátt hjá einum granna, vini, bindiklubba, skúlaflokki ella undirhúsi og rinda fyri drekkamunnin ella tað, sum verturin velur at uppvarta við. Gesturin rindar eftir førimuni, í trúnaði og hvør króna ger mun. Tey, ið hava hug at gerast vertir fáa nærri kunning um, hvussu ein ber seg at við at venda sær til Krabbameinsfelagið ella nema sær kunning á www.krabbamein.fo og á facebook.com/grannakaffi Cafékvøld Berin Hóskvøldið 25. feb. kl.18:30-20:30 í Perluni Til tín, ið hevur mist ein av tínum kæru og til tín, ið hevur ein vin, ið hevur mist. Kvøldið er skipað av ungum sjálvbodnum og ætlað ungum í aldrinum uml. 16 til 28 ár. Elisabet Maria og Elinborg eru tættar systrar og hava mist pápan fyri 5 árum síðani. Tær fara at siga frá, um hvussu lívið broyttist. Nøkur evnir sum tær ætla at koma inn á eru m.a.: øll syrgja ymiskt, at hjálpa hvør øðrum, ábyrgd og ótti. Eisini fer Elinborg at framføra tónleik og Elisabet Maria at framsýna nøkur av sínum listaverkum. Aftaná kunna tey, ið hava hug, seta spurningar ella deila av egnum royndum. Tíð er eisini sett av til hugnaprát við onkrum góðum afturvið. Kvøldið er ókeypis og tú er vælkomin at taka ein vin við tær. Tilmelding í seinasta lagi 23. feb. á tlf. 222993 ella skriva til info@berin.fo ella til Beran á FB.