mánadagur 22. februar 2016síða 8

Mánadagur 22. februar 2016 · Nr. 22 8 Sosialurin Hugskot og viðmerkingar – send sms til 225000 SJÚKRAHÚSVERKIÐ FULLA MANNING Á SKURÐ- ­GONGINA Fulla manning á skurðgongina so skjótt hetta ber til. Føroyska sjúkrahúsverkið er alt ov lítið effektivt – og nógv kann gerast fyri at bøta um hesi viðurskiftini Árni Gregersen Effektiviteturin í føroyska sjúkrahúsverkinum er alt ov lítil. Tað heldur Læknafelag Føroya – ikki bert sum felag, men limirnir siga tað sama, eftir at tey hava verið savnað og viðgjørt spurningin. Ein stór nevnd er sett at viðgera eina menningar­ ætlan fyri heilsuverkið. Eftir tí, sum Læknafelag Føroya heldur, so hevur nevndin ov­ mikið at gera í teir fáu mán­ aðirnar hon skal virka. Nevndin skal longu 15. mai lata sítt álit til lands­ stýris­kvinnuna í heilsu­mál­ um. Læknafelag Føroya hevur Pál Weihe, serlækna, sum for­mann. Hann hevur fingið felagið og limir tess at arbeitt av álvara við spurninginum um, hvussu vit fáa eitt heilsu­verk í Føroyum, sum gevur sjúklingunum bæði dygd í viðgerð og samstundis trygd. Læknafelagið segði í heyst, at neyðugt er við eini hálvhundrað læknum aftur­ at, um føroyska heilsu­verkið skal veita somu tæn­astur, sum heilsuverkini í granna­ lond­um okkara gera. Tølini virka ógvuslig og í politisku skipanini eru tað nógv sum øtast yvir hetta krav, tí tey vita samstundis, at fyri hvønn lækna ella ser­ lækna skulu fleiri fólk set­ast afturat, so serøkini, læknar­ nir skulu taka sær av, verða røkt til fulnar. Skurðgongdin Ein trupulleiki, sum lækn­ ar­nir venda aftur til, tá ið tey hyggja at, hvussu viður­ skiftini í heilsu­verk­inum kunnu gerast betri, er, at skurð­gongin á Landssjúkra­ hús­inum als ikki er nóg effektiv. Tað er soleiðis, at ser­ læknar sleppa ikki at operera meira enn ein dag um vikuna, og hetta er alt ov lítið, siga læknarnir. Skal ein lækni halda sínar førleikar viðlíka og fáa nóg mikið av royndum, so er neyðgt, at hann sleppur at operera tríggjar dagar um vikuna. Fyri at hetta kann lata seg gera, so er neyðugt, at full mann­ing er á skurðgngini alla tíðina – og tað er tað ikki í løtuni, siga læknarnir. Í Læknafelagnum er stórur meirluti fyri, at alt sum hevur við skurð­við­ gerðir at gera og allar kann­ ingar, sum krevja nýggja tøkni, eiga at vera á Lans­ sjúkra­hús­inum, men tey mæla tó ikki til at lata tey bæði smærru sjúkrahúsini aftur, men heldur til, at tey verða brúkt til aðrar upp­ gávur í heilsuverkinum. Læknarnir halda ikki, at neyðugt er við vaktar­ skpaðum deildum, annað enn móttøku á sjúkra­hús­ inum. Tey halda, at bráð­mót­ tøka eigur at vera á Suður­ oyar Sjúkrahúsi, men at í Klaskvík er ikki neyðugt við øðrum enn einari kommunu­ lækna­skipan, sum so kann avlasta læknvaktina í Havn. Trygd og eftirlit Bæði formaðurin í Lækna­ felagnum, Pál Weihe, og fleiri limir í Læknafelagnum finnast at, at so at siga ongi krøv og onki eftirlit er við, hvar sjúklingar verða skornir og hvar teir kunnu vakna upp­aftur. Pál Weihe nevnir, at sum reglurnar eru nú, so ber væl til at viðgera fólk og operera tey í einari garasju og leggja tey til at rakna við aftur í ein­ um hjalli. – Onki eftirlit er við hes­ um, og tað hevði borið til at vakna viðaftur í hjallinum oman á grindatunnuni og so reypa av, hvussu góð ventila­ tiónin er í hjallinum, sigur Pál Weihe. Hann leggur aftutrat, at hetta sjálvandi ikki var so, um talan var um matvørur ella djór, men tá ið tað eru sjúk­lingar tað snýr seg um, so eru ongar reglur og onki eftir­lit. Læknarnir eru um­boð­aðir í tí stóru nevnd, sum lands­ stýriskvinnnan hev­ur sett at gera eina menningar­ætlan fyri heilsuverkið og sum skal lata henni álit hálvan mai. arnig@sosialurin.fo Pál Weihe er formaður í Læknafelagnum og situr eisini í stóru nevndini, sum skal gera mennignarætlan fyri heilsuverkið.