hósdagur 25. februar 2016síða 32

FRÍGGJADAGUR 26. FEBRUAR 2016 SOSIALURIN 24 32 ÍTRÓTTUR T að hevur gingið illa, at fáa menn at vant fótbólt í nógva kavanum í Sarpugerði. Víkingarnir eru, eins og B36, nakað skerdir til stórsteypadystin, men tað merkir ikki, at Víkingur ikki fer á vøllin fyri at vinna dystin. – Tað er altíð stuttligt at spæla um eitt steyp. Vit fara so ikki á vøllin bara fyri at ganga, men fyri at vinna dystin. Tá tað er sagt, so er tað týdningarmesta at fáa spælistílin at rigga. At vit gera tað rætta. Tapa vit so dystin, so verður tað bara harvið, sigur Sorin Anghel, hjálparvenjari hjá Víkingi. Fleiri spælarar hjá Víkingi eru ivasamir til dystin. Hans Pauli Samuelsen, Andreas Lava Olsen og Hans Jørgen Djurhuus eru ivasamir, meðan Bárður J. Hansen og Jón Krosslá Poulsen eru skaddir. – Tað eru fleiri skaðar, og tað er ein trupulleiki hjá okkum. Vit eru á rættari kós, men tað er torført, tá vit ikki kunnu venja úti orsaka av kavanum. Vit sóu framskritt í teimum báðum dystunum í Klaksvíkskappingini, sigur Sorin Anghel, ið rósar spælarunum fyri at tillaga seg broytingunum, sum venjaraparið hevur gjørt við spælistílin. Ein spælistílur, sum minnur nógv um spælistílin hjá B36 og AB undir Sámal Eriki Hentze. – Vit skulu spæla meiri fótbólt, og tora at spæla álopsfótbólt. Vit skulu eisini leggja trýst á langt frammi á vøllinum, sigur Sorin Anghel. Ivasamt við liðnum Í skrivandi løtu er óvist um Hans Pauli Samuelsen og Andreas Lava Olsen eru við til stórsteypadystin. Spæla teir, so verða teir á vengrunum, men spæla teir ikki, so eru tað Magnus Janskor og Gunnar Vatnhamar, sum helst koma at taka plássini hjá teimum. Tað tykist eisini sum ein møguleiki, at Jobin Drangastein verður fluttur aftur á høgra bakkin. Hetta hevur Sámal Erik Hentze gjørt onkuntíð fyrr, tá hann var venjari hjá honum í AB. Í løtuni spælir Víkingur við Filip Djordjevic sum fremsta manni. – Vit skulu vísa, at vit eru til reiðar til komandi kappingarár, sigur Sorin Anghel, og leggur afturat; – B36 er eitt gott lið, sum spælir góðan fótbólt. Teir hava havt áleið tað sama liðið í tvey ella trý ár, men vit skulu trúgva upp á, at vit vunnu vinna dystin, sigur Sorin Anghel at enda. Bagge hugsar ikki um B36 Sámal Erik Hentze, eisini nevndur Bagge, sigur at tað er einki serligt við at møta B36, ið hann gjørdi til FM vinnarar í 2014. - Tað hugsi eg als ikki um. Eg hugsi bara um uppgávuna, sum eg havi fingið nú. Nú er at vinna við Víkingi, sigur Sámal Erik Hentze, venjari hjá Víkingi. Liðið: Geza Turi – Jobin Drangastein, Atli Gregersen, Erling Jacobsen, Hanus Jacobsen – Gert Hansen, Sølvi Vatnhamar, Heðin Hansen – Hans Pauli Samuelsen, Andreas Lava Olsen, Filip Djordjevic Liðtíðindi: Ikki við: Jón Krosslá Poulsen(skallabrot), Bárður J. Hansen(rivjabein), Ivasamur: Hans Jørgen Djurhuus(sjúka), Hans Pauli Samuelsen, (lærkrikin), Andreas Lava Olsen (lærkrikin) trondur@sosialurin.fo KAVI DARVAR VÍKINGUNUM Øll, sum eiga at verða sett í skatt, skulu geva upp skattskyldigu inntøku sína, áðrenn niðanfyrinevndu freistir eru úti. Øll, sum fáa sjálvuppgávu og kapitalvinningssjálvuppgávu, skulu lata hesar inn aftur. Vanligir skattgjaldarar og sjálvstøðug vinnurekandi við roknska- parskyldu Skattgjaldarar, ið ikki hava roknskaparskyldu, skulu lata inn sjálvup- pgávu og kapitalvinningssjálvuppgávu fyri 2015 í seinasta lagi 2. mai 2016. Somuleiðis skulu sjálvstøðug vinnurekandi og skattgjaldarar við roknskaparskyldu lata inn sjálvuppgávu, roknskap, kapitalvinnings- sjálvuppgávu og ognaruppgerð fyri 2015 í seinasta lagi 2. mai 2016. Allur roknskapur skal latast inn saman við sjálvuppgávuni í talgil- dum pdf- ella excel-formati á www.borgaragluggin.fo. Feløg, felagsskapir o.tíl. Feløg, felagsskapir o.tíl., hvørs roknskaparskeið endar í ella fellur saman við álmanakkaárinum 2015, skulu lata inn sjálvuppgávu, roknskap og kapitalvinningssjálvuppgávu í seinasta lagi 1. juli 2016. Sjálvuppgáva, roknskapur og kapitalvinningssjálvuppgáva hjá felø- gum, felagsskapum o.tíl. skulu latast inn í talgildum pdf-formati á www.vinnugluggin.fo. Deyðsbúgv Sjálvuppgáva, kapitalvinningssjálvuppgáva og ognaruppgerð hjá deyðsbúgvum skulu vera TAKS í hendi í seinasta lagi 1. juli 2016. Ognaruppgerð Tað er bara neyðugt at lata inn ognaruppgerð, um broytingar eru í ogn og skuld í mun til 31. desember 2014. Tó skulu øll tey, sum fáa ognaruppgerð frá TAKS, lata hana inn aftur. Ognaruppgerðin fæst við at venda sær til TAKS á telefon 35 26 00. Umsókn um longda freist at lata inn sjálvuppgávu Freistin verður bara longd, tá serlig orsøk er, t.d. sjúka. Skrivlig umsókn skal latast TAKS. Freistin verður givin eftir avtalu í styttri tíð í senn, men kann ikki verða givin longur enn til 15. august 2016. Tá biðið verður um longda freist, skal hetta vera gjørt fyri hvønn persón og hvørt felag sær, og harafturat verður kravt, at: - umsóknin er innlatin áðrenn 2. mai hjá vanligum skattgjaldarum og sjálvstøðugt vinnurekandi og 1. juli 2016 hjá feløgum, felagsska- pum o.tíl. - sjálvuppgávur, roknskapir og ognaruppgerðir fyri eldri ár eru innlatin. Sjálvuppgávur, ognaruppgerðir og roknskapir eru rættstundis innlatin, tá ið tey eru TAKS í hendi í seinasta lagi teir innlatingar- dagar, sum nevndir eru omanfyri. Fellur seinasti innlatingardagur á leygardag, sunnudag ella halgidag, er seinasti innlatingardagur fyrstkomandi gerandisdag. Er fullfíggjað sjálvuppgáva ikki rættstundis innlatin, hevur TAKS hei- mild til at seta inntøkuna til eina metta upphædd og til at áleggja sekt. Toll- og skattaráðið 18. februar 2016 Serlig kunngerð um skattskyldiga inntøku fyri 2015 www.taks.fo Postrúm 2151 Skálatrøð 20 110 Tórshavn Tlf.: 35 26 00 T-postur: taks@taks.fo Grafix 504251