hósdagur 21. januar 2016síða 19

FRÍGGJADAGUR 22. JANUAR 2016 SOSIALURIN 9 19 Eitt ár eftir yvirtøkuna av eldraøkinum Eftirmetingarfundur ÁRNI GREGERSEN E rldrarøktin í Føroyum hevur tað gott. Og hon hevur tað betri, nú eftir at hon er løgd til kommunurnar at umsita. Tað kann staðfestast eftir eftir­ met­ingar­fundin hjá Tign. Átta borgar­stjórar, umboðandi tey átta sam­starvs­økini innan eldrarøktina lótu sera væl at, hvussu væl alt virkar nú. Og søgdu at tað fór at gerast uppaftur betri, løgdu teir afturat. 130 fólk møttu til fundin. Flestu teirra vóru avvarðandi, fakfelagsfólk og hendinga pensjonistar. Tó ikki pensjonistar, sum fáa heimahjálp ella búgva á bústovni, men heldur partur av teimum 5.500 pensjonistunum sum klára seg sjálvi – ella eru avvarðandið hjá hjúnafelaga ella hjá familju. Tí veruleikin er tann, at av teim­ um gottt 7.000 pensjonistunum í Føroyum fáa gott 500 heimahjálp og 630 búgva á ellisheimi ella sambýli. Tey flestu klára seg sjálvi, uttan heimahjálp og búgva heima. Hóast borgarstjórarnir lótu væl at og sum heild eru nøgdir við, at kommun­urnar nú hava ábyrgd av eldra­økinum, so høvdu teir grund­ leggj­andi eitt mál at finnast at: Fíggingin er ikki nóg góð. Borgarstjórin í Havn segði, at komm­unan hevur fingið 10 milljónir ov lítið til eldrarøktina og Pauli T. Petersen, borgarstjóri í Vestmanna, fanst eisini at, at kommunan har er um at koma illa fyri av eldraøkinum. Ikki tað sama til øll Í veruleikanum er tað soleiðis, at tað er nakað av stríði millum kommun­ urnar, tí tær fáa ikki allar tað sama fyri hvønn pensjonist, sum er yvir 66 ár. Peningurin er játtaður til komm­ un­urnar á tann hátt, at atlit verður tikið til, hvørjar tænastur kommun­ ur­nar høvdu, áðrenn tær yvirtóku eldra­økið. – Tað er ójavnt býtt, tí meðan skat­gjaldararnir í Vestmanna sjálvir hava goldið fyri heimið á Grønanesi, so hevur Sandoyggin fingið trý heim, sum landið hevur bygt og goldið. Tað kann tí ikki samanberast, segði Pauli T. Petersen. Hann vísti eisini á, at innan teirra økið, VEKS – Vestmanna, Eiði, Kvívik og Sundakommuna, er stórur munur á, hvat hvør kommuna fær pr. pensjonist. Onkur av kommununum fær 55.000 krónur pr. pensjonist, meðan ein onnur kommuna í samstarvinum fær 70.000 krónur pr. pensjonist. Landið letur samlað 405 milljónir til eldraøkið. Jógvan Skorheim, borgarstjóri í Klaksvík, segði á fundinum, at í teirra øki kostar hvør røktarkrevjandi pensjonistur, sum annaðhvørt fær heimahjálp ella býr á heimi, 170.000 krónur í meðal. Borgarstjórarnir og pengar Eftirmetingarfundurin vísti heilt greitt, at kommunurnar eru glaðar fyri at hava fingið eldrarøktina. Tað ger tað meira spennandi og borgar­ stjór­arnir halda eisini, at røktin verður betri. Tó fyllir fíggingin ómetaliga nógv framvegis. BORGARSTJÓRAR HUGSA ENN MEST UM PENGARNAR 130 fólk vóru á eftirmetingarfundi, sum Tign skipaði fyri – borgarstjórarnir halda, at væl stendur til, men teir mangla pengar Framhald á næstu síðu MYNDIR: ÁLVUR HARALDSEN