hósdagur 21. januar 2016síða 20

FRÍGGJADAGUR 22. JANUAR 2016 SOSIALURIN 9 20 Á fundinum komu fleiri sjónarmið fram, sum annars ikki vanliga eru at hoyra í kjakinum um eldrarøktina. Kommunurnar hava ikki bert yvir­tikið tey gomlu, men eisini alla heima­røkt. Jóhan Christiansen, borgar­stjóri í Eysturkommunu segði, at í sam­starvinum millum Fuglafjørð og Eystur­kommunu hevur hetta havt við sær, at munandi betur ber til at rationalserað arbeiðið. – Og so haldi eg sjálvur vit duga betur, tí vit eru á staðnum. Aðalráðini í Havn kenna til dømis ikki mun á Runavík og Eysturkommunu, tí nú ein dagin ringdi eitt aðalráð til Eystur­ kommunu og spurdi eftir Torbjørn Jacobsen, borgarstjóra, segði hann. Fleiri aðrar speiskar viðmerkingar vóru at hoyra, eisini úr salinum. Ein nevndi, at hann hevði hoyrt í sjónvarpinum, at borgarstjórin í Havn er í bað hvønn einasta morgun. – Hvat heldur Heðin Mortensen so um, at javnaldrar hansara á Boðanes­heiminumn, bert sleppa í bað einaferð um vikuna, spurdi hann. Rósa Samuelsen, sum eisini sat við pallborðið segði, at okkum enn manglar at taka støðu til í røktini, hvat vigar mest: aldursmark ella diagnosa hjá teimum eldru. Tey, sum eru væl fyri Miðlahúsið hevur í seianstuni varpað ljós á eldraøkið – eisini fyri at vita, hvussu til stendur, nú kommunurnar hava ábyrgd av økinum. Gjøgnumgangandi atfinningarnar eru, at tað er alt ov lítið av tíð hja starvs­fólkunum at vera um tey gomlu – bæði í heimahjálpini og á búð­stovn­um. Á fundinum nevndu fleiri av teim­ um avvarðandi, at hetta er tann stóri trupulleikin. Tey gomlu eru oftast mett og rein, men tað knípir at aktivera tey fólkini, sum ikki sjálvi velja at luttaka í til­tøk­ um á heimunum. Eisini er tað afturvendandi, at tað hjá fólki sum búgva heima, ikki longur er so, at heimahjálpin hjálpir til við reingerð, innkeypi og øðrum. – Var hetta framvegis gjørt, so kundu fleiri av teimum eldru búð uppaftur longri í egnum heimi, nevndi ein fundarluttakari. Sleppa sær av við trupulleikar Torbjørn Jacobsen er nývaldur borgarstjóri í Runavíkar kommunu. Hann segði seg hava sitið sum formann í teknisku nevnd til nú, so hann kendi ikki alt til eldraøkið: – Men tá ið landspolitikkararnir sleppa sær av við eitt so stórt øki, sum teir hava havt vald á, so er tað tí teir ikki megna at halda stýr á tí. Hetta er torført, men kommunurnar skulu sjálvandi loysa hetta málið, segði hann. At fólk eru ymisk, eisini tá ið tey eldast, er eisini nakað, sum kommun­ urnar mugu fylgja við í. Til dømis nevndi ein av borgar­ stjórunum, at hann hevði tosað við ein yvir 90 ára gamlan mann og spurt hann, hvat hann fekk tíðina at ganga við. Hesin gamli svaraði: – Eg fekk ein leyp uppá nakkan, tá ið eg var 12 ára gamal. Síðani havi eg stríðst. Nú vil eg bert sleppa at sita i frið, segði hesin meira enn 90-ára gamli, sum nú er farin foldum frá. Landsstýriskvinnan við heilsu­ mál­um, Sirið Stenberg, Tjóðveldi, segði, at hon í nógv ár hevur sitið í kommun­uni í Vági. – Og haðani veit eg, at tað er neyð­ ugt við onkrar døgnrøkt. Summi kunnu væl búgva heima, men tora kanska ikki at sova einsamøll – meðan onnur kanska sum gjørt verð­ur summastaðni, kunnu fara onku­staðni til dagtilhald, segði hon. Á fundinum var eisini staðfest, at tilboðini ikki eru nóg væl varierað. Annaðhvørt búgva tey eldru heima og fáa heimahjálp – ella fara tey á stovn at búgva. – Vit eiga at fáa nógvar møguleikar, sum liggja ímillum hesi bæði økini, segði Torbjørn Jacobsen. ARNI@SOSIALURIN.FO TEMA Eldrarøkt »Hvat heldur Heðin Mortensen so um, at javnaldrar hansara á Boðanesheiminumn, bert sleppa í bað einaferð um vikuna« Ein í salinum nevndi, at hann hevði hoyrt, at borgarstjórin í Havn er í bað hvønn morgun MYNDIR: ÁLVUR HARALDSEN