hósdagur 21. januar 2016síða 21

FRÍGGJADAGUR 22. JANUAR 2016 SOSIALURIN 9 21 Fyrsta útgávan hjá Blue Coat Brass Band ber brá av, at vit eiga fleiri tekniskar og dugnaligar tónleikarar í landinum, ið fylla ljóðmyndina væl út, men har tað heilt slóðbrótandi manglar SIGURJÓN EINARSON S íðani James Brown byrjaði at nýta brass sum eitt rútm­ iskt amboð, hevur horn­ tón­leikur verið ein nokkso týðandi partur av funk-tón­leiki. Ímillum tubaina á aðrari síðuni og sakso­fonini saman við horn­ljóð­ før­unum á hinari síðuni, er eitt vítt spenni, ið kann vera gróðrarbotnurin undir einum og hvørjum sangi – eins og tað er hjá flestum hornorkestrum – so er rútmiska tilgongdin hjá Blue Coat nokk til at geva George Clinton nakað at hugsa um. Blue Coat Brass Band er blási- og slagverkbólkur, ið varð stovnaður í 2013. Rógvi á Rógvu, Ólavur Olsen, Mortan Zachariassen, Tróndur Herason Olsen og Atli Kárason Petersen manna bólkin.  Bólkurin hevur javnan spælt til tiltøk og konsertir, og spældi m.a. á Vetrar Jazz Festivalinum og Summar­ tónum í 2013/14. Í september 2015 vóru limirnir í upptøkuhølunum, har fyrsta útgávan – við sama heiti sum bólkurin, varð tikin upp. Talan er um eina EP við seks løg­um, og tað er Finnur Hansen, ið hev­ur staðið fyri upptøkunum og hev­ur eisini ljóð­ blandað, meðan Tutl hev­ur givið út. Góð rúmd hóast fáar tónleikarar Tað er við slagverkinum, at tað heila byrjar, og tað ger tað eisini fyri Blue Coat, ið verður framborin á ein ómiss­ andi og einfaldan hátt, sum fær teg at hugsa um Washington go-go, har nokk av rúmd er sett av til hvønn ein­ staka limin í bólkinum at traðka fram, men har størstur dentur er lagdur á samlaða samanspælið. Rógvi á Rógvu gongur á odda við at seta standardin fyri løgini við stórutrummuni og slag­verkum, har síðani tubain og horn­ljóðførini koma inn og gjøgnum­ gang­andi skapa eitt slag av ákallan og aftur­svar, ið samlað gevur ein góðan javn­vág millum ljóðførini, sum er ein góður grundvøllur at byggja restina av løgunum á. Hóast einans fýra blásarar, er hendan gløgga, næstan logiska til­ rættis­legg­ingin, ið Blue Coat nýtir á útgávuni, rættiliga serlig, har fáu ljóð­ førini eru við til at fylla ljóð­myndina væl út. Brass-tónleikurin hermir ikki eftir vanligu lutunum, ið eitt nú eyð­kennir funk, men tekur heldur leik­lutin hjá øðrum ljóðførum, sum merkir, at tú hoyrir alt tað, tú eigur at hoyra, men kanska ikki soleiðis, tað »eigur« at vera. Talan er um dugnaligar tón­ leikarar, ið væl megna at stýra hvønn veg tónleikurin skal fara. Viðhvørt kann ljóðið kanska tykj­ ast ov eins á útgávuni, men við sang­ inum »Baku«, vísir bólkurin stórt yvirskot við at koma við skemti­ ligari tilvísing til nokk kendasta tónleikastykkið hjá Edvard Grieg, ið varð nýtt í sjón­leik­inum um Peer Gynt hjá Henrik Ibsen (Googla In the Hall of the Mountain King from Peer Gynt). Gott tónleikaverk, men einki slóðbrótandi sum so Blue Coat Brass Band og tónleikur tess er ikki beinleiðis konsert tón­ leikur. Men lurtar tú gjølla, hoyr­ir tú gjøgnum løgini, at tey eru eitt sindur endurtakandi. Við ein­um framhaldandi sving og grund­leggj­ andi javnvág, er hetta bæði sið­bundin brass-tónleikur í sínum upp­runa­líki, men samstundis eisini tekn­iskur og rútmiskur tónleikur, við nøkrum bluestónum aftrat i ljóð­myndini. Tá tað verður sagt, at Blue Coat kanska ikki beinleiðis er týpiskur konsert tónleikur, so borðreiðir bólkurin tó við so nógvum øðrum. Sjálvur haldi eg, at bólkurin kemur við nøkrum, ið kanska hoyrist ov sjáldan á føroyska tónleikapallinum: Einari veitslu! Blue Coat hevði kanska pass­að væl inn í ein klubba í New Orleans, tá Mardi Gras verð­ur hátíðar­hildið í býnum. Við næst­sein­asta lagnum, »When They're Gone«, verður so smátt farið ígongd við Mardi Gras- skrúðgonguna, ið tó endar alt ov skjótt við seinasta lag­num, »Back to the End«, júst tá ein er við at koma í rætta hýrin. Blue Coat Brass Band bjóðar tær við nýggju útgávuni upp til dans, men tað er ikki nakað slóðbrótandi ella nýtt at hoyra sum so, men tað kemur kanska í komandi útgávu. Í Stórabretlandi er ein bólkur, ið nevnist Riot Jazz Brass Band, sum hevur ført við sær, at mong ung hava fingið eyguni upp fyri brass-tónleiki, so har kundi Blue Coat kanska skeitt eitt sindur yvir til. Men tá tað er sagt, so eru lunnar nú lagdir undir, at vit í Føroyum kunnu hava Mardi Gras-skrúðgongur, har Blue Coat Brass Band spælir undir. Hvat við einari Mardi Gras- skrúð­gongu í Tórshavn? Er 26. juli ikki tøkur? Blue Coat fær tríggjar stjørnur um hálsin út av fimm. POST@SOSIALURIN.FO TÓNLEIKUR TEKNISKUR OG RÚTMISKUR MARDI GRAS-TÓNLEIKUR ★★★★★ »Blue Coat Brass Band bjóðar tær við nýggju útgávuni upp til dans, men tað er ikki nakað slóðbrótandi ella nýtt at hoyra sum so, men tað kemur kanska í komandi útgávu« Ummæli