hósdagur 21. januar 2016síða 25

FRÍGGJADAGUR 22. JANUAR 2016 SOSIALURIN 9 25 so boð eftir Helga á Rygsvegi í Klaksvík, har Norðlýsið er lokali miðlaskansin við blaðútgávu, heima­ síðu, sjónvarpsstroyming og eis­ini útvarpssending á R7. – Eg segði fyrst nei, tá ið Oliver ringdi og spurdi meg, um eg hevði áhuga í at arbeiða á Norðlýsinum, men eftir at eg hevði hugsað meg um, tók eg kjansin, sigur Helgi Abrahamsen, sum sær møguleikar hjá Norð­lýsinum at styrkja um sína støðu. – Norðlýsið er eitt lokalblað hjá norðoyingum, og tað skal tað halda fram við at verða, men blaðið sær eis­ ini møguleikar í at vaksa um lokala økið, nú partur av Eysturoynni og Norð­oyggjar eru blivnar tættari knýtt saman við Norðoyatunlinum. – Málið er at skaffa Norðlýsinum fleiri lesarar, nýggjar lesarar, men uttan at vit missa teir gomlu og trú­ føstu lesararnar. Eg veit sum eystur­ oy­ingur, hvussu skjótt tað er at hugsa um Havnina, tá ið ørindi skulu gerast, men tað eru nógvir møguleikar í Klaks­vík og eitt veruligt tilboð her. Tað kunnu eysturoyingar hugsa meira um, og í Klaksvík má eisini verða eitt ynski um at fáa eysturoyingar hendan­vegin. Ein fløskuhálsur er tunnils­gjaldið, men her er møguleikar fyri øktum samstavi millum Norð­ oyggjar og Eysturoynna, sigur Helgi Abrahamsen. – Tá ið nýggi Eysturoyartunnilin kemur, verður leiðin úr Klaksvík, gjøgnum Eysturoynna til Havnar miðdepilin í Føroyum, og tá verður ivaleyst kapping um, hvør kann hála mest til sín. Men vit skulu eisini minn­ast til, at vit eru eitt samfelag, sum skal kappast við útheimin, sigur hann. Miðlarnir líkjast Helgi Abrahamsen er fyrrverandi blaðstjóri á lokalblaði í Eysturoynni, hann hevur í politiska arbeiðnum havt støðugt samskifti við miðlar, og seinastu árini hevur hann fingið út­ búgving innan journalistikk og lagt afturat sínum miðlaroyndum við út­ varps­arbeiði. – Miðlarnir í Føroyum líkjast í so nógv. Fer eitt tíðindaskriv út frá onkum, sæst tað ofta aftur í fýra ella fleiri miðlum, og tað kann verða óáhugavert fyri lesararnar, at tey lesa tað sama allastaðni. Eg vil gjarna virka fyri, at Norðlýsið í enn størri mun verður ein miðil við egnum greinum og vinklum. Vit mugu fortelja meira ella okkurt øðrvísi enn mongu tíðindaskrivini, sigur Helgi Abrahamsen. Norðlýsið er kent sum sterkur lokalur miðil, sum eisini kann taka til orðanna fyri vinnulívi, lokalum áhuga­málum og eitt nú Klaksvíkar Sjúkra­húsi. – Hesa vikuna havi eg verið runt og heilsa upp á fólk, og eg merki væl, at áhugamálini her í Klaksvík í vissan mun eru onnur, enn tey eru í Havn til dømis. Tað skal Norðlýsið sjálvandi eisini taka hædd fyri, tí Norðlýsið er fyrst og fremst ein lokalur miðil til fólkið í lokaløkinum. – Norðlýsið skal eisini kunna finna ymsar vinklar upp á eitt mál, spyrja kritiskt og lata fólk sleppa at svara. Tá kemur oftast tað besta tilfarið burturúr. Helgi Abrahamsen er landskendur sum politikari í Sambandsflokkinum, og tað sambandið kann hann ikki renna undan uttan víðari. – Eg havi ongar trupulleikar við at lyfta meg upp um tey politisku áhuga­málini og verða óheftur í hes­ um nýggja starvinum, men spurn­ ing­urin er sjálvandi, um fólk fara at halda meg verða óheftan, sigur hann. Sjúkrahúsið Tá ið kjak var um sjúkrahúsverkið, var Helgi Abrahamsen ein av teimum, sum førdi fram, at Føroyar kundu klára seg við færri sjúkrahúsum enn teimum trimum, sum nú eru. Klaksvíkar Sjúkrahús hevur ser­ ligt pláss hjá norðoyingum og eis­ini á Norðlýsinum, har Helgi Abrahamsen nú skal starvast. – Tað var eitt kjak frammi um sjúkrahúsverkið, og mítt sjónarmið var, at vit eiga altíð at stremba eftir at reka tað almenna so skynsamt sum gjør­ligt, og tað kundi til dømis verið gjørt við færri eindum á sjúkra­hús­ økinum. Men tað var ikki undirtøka fyri at gera nakað við talið á sjúkra­ hús­um, og málið kom ongantíð í løg­ tingið. Harvið kann eg staðfesta, at tað verður eingin broyting í talinum á sjúkra­húsum í Føroyum nógvu næstu árini, og tí er tað kjakið liðugt fyri mín part. – Síðani kjakið var, havi eg verið við til at samtykkja útbyggingar á Klaks­ víkar Sjúkrahúsi, tí mítt sjónar­mið er, at skulu vit hava trý sjúkrahús, so skulu tey eisini hava góðar umstøður at virka, og vit eiga at leggja upp til gott samstarv millum sjúkrahúsini, so sjúkrahúsverkið verður rikið so effektivt sum gjørligt, sigur Helgi Abrahamsen. Tað eru nýggjar tíðir í lívinum hjá Helga Abrahamsen, og tað eru nýggjar tíðir á Norðlýsinum, nú ein eystur­oyingur er komin í starv á blað­ num. Hvønn vegin Norðlýsið og Helgi fara at flyta seg, fer tíðin at vísa. EYDUN@SOSIALURIN.FO Fakta Navn: Helgi Abrahamsen Aldur: 49 ár Familja: Giftur Oddbjørg Tey eiga trý børn Bústaður: Strendur (ættaður úr Fuglafirði) ■ Útbúgving: Diplomútbúgving frá Danmarks Journalisthøjskole (2014) ■ Skrivari hjá Sambandsflokkinum (1999-2008) ■ Løgtingsmaður fyri Sambands­ flokkin (2008-2015) »Eg segði fyrst nei, tá ið Oliver ringdi og spurdi meg, um eg hevði áhuga í at arbeiða á Norðlýsinum, men eftir at eg hevði hugsað meg um, tók eg kjansin«