hósdagur 21. januar 2016síða 32

FRÍGGJADAGUR 22. JANUAR 2016 SOSIALURIN 9 32 ÍTRÓTTUR EITT STIG Á LEIÐINI HONDBÓLTUR Jóhan á Plógv Hansen livir hondbóltsdreymin. Hann er yrkishondbóltsspælari í danska toppfelagnum Bjerringbo-Silkeborg, er í rívandi menning og fekk í fjør sínar fyrstu minuttir á danska A-landsliðnum. Tó hevur hann ein størri dreym. Ein dreym um at spæla á hægsta stigi í altjóða hondbólti. Skifti frá Skanderborg til Bjerringbo-Silkeborg er eitt stig á leiðini. Næsta stig er at vinna sær fast pláss á í nýggja felagnum. TRÓNDUR ARGE F arna ár bleiv hendingaríkt fyri føroyska hond­bólts­ spælaran, Jóhan á Plógv Hansen, sum nú umboðar Danmark í altjóða hondbólti. Høgri vongurin hevur bæði spælt á danska U21 landsliðnum og á A-landsliðnum í 2015. Hann hevur eisini skift tilveruna í Skanderborg út við yrkisfelagið Bjerringbo-Silkeborg, sum spælir í oddinum í donskum fótbólti. Tað var longu í januar, at Jóhan á Plógv Hansen fekk møguleikan á danska A-landsliðnum. Hann hevði sitið trý ára langa leikbannið, sum ein spælari fær, tá hann skiftir millum landslið. Til tveir venjingardystir móti Svøríki eru boð eftir føroyska høgra vonginum. – Tað var heilt fantastiskt at spæla á landsliðnum, sigur Jóhan á Plógv Hansen, sum saman við liðfeløgunum vunnu báðar dystirnar móti Svøríki. – Tað var eitt ótrúliga spennandi ár, har eg havi roynt ting, sum eg ikki hevði væntað fóru at henda so tíðliga í yrkisleiðini hjá mær, leggur høgri vongurin afturat. Jóhan bleiv eisini kosin til besta høgra vong til U21 HM-kappingina í Brasil í summar. Fyrsta stig er spælitíð Jóhan á Plógv Hansen fekk sítt gjøgnumbrot í donskum hondbólti í Skanderborg. Felagið hevur fyri tað mesta spælarar, sum hava arbeiði víð síðuna av hondbóltinum. Í summar skifti Jóhan tó til Bjerringbo-Silkeborg, sum bara Jóhan á Plógv Hansen