fríggjadagur 20. august 2004síða 8

Nr. 157 • fríggjadagur • 20. august 2004 • 78. árgangur • www.sosialurin.fo Todi er gandaður á landsliðnum Hóast hann enn eina ferð noyddist at geva avboð, tí hann var skaddur, so roknar álopsspælarin við, at hann verður tøkur aftur um eina viku, men tað er torførari at siga, hvussu venj- ingarstøðan fer at vera undan ferðini til Sveis ÓHEPPIN STJØRNA Jóannes Hansen Eingin ivi er um, at hann er stjørnan í føroyskum fót- bólti. Hann hevur rokkið longri enn nakar annar føroyskur spælari, og hann er toppskjútti á landsliðn- um. Hann er skrásettur fyri 43 dystir. Alt var lagt upp til, at hann skuldi havt verið við fyri 44. ferð miku- kvøldið. Mótstøðumenninir vóru av sovornum slagi, at tað ivaleyst hevði ligið væl fyri hjá honum eisini í triðju royndini ímóti Malta at skjóta mál - kanska fleiri mál. Men Todi Jónsson - sjálv- andi er tað hann, at talan er um - taldist millum áskoð- ararnar. Portalurin visti á middegi mikudagin at siga frá heimasíðuni todi.fo, at Todi var skaddur og ikki fór at spæla við. Eingin ivaðist á Svangaskarði um, at tað vóru áskoðarar, sum settust aftur, og onkur helt fyri á Svangaskarði, at FSF mundi missa inntøkur, tí tað so tíðliga lak út, at Todi ikki fór at vera við. – Men tað verður harvið. Vit mugu spæla við opnum kortum og ikki lokka fólk at koma undir skeivum fyritreytum. Tað hevði bitið seg sjálvan í halan, helt FSF aðalskrivarin, Ísak Mikladal, sum fyri venjar- an eftir døgurða dystardag- in sendi boð eftir Jónhardi Frederiksberg. Ert tú gandaður á lands- liðnum? Todi Jónsson: – Tað gevur onga mein- ing at tosa um gand. Men hetta var undarligt. Allir fótbóltsspælarar vita, at tað í hesum fakinum støðugt spøkja møguleikar fyri skaðum, um vit skulu halda okkum til gandavendingar. Eg hevði kent okkurt smá- vegis, uttan at eg hevði roknað við, at hetta skuldi vera orsøk til, at eg ikki fór at vera førur fyri at spæla. Eg var rættuliga spentur upp á enn eina ferð at spæla ímóti Malta. Men undir venjingini týsdagin kendi eg, at alt var ikki, sum tað átti at vera, og tá ið vit mikumorgunin høvdu takt- iska venjing, var tað mær longu greitt undir upphit- ingini, at knúturin í lær- vøddanum var so mikið stórur, at tað fór ikki at bera til at spæla ímóti Malta. Tað eri eg sera harmur um. Verður tú við ímóti Sveis? – Tað eru tríggjar vikur til ta ferðina. Eg rokni við, at hetta verður í lagi aftur heilt skjótt. Stóri spurning- urin er, um eg fari at hava møguleika at spæla á lands- liðnum. Tað er verkfall í Danmark. Tað hevur við sær, at eg og allir hinir í FCK, sum eru limir í spæl- arafelagnum, ikki hava møguleika at venja í fel- agnum. Meðan tað er verk- fall og verkbann ber tað heldur ikki til at fáa dyst- arvenjing. So vit mugu bara vóna, at tað fara at vera fyritreytir at spæla. Eg vil í hvussu so er fegin vera við. Hvat heldur tú um dystin ímóti Malta? – Tað er altíð hugaligt, at Føroyar vinna. Tað er ikki oftari enn so. Føroyska liðið var í óvandari støðu. Tað plagar at vera mót- støðuliðið, sum myndar spælið. Hesa ferð vóru okkara spælarar í tí støðuni. Í altjóða dystum er neyðugt at hava stóra úrtøku burtur- úr málmøguleikunum, tí teir eru ikki so nógvir. Har høvdu vit trupulleikar hesa ferð, men tað er positivt, at liðið spælir seg til møgu- leikar. Henrik Larsen helt eftir dystin, at trup- ulleikarnir hjá okk- ara monnum fyrst og fremst komust av, vit eina løtu høvdu hug at undirmeta mót- støðuna VENJARIN Jákup Mørk jakup@sosialurin.fo Tá føroyska fótbóltslands- liðið vinnur, so er einki at siga til, at venjarin er feg- in, og Henrik Larsen hevði eisini smílið frammi eftir dystin móti Malta. Men samstundis er einki at taka seg aftur í, at tað vóru lutir í føroyska spæl- inum, sum kundu verið betri. Og hetta ásannaði Stóri eisini. – Eg haldi serliga, at fyrstu 20 minuttirnar eftir steðgin vóru ikki nóg góðir. Har gera vit ov nógv mistøk, soleiðis at teir koma aftur í dystin. – Annars haldi eg, at vit serliga í fyrra hálvleiki høvdu fult tamarhald á. Kanska var tað eisini so, at vit eftir steðgin fóru at taka okkum av løttum, og tað vita vit ikki gongur. Annars tóktist venjarin eitt sindur bilsin um, hvussu høgt tekniska støð- ið hjá maltesum var, og tað helt hann eisini skapti nakað av trupulleikum hjá okkara, sum hann tó rósti fyri gott arbeiði. Rós til allar Tað er eingin loyna, at fleiri av innskiftu leikarun- um gjørdu eitt sera gott ar- beiði, men Henrik Larsen vildi tó ikki taka nakran leikara hjá sær framum. – Eg haldi, at allir leik- ararnir hjá okkum eiga rós uppiborið. Teir gjørdu allir sítt arbeiði, og eisini teir, sum vórðu skiftir inn, gjørdu tað gott. Har hevði Jónhard tað kanska eitt sindur trupult, tí hann hevði jú als ikki vant við okkum undan dystinum, men eisini hann gjørdi ein góðan figur, so alt í alt haldi eg, at eg eri væl nøgdur, segði altso Henrik Larsen at enda. – Tað gevur onga meining at tosa um gand. Men hetta var undarligt, helt Todi Jónsson, nú tað enn einaferð barst honum frá at spæla landsliðsfótbólt Mynd: Álvur Haraldsen Undirmettu eina løtu Allir gjørdu sítt arbeiði, og eisini teir, sum vórðu skiftir inn, gjørdu tað gott, helt Henrik Larsen eftir sigurin á Malta Mynd: Álvur Haraldsen 15 14 Nr. 157 - 20. august 2004 C M Y K 14