mánadagur 25. januar 2016síða 6

Mánadagur 25. januar 2016 · Nr. 10 6 Sosialurin Hugskot og viðmerkingar – send sms til 225000 FISKIVINNULÓGGÁVA REIÐARA­ FELAGIÐ BERT EIN LIM Í FYLGI­BÓLKIN Felagið er illa nøgt við, at tað bert fær ein lim í fylgibólkin í sambandi við nýggju fiskivinnulóggávuna Árni Gregersen Bert ein lim fær Føroya Reiðara­felag í fylgibólkin, sum er partur av arbeiðnum at gera uppskot til nýggja fiski­vinnu­skpan í Føroyum. – Eg eri ómetaliga skuff­ aður av, at Føroya Reiðara­ felag bert fær ein lim í fylgi­ bólkin, sigur formaðurin í felagnum, Annfinn Olsen. – Hesin eini limurin skal um­boða allar skipabólkar og tað haldi eg er alt ov lítið, sigur hann. Annfinn Olsen finst eisini at, at fakfeløgini hava fingið fýra limir í níggjumanna- bólkin. Bólkurin er settur saman soleiðis, at hvørt av niðanfyri nevndu feløgum fær ein lim: • Skipafara- og Navigatørfelagið • Maskinmeistarafelagið • Fiskimannafelagið • Arbeiðarafeløgini • Útróðrarfeløgini • Ráfiskakeyparafelagið • Ráfiskaseljarafelagið • Arbeiðsgevarafelagið • Reiðarafelagið Formaðurin í Reiðara­ felag­num er samdur í, at fiski­vinnulóggávan skal fáast uppá pláss. Lógin um vinnuligan fiski­skap fer úr gildi 31. desember 2017. Tá fella øll fiski­rættindi aftur til landið. Við øðrum orðum, so veit vinn­an ikki í dag, hvat hendir eftir hendan dag. – Tí má arbeiðið sjálvandi gerast og eg ivist ikki í, at sjálv kommisiónin fer at koma við uppskotum, sum kunnu brúkast. Tíðin er stutt, men tað má gerast nú, sigur formaðurin í Reiðara­ felagnum. Tveir fylgibólkar Í sambandi við arbeiði at gera nýggja lóggávu er ein nevnd sett. Hon telir níggju limir og Johnny í Grótinum, búskaparfrøðingur, er for­ maður. Harafturat verða tveir fylgibólkar. Annar um­boð­ andi vinnuna og hin um­boð­ andi politisku skipanina. Enn vita vit ikki, hvør fær umboð í politiska fylgibólkin, men vinnuligi fylgibólkurin er nevndur omanfyri. Rewiðarasfelagið fær bert ein lim. – Tá ið hugsað verður um, at tær broytingar, sum verða gjørdar, fara fyrst og fremst at raka okkara limir, so haldi eg tað er undrunarvert, at vit bert fáa ein lim, meðan fak­ feløgini fáa fýra limir, sigur Annfinn Olsen. Hann sigur, at politiska skipanin royndi at seta ein kíla inn millum fakfeløgini og Reiðara­felagið við at siga, at reið­ararnir einsa­mallir skuldu gjalda tilfeingis­ gjaldið. – Tá ið so fylgibólkurin verður settur saman á hend­ an hátt, so duga vit at síggja hvat klokkan hevur sligið, sigur Annfinn Olsen. Sjálv kommisiónin skal framleggja sítt álit 1.august, men áðrenn tað er ætlanin, at almennar hoyringar skulu vera og fylgibólkarnir fara eis­ini at fáa frágreiðingar frá kommisiónini. arni@sosialurin.fo Uppboðssølan er ikki avgerandi – Tað kann gerast al­mikið fyri at broyta fiski­vinnu­ skipan­ina hjá okkum, uttan at tað er neyðuygt at koma við einari uppboðssølu. Tað sigur Bárður Nielsen, formaður í Sambands­flokk­ inum. – Tað snýr seg sjálvandi um, at vit fáa sum mest burtur­úr, tí so gagnar tað sam­felag­num best. Og eg haldi ikki, at ein uppboðssøla er alt­avgerandi í hesum sam­ bandi, sigur hann. Formaðurin í Sambands­ flokkinum er spentur eftir at vita, hvat nevndin kann leggja á borðið 1.august. – Sjálva nevndina havi eg ikki so nógvar viðmerkingar til, annað enn eg haldi, at har kanska eru heldur nógvir teoret­ikarar í henni – heldur enn fólk sum hava praktiskar royndir úr vinnuni, sigur hann. Bárður á Steig Nielsen heldur, aat tað verður spenn­ andi at síggja, hvar nevndin fer at borðreiða við. Hann vísir á, at nevndin er mannað við fólki við nógvari vitan, so tað kann lætt henda at hon kemur við uppskotum, sum vit øll fara at fegnast um og taka undir við. – Tað kann vera, at tey koma við einum uppskoti, sum vit als ikki hava hugsa um og sum bæði vinna og politikarar fara at taka undir við, sigur Bárður á Steig Nielsen. Marknaðarforðingar Báður á Steig Nielsen vísir ann­ars á, tað eru ávís onnur viður­skifti enn hvussu vit veiða fiskin, sum mugu fáast uppá pláss. Serliga sheldur hann, at tað almenna eigur at arbeiða fyri, at vit sleppa undan teim­um marknaðar­forð­ing­ um, sum vit hava í Evropa og ser­liga ES. – Eg veit væl, at vit selja nógvar aðrastaðni nú, men í veruleikanum er ES okkara náttúrligi marknaður, har vit eisini søguliga hva selt mesta fiskin hjá okkum. Tann markn­aðin kenna vit best, so vit mugu gera alt fyri at fáa marknaðar­forðinganar burtur, sigur Bárður á Steig Nielsen. Hann ger eisini vart við, at skulu vit gera lagkøkuna í Føroyum størri so meira verður í part, so mugu vit eis­ini menna fiskivinnuna á landi. – Vit noyðast at gera meira burtur úr fiskinum, so vit eisini kunnu selja hann dýrari til teir pen­inga­sterku marknaðir­nar. Tað er ein upp­skrivt uppá at gera køk­ una størri, sigur for­mað­urin í Sam­bands­flokkinum. Formaðurin í Sambandsflokkinum, Bárður á Steig Nielsen, er spentur uppá úrslitið hjá fiskivinnukommisiónini Bárður á Steig Nielsen