mánadagur 25. januar 2016síða 22

Mánadagur 25. januar 2016 · Nr. 10 22 Sosialurin Hugskot og viðmerkingar – send sms til 225000 ÍTRÓTTUR Gott nýggjár Gunnar. Hvussu er Ísland um hesa ársins tíð? Fáa tit vant nakað í FH? Gott nýggjár! Nú kann veðrið verða eitt sindur rokaligt her hesa ársins tíð, men íslendingar hava bygt rættiliga nógvar fótbóltshallir, so her eru góðar umstøður at venja í. So ja, vit koyra á! Tú hevur fingið ein nýggja liðfelag í Sonna Ragnar, hvussu er tað? Eg haldi tað er spennandi og deiligt at hava ein landsmann í hópinum. Einki er at ivast í, at Sonni hevur førleikarnir til at koma langt. Og um hann er til reiðar at arbeiða hart, og hava neyðuga tolið, sum skal til, so haldi eg at Sonni kann koma langt Hvat var hæddarpunktið í 2015? Ítróttarliga var sigurin á Grikka­ landi á Tórsvølli ein fantastisk uppliving. At vera partur av onkrum, sum er við til at gleða so nógv fólk, og kenslan av at eitt heilt samfelag samlast um okkurt er heilt serlig. Uttanfyri vøllin var tað at blíva giftur við Kristinu. Hon hevur fylgt mær trúføst øll hesi árini uttanlands, sjálvt um tað ikki altíð hevur verið líka lætt. Tað eri eg henni sera takksamur fyri, og tað ger meg glaðan, at kunna siga at hon er kona mín Hvat er málið hjá tær fyri 2016? At blíva meistari við FH. Og blíva við at betra og menna meg sum málmaður. Og so er mín plan fyri 2016 eisini at vera raskur við skúla gongdini hjá mær! Hvør er tín inspriatión fyri tíðina? Eg veit ikki um eg havi eina ávísa inspriatión, men fólk við mótgangi, sum eru alíkavæl eru positiv gevur mær altíð íblástur. Tað er bæði í fótbólti og í lívinum sum heild Vikan ið fór Føroyski rennarin, Marna Egholm, vinnur sannførandi Garmin trail-kapping í Danmark Bára Skaale Klakstein verður sett sum U15 landsliðsvenjarin í gentulandsliðnum í fótbólti Barcelona spælarin, Javier Mascherano, verður dømdur eitt árs fongulsrevsing fyri skattasvik á umleið tíggju milliónir krónur. Hann kann tó betala seg úr fongsulsrevsingini Tá føroyska kvinnulandsliðið skal royna seg í HM/EM kappingini í flogbólti seinni í ár, verður tað við sørvinginum Jóhan Petur á Stongum sum høvuðsvenjara, og Kristian Mikkelsen sum hjálparvenjara. Tað boðar Flogbóltssamband Føroya frá Fótbóltssambandið hevur fingið áheitan, um at broyta reglugerðina, so norðurlendingar ikki telja sum útlendingar í føroyskum fótbólti, tí tað ikki er í trá við samtyktina um frían arbeiðismarkna í norðurlondum ...við ítróttinum ÍTRÓTTAR UMMÆLI 5 SKJÓTIR Hetta er bókin um danska áleyparan, Peter Graulund, sum hevur útmerkað seg í donskum fótbólti sum áleypari fyri Brøndby og AGF, sum eru tvey feløg við nógvum viðhaldsfólkum. Tað er ikki óvanligt, at eg lesi tvær ella tríggjar bøkur um somu tíð. Tær kunnu millum annað liggja á ymiskum støðum. Ein á náttborðinum og ein á vesinum. Hendan hevur staðið á vesinum so leingi, at hon helst best hóskar seg sum vesipapír. Eg kann ikki minnast, at eg havi brúk so langa tíð, um at royna at koma gjøgnum ein fótbóltsbók, ið er løtt at lesa, sum hendan. Peter Graulund er gløggur maður og mær dámar hann væl sum viðmerkjara hjá TV3. Eg minnist hann eisini væl, tá hann var í hæddini. Tá fylgdi eg eisini væl við í donskum fótbólti, og búði eitt skifti í Danmark. Tí var tað eisini við eitt sindur av spenningi, at setti meg við bókini. Eg havi fyrr ummælt bøkurnar hjá David Nielsen, Stig Tøfting og Martin Jørgensen. Ymsikar, men allar rímiliga góðar, tí danskarar duga at framleiða ítróttartilfar. Serliga David Nielsen var góð, men upp á ein øðrvísi máta. Bókin um Peter Graulund stendur enn á vesinum. Eg blívi ikki liðugur at lesa hana, tí hon er óvanliga langdrigin, og tilfarið er bara ikki spennandi nokk. Kanska fyri ein AGF fjeppara, men hetta er higartil vánaligasta fótbóltsbókin eg havi lisið. Peter Graulund er erligur í bókini, sum annars sær gott út. Tí velji eg at skáa bókini eitt sindur og geva tvær, heldur enn eina stjørnu. LES HANA UM: Tú er totalt Peter Graulund fjeppari, ella kanska AGF fjeppari. Hasi bæði hanga nokk saman. IKKI HYGGJA EFTIR HONUM: Tú væntar ein bók í sama flokki sum hinar donsku fótbóltsævisøgurnar HVUSSU ER DOKUMENTARURIN AT HYGGJA EFTIR: Bókin sjálv er væl gjørd, og tað er ikki galið við skrivingini, men tilfarið er bara ikki spennandi nokk. HVAT SIGUR TÚ? Keyp heldur okkurt annað Í hesum táttinum umrøða vit ítróttarbøkur. Hetta eru bøkur, sum vit hava lisið og meiningarnar eru allar okkara egnu... ★★★★★★ FAKTA Peter Graulund er í dag 39 ára gamal og arbeiðir hjá TV3, sum hevur rættindini til millum annað danskan og enskan fótbólt. Hann er er ein fótbóltshetja í Aarhuus, har hann spældi frá 2006 til 2012. Hóast hann bleiv toppskjútti í 2001, so spældi hann aldrin á danska landsliðnum Jurgen Klopp, venjari hjá Liverpool, hvørs brillur brotnaðu, tá Liverpool skoraði til 5-4 í evstu løtu Ove Christensen, venjari hjá Vendsyssel FF – Eg plagi at hava einar eyka brillur við, men tað er torført at finna brillur uttan brillur – Brandur er eisini ein málrættaður leikari, sum passar væl inn í hópin hjá okkum. Hann er ein vinnari, og so hevur hann eisini eitt gott sinnalag til at spæla fótbólt Fimm skjótir spurningar til føroysk ítróttarfólk... Navn: Gunnar Nielsen Aldur: 29 Ítróttur: Yrkisspælari í FH í Íslandi Royn tína vitan um ítróttin her og nú! Svarini standa niðast til vinstru, men royn teg nú fyrst 1 Hvussu eitur týska felagið, sum Jóan Símun Edmundssen royndarvandi við herfyri? 2 Hvussu eitur íslendski landsliðsvenjarin hjá Danmark í hondbólti? 3 Hvør hevur metið fyri flest mál á danska landsliðnum hjá monnum nakrantíð? 4 Hvussu langt er eitt maraton? 5 Tað eru tvær rennibreytir í Føroyum. Ein er í Havn, hvar er hin? 6 Hvussu nógvir metrar er tað runt eina rennibreyt á geil 1? 7 Hvør er nýggjur landsliðsvenjari í flogbólti? 8 Hvør er spælarin á myndini? ? 1-3 røtt: Tú mást lesa in.fo og Sosialin nakað meir 4-5 røtt: Nú byrjar at líkjast 6-7 røtt: Tú fylgir bara væl við 8 røtt: Fantastiska flott, tillukku! Quizzin, svar: 1: Arminia Bielefeld 2: Guðmundur Guðmundsson 3: Lars Christiansen (1503 mál) 4: 42.195 kilometrar 5: Toftum 6: 400 metrar 7: Jóhan Petur á Stongunum 8: Cristiano Ronaldo Peter Graulund Eg eri nummar 11