mánadagur 25. januar 2016síða 42

VINNUBLAÐIÐ HJÁ MIÐLAHÚSINUM 19 Januar 2016 1 Pelagos Stovnað av: ■ Framherja ■ Havsbrún ■ Palla hjá Mariannu ■ Verkfeløgum ■ Stjóri: Jóhan Páll Joensen Nógv fólk Virkið í Fuglafirði kann arbeiða 550 tons av makreli hvørt samdøgur. Framleiðsluorkan er knýtt at frystiorkuni hjá virkinum. Vanliga tekur virki móti eini 1000 tonsum í senn frá hvørjum av størru nótaskipunum. Tað vil siga, at tað tekur um tvey samdøgur at tøma skipið og viðgera fiskin. Av tí, at makrelurin ein stóran part av verktíðini er í føroyskum sjógvi, so er fiskurin tað tíðina spillfeskur og lættur at arbeiða. -Tað vil siga, at tað sum vit frysta er fyrsta floks fiskur, tí hann hevur verið í kølitangum líka til hann kemur inn á virkið í Fuglafirði, sigur Jóhan Páll Joensen. Hóast nýggju virkini eru tekniskt á høgum støði, so krevst rættuliga nógv fólk til at arbeiða fiskin. Vanliga arbeiða tey í tveimum vaktum í Fuglafirði, tá ið verktíðin er. Hvør vaktin arbeiðir 84 tímar um vikuna. Avtala er gjørd millum virkini og arbeiðarafeløgini um at hetta ber til og tað eru eisini gjørdar lønaravtalur, sum ger, at arbeiðsfólkini ikki fáa yvirtíð fyri hesar tímar, men heldur fáa eina tímaløn, sum er miðal av vanligari tímaløn og so tí yvirtíðarløn, sum tey annars høvdu fingið. Tey á leið 80 fólkini, sum arbeiða á virkinum í Fuglafirði, vinna í vertíðini framímóti eina ársløn á virkinum, tað tíðina fiskurin kemur inn á virkið. -Tað er avgerandi fyri skipini, at vit klár at arbeiða skjótt undan, tí tað kostar skipunum at vera burtur av fiskileið. Fyri tey stóru skipini kostar tað milljónir hvønn dag, tey ikki fiska, sigur stjórin á Pelagos í Fuglafirði. arni@sosialurin.fo Tað sýnist sum allir teir byrjunartrupulleikar, sum vit sluppu undan fyrsta árið, nú komu í 2015, so farna ár royndist ikki líka væl JÓHAN PÁLL JOENSEN HEVUR VERIÐ LEIÐARI STØRSTA PART AV VAKSNA LÍVINUM Stjórin á Pelagos í Fuglafirði er vanur við at sita við endan tá ið á stendur. Í nærum 15 ár var hann skipari á Vesturvón, tá ið trolarin var heima­hoyrandi í Sørvági, men síðan hann fór uppá land hevur hann eisini verið leiðari á egnum virkj­um, umframt á virkjum hjá øðr­um. Tá ið hann legðist uppá land var hann í hálvtannað ár stjóri á Handils- og Frystivirkinum í Fugla­firði. Síðani var hann stjóri í góð fýra ár á K´sini í Klaksvík, áðrenn bleiv stjóri í Maru Seafood, sum hann sjálvur átti ein stóran part av. Áðrenn hann nók við sum stjóri í Fuglafirði sigldi hann í nøkur ár sum yvirstýrimaður og stýri­maður í frálandavinnuni í Noreg. – Fyri meg hevur tað als ongan týdning um eg arbeiði á landi ella sjógvi. Eg havi ómetaliga góða sjó­nátúr, so tað ger ikki mun, sigur hann. Sjálvt um hann er klaks­vík­ ingur, so hevur hann størsta partin av lívinum virka uttanfyri Klaks­víkina. Tað var meðan hann var stjóri á Kósini, at hann mest var í Klaks­vík. – Men eg trívist, har sum eg eri, so tað er líkamikið. Fuglafjørð havi eg altíð havt tilknýti til og eg var her sum smádrongur. So her er fínt at vera, leggur hann afturat. arni@sosialurin.fo Stjórin uppvaksin á brúnni á skipi