hósdagur 28. januar 2016síða 13

FRÍGGJADAGUR 29. JANUAR 2016 SOSIALURIN 12 13 »Vit í Tórshavnar komm­un­u eru í holt við at gera eina eftir­meting av eldraøkinum, nú eitt ár er liðið síðani vit yvirtóku økið frá land­inum. Tað hevur við sær, at vit endurskoða alt økið, eisini tað, ið hevur verið frammi í fjølmiðlunum sein­astu vikurnar« Heðin Mortensen Eitt ódnartak at fara í gongd við Heðin Mortensen Hevur kommunan nakrar ætlanir um at hækka talið av starvsfólkum fyri hvørt búfólk? – Tað er trupult at svara hasum spurn­ing­inum konkret, tí vit í komm­un­uni eru í holt við at gera eina eftir­meting av eldraøkinum, nú eitt ár er liðið síðani vit yvirtóku økið frá land­inum. Tað hevur við sær, at vit endurskoða alt økið, eisini tað, ið hevur verið frammi í fjølmiðlunum sein­astu vikurnar. Ein partur av tí er at meta um, um tørvur er á fleiri starvs­fólkum ella um okkurt annað skal gerast, svarar Heðin Mortensen. Borgarstjórin í Tórshavnar komm­unu lovar tó, at um eftirmetingin stað­festir, at støðan ikki er nøktandi, so verður okkurt gjørt við trupulleikan. – Sostatt er eingin støða tikin til, um normeringin skal hækkast. Men um tænastan, ið vit bjóða í løtuni, ikki er nøktandi, so skal tað gerast betri. Er nøkur ætlan at veita eitt til­boð til teirra, ið hava ein tørv, ið ikki verður nøktaður til fulnar av ellis­heimi og heimahjálp? – Hetta er ein spurningur, ið vit hava arbeitt við í longri tíð. Vit eiga at veita so mikið góða heimarøkt, at fólk kunnu vera heima hjá sær sjálv­um so leingi tey kunnu. Tað vilja øll eldri fólk. Tí skulu vit satsa nógv meira upp á heimarøktina og dagføra tænast­una, so at hon verður betri. Harumframt eftir­lýsir borgar­ stjórin í høvuðs­staðar­komm­un­uni eitt samstarv millum kommun­ una, Bú­staðir og fakfeløgini um at byggja eldra­íbúðir. – Vit vita, at tað eru støður, har tað ikki er nøktandi bara at vera heima. Nógv hava síni egnu hús, ið ikki er hósk­andi fyri eldri, tí tey hava trappur og annað, ið kann veita trupulleikar á eldri árum. Tá eiga vit, bæði sum komm­una og land, at fara í gongd og byggja egnaðar íbúðir til eldri. – Vit hava sett pengar av at fyri­reika hetta, men tað er eitt ódnartak at fara í gongd við. Um tað er upp til mín, so er tað Bústaðir, ið skal vera við til hetta. Gera vit tað í felag, land, kommunur og fakfeløg, so ivist eg onga løtu í, at vit høvdu kunnu nøkta tørv­in innan nøkur heilt fá ár. Tað er bara ein spurningur um vilja. Heðin Mortensen, borgarstjóri í Tórshavnar kommunu MYND: ÁLVUR HARALDSEN Framhald á næstu síðu