hósdagur 28. januar 2016síða 23

FRÍGGJADAGUR 29. JANUAR 2016 SOSIALURIN 12 23 Staffan de Mistura greiddi frá á tíðindafundi í vikuni um avbjóðingarnar av at fáa partarnar at semjast um, hvør skal umboða sýrisku andstøðuna í tingingunum við tíðarfreistum, tí í summar er tjóðartingsval í Sýria og nýggja tjóðartingið skal síðan evna til eina grundlóg. Nýggja grundlógin kann broyta tað soleiðis, at for- setin verður beinleiðis útvaldur av tjóðartinginum og ikki eini fólkaatkvøðu, og tí er heldur ikki neyðugt við ST-eftirliti til forsetavalið. Royndi arabiski tíðindamaðurin Ibrahim Hamidi, ið skrivar fyri Al- Hayat, vísur á at russiska luttøkan í friðartilgongdini lættliga kann føra til eitt læmið tjóðarting í Damaskus, við sama forseta sum nú, og úrslitið verður ikki ein nýggj sýrisk stjórn, men heldur ein endurreisn av sitandi, gomlu stjórnini. Fátæk orð og nýtt av hermótinum Fleiri ivast nevniliga í, hvussu reiðiligir russar eru í sínum samráðingum, tí orð teirra sýnast ofta at vera sera fátæk. Soleiðis verður hol sett á eina politiska tilgongd; drúgvar friðartingingar við ymiskum útvaldum umboðum, eini lagdari ætlan, fundarskráum og líknandi. Ímeðan fara veruligu tingingarnar harðliga fram á vígvøllunum í Sýria við russiskar hermegi og stjórnardeildum hjá sýriska forsetanum. Síðan desembur hava hesar herdeildir alsamt vunnið seg fram í um- stríddum økjum, t.d. í økinum upp til turkiska markið og út til Miðalhavið. Eingin steðgur er í hernaðarligu tiltøkunum frá russum, nú friðartingingar eru komnar á skrá. Soleiðis stendur sýriski stjórnarherurin saman við russisk, iransku hermegini nógv betur fyri nú samanborið við septembur 2015, tá ið russar løgdu uppí stríðið. Og friðartingarnar hava eisini fingið eina tunga byrjan við eini ósemju um hvørji umboðini fyri andstøðuna skulu verða. Ting- ingarnar skuldu byrja mánadag í hesi vikuni, men síðan var hetta útskotið til fríggjadag 29. januar. Russiski uttanríkismálaráðharrin Lavrov legði í farnu viku fram ein lista av andstøðuumboðum, sum russar vildu hava við til friðartingingarnar – umboð, sum standa stjórnini í Damaskus nakað nærri. Soleiðis, beint uppundir friðartingingarnar, eru tveir listar av umboðum fyri andstøðuna; ein russiskur listi og ein annar, ið er grundaður á ráðstevnuna, sum var í Saudiarabiska høvðusstaðnum, Riyadh, fyri jól, har ið umboð fyri andstøðuna blivu vald. Hinvegin er tað turkar, ið nokta nøkrum bólki við samstarvi til kurdiska arbeiðaraflokkin, PKK, atgongd til tingingarnar. Turkar meta PKK vera ein yvirgangsbólk. Vandi er sostatt enn fyri, at tingingarnar ikki koma av bakkastokki fríggjadag. ST-samtyktin staðfestur at atkvøða um tjóðarting og nýggjan forseta skal verða umleið august 2017. Og longu nú í mai skal sitandi tjóðarting frá valdinum og eitt fyribils lóggávuráð setast. Herafturat leggur ST-samtyktin upp til, at mann í Íslandi og øðrum londum har sýrar hava fingið frið- skjól, eisini skulu fyrireika val av sýriskum forseta, vónandi einaferð í nærmastu framtíð. ST-samtykt nr. 2254: Ein stromm tíðarætlan við greiðum stigum ímóti friði: Innan 6 mánaðir skal eitt fyribils tjóðarting setast og grundlóg orðast Innan 18 mánaðir er forsetaval, har sitandi forsetin ikki stillar upp Yvirgangsfelagsskapir sum al-Nusra og IS/Da´esh sleppa ikki framat Leysir endar undan tingingunum: • Ósemja um hvør skal umboða andstøðuna, hóast komið er til 11. tíma og innbjóðingarnar eru skrivaðar • Tingingarnar verða óbeinleiðis, at byrja við vera umboðini fyri stríðandi partarnar ikki í sama rúmi