mánadagur 1. februar 2016síða 17

17 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 1. februar 2016 · Nr. 13 ÍTRÓTTUR OV STÓRT AT SIGA NEI TIL DINAMO BUKAREST STØRRI EFTIRSPURNINGUR Tað sigur Kaj Leo í Bartalsstovu um tilboðið frá rumenska stórfelagnum, Dinamo Bukarest Tróndur Arge Tað er ein vika síðan, at Kaj Leo í Bartalsstovu á fyrsta sinni fekk at vita, at Dinamo Bukarest hevði áhuga í honum. Í eina viku hevur gøtu­maðurin spentur bíða eftir, at dreymurin hjá hon­ um skal ganga út. Dreymurin um at blíva yrkisspælari í einum stórum útlendskum felagið. – Hjá mær er einki at ivast í. Hetta er ov stórt at siga nei til, sigur Kaj Leo í Bartalsstovu. Hetta havi eg bíða eftir Fyri Kaj Leo í Bartalsstovu er talan um ein dreym, sum hann hevur elt í fleiri ár. 24 ára gamli gøtumaðurin hev­ ur síðani 2014 roynt seg í norsk­um fótbólti, har hann hev­ur spælt við Levanger. Sátt­málin bleiv ikki longdur, og nú eitur liðið Dinamo Bukarest. – Eg havi verið ófatuliga spentur. Hetta hevur verið sum ein dreymur fyri meg, og nú blívur dreymurin til veruleika. Hetta er tað eg havi bíðað eftir í so nógv ár, sigur Kaj Leo í Bartalsstovu, sum ikki hevur hugsað um ann­að, síðani hann fyri eini viku síðan fekk at vita, at Dinamo Bukarest vil hava ein gøtumann á liðið. Í 2014 var føroyski lands­ liðsspælarin fastur partur av Levanger-liðnum, sum vann sær uppflyting til næstbestu deildina í Norra. Árið í fjør bleiv tó ikki so gott, tí kviki vongur slapp ikki upp í part, nú Levanger var eitt botnlið í eini hægri deild. – Kappingarárið við Levanger var skuffandi og ørkymlandi. Eg havi í løtum verið í kjallarinum, tí eg havi kent meg eitt sindur illa við­ farnan, men havi roynt at verið positivur, sigur Kaj Leo í Bartalsstovu, sum ikki hevði væntað at vendin kom so skjótt. – Eg hevði fyririkað meg upp á ein sáttmála við eitt felag í næstbestu deildini í Norra, men so kom hetta á borðið. Eg hevði ikki væntað, at tað fór at ganga so skjótt at venda gongdini, sigur før­ oyski landsliðsspælarin í tele­fon­ini úr Bukarest. Visti tað var seriøst Tað kom púra óvart á før­ oyska fótbóltsheimin, at ein før­oyskur spælari skuldi enda í rumenskum fótbólti. – Eg visti tað var seriøst, tí vit hava havt dialog við rumanar síðani landsdystin á Tórsvølli. Vit hava vitað, at tað kundi henda okkurt, men vit vóru skeptiskir. Vit høvdu tó ikki væntað, at tað var eitt so stórt felag sum Dinamo, sigur Kaj Leo í Bartalsstovu. – Eg havi fingið at vita, at venjarin hjá teimum fekk nakrar spælarar at velja í millum. Hann hevur so valt meg. Tað merkir, at hann hevur valt meg frammum aðrar spælarar. Tað vigar eitt sigur, sigur føroyski lands­ liðs­spælarin, sum tó roynur at vera púra róligur. – Eg og Hans Jacob hava sjálv­andi tosað nógv um hetta seinastu dagarnar, tí tað virkar so »svakligt«, men vit royna ikki gera tað til meiri enn tað er, sigur gøtu­ mað­urin. Nú skal eg prógva meg Kaj Leo í Bartalsstovu er greiður yvir, at hann er ikki komin á mál við skift­inum, men at hetta bara er byrj­an­ in til eitt hart lív sum yrkis­ spælari í eini fótbólts­ment­ an, sum er langt frá tí, ið vit kenna í norðurlondum. – Eg havi fyririkað meg upp á, at tað er ein øðrvísi mentali­tetur, og at tú skalt prógvað teg. Einasti mátin at blíva accpeteraður er, at prógva teg til venjing og til dyst. Hetta er ikki tað sama sum at vera í Gøtu hjá mammu og babba, ella mill­ um familju í Levanger, sigur før­oyski landsliðs­spæl­arin við einum brosi. Bóltsterki vongurin ræð­ ist als ikki, at hann møgu­liga skal spæla framman­fyri upp til 55 túsund villum áskoð­ arum, tá granna­upp­gerð er millum Dinamo og Steaua Bukarest. – Eg haldi at hetta er stórt, men eg eri ikki bangin. Eg eri bara spentur, tí hetta er tað eg havi droymt um so leingi, sigur Kaj Leo í Bartalsstovu. Hann leggur afturat, at tað fyrsta hann hevur lagt merki til, er hvussu nógv áskoð­ararnir ganga upp í granna­uppgerðina. – Fleiri rumenar hava addað meg á sosialu miðl­ unum, og hava skrivað til mín. Tað er sjálvandi við denti á Dinamo, men tað er eisini við eini negativari við­ merk­ing um Steaua, greiðir gøtu­mað­urin frá og leggur aftur, at nógvur trafikkur hev­ur verið á fartelefonini síðani In.fo kunngjørdi tíð­ ind­ini. – Tað er bara skeg og eg má bara njóta tað, meðan eg kann, sigur Kaj Leo í Bartals­ stovu at enda. Tey sum kenna Kaj Leo í Bartalsstovu vita, at hetta hevur altíð verið dreymurin hjá honum. Hann hevur ongan­tíð verið nær við at koma aftur til Føroyar at spæla, eftir at hann í 2014 fór til Norra at liva fótbólts­ dreymin. Nú er líkt til, at gøtu­mað­urin hevur tikið eitt risa fet rætta vegin. trondur@sosialurin.fo Tað tók eina løtu, áðrenn umboðsmaðurin hjá Kaj Leo í Bartalsstovu, Hans Jacob á Líknargøtu, heilt skilti hvat bleiv sagt í hin­ um endanum av far­tele­ fon­ini, tá tilboðið kom frá Dinamo Bukarest. – Eg mátti líka hugsa í nøkur sekund, áðr­enn eg skilti hvat teir veru­ liga søgdu, sigur umboðs­ mað­urin, ið sigur at tað er felagið, sum hevur gingið á odda í samráðingunum. – Fyrr hevur tað verið eg, sum kanska hava trýst fyri at fáa ein sáttmála ígjøgn­um, men nú er tað um­vent, sigur Hans Jacob á Líknargøtu, ið somu­leiðis heldur, at eftir­spurning­ urin eftir føroyskum spæl­ ar­um er vaksin í sein­ast­ uni. – Teir seinastu dagarnir vísa eina framgongd. Tað kann ikki heilt saman­ber­ ast við nakað, sum vit hava upplivað fyrr, sigur Hans Jacob á Líknargøtu, og vís­ ur til at OB fríggjadagin keypti Jóan Símun Edmunds­son frá Vejle. Sambandið millum Kaj Leo í Bartalsstovu og Dinamo Bukarest er eitt úrslit av, at ein rum­ensk­ ur talentleitari fekk eyga á føroyska landsliðs­spæl­ aran, eftir at Rumenia spældi móti Føroyum á Tórs­vølli í fjør. – Eg fekk so ein fyri­ spurn­ing, um vit vóru áhug­aðir í einum skifti til Dinamo Bukarest. Síðani kom felagið í myndina, greið­ir Hans Jacob á Líknar­gøtu frá. Dinamo Bukarest er saman við grannafelagnum, Steaua Bukarest, søgu­rík­asta felagið í Rumenia. Dinamo hevur vunnið rumenska meistaraheitið ikki færri enn 18 ferðir. Í 1983 bleiv felagið tað fyrsta í rumensk­ari søgu, at koma í Champions League finaluna. Liðið spælir til daglig á Dinamo leikvøllinum, sum hevur pláss fyri 15 tús­und áskoðarum, men ávísir dystir verða spælir á tjóða­ leik­vøllinum, sum tekur 55 túsund áskoðarar. Liðið liggur í løtuni á triðja plássi í bestu deildini í Rumenia. Í fjør endaði liðið á sjeynda plássi. trondur@sosialurin.fo