mánadagur 1. februar 2016síða 18

Mánadagur 1. februar 2016 · Nr. 13 18 Sosialurin Hugskot og viðmerkingar – send sms til 225000 ÍTRÓTTUR Jóannes Hansen Um tað verður roknað út frá virkseminum, so kann ikki annað sigast, enn at heilsu­støðan hjá kapp­róðr­ inum er hampiliga góð. FM kapp­róðrar­árið er stutt – frá mánaðarskiftinum mai/juni tá ið tað verður kappast á norðoya­stevnu og fram til á ólav­søku – men virksemið eftir ólav­søku og út á heystið og eis­ini í vetur aftur í vár sigur, at nú er kappróður vorð­in heilárs­ítrótt. Leygardagin var eyka­ aðal­fundur í Róðrar­sam­ bandi Føroya. Tá boðaði for­maðurin Jan Herman Hansen frá, at hann tekur ikki við afturvali, tá ið aðal­ fund­urin verður leygardagin 2. apríl. Tað eru seks limir í starvs­nevndini. Tríggir standa fyri vali á hvørjum ári. Saman við formanninum standa Paula Eikholm og Súnhild Holm fyri vali hesa ferð. Eisini tær báðar boðaðu leygar­dagin frá, at tær taka ikki við afturvali. Poul John Æðustein hev­ ur verið næstformaður í fleiri ár. Hann boðaði leygar­ dagin frá, at hann fer at siga seg úr nevndini á árs­aðal­ fund­inum, og tað ætlar kapp­ ingar­leiðarin Jakku Guttesen eis­ini at gera. Harvið er tað greitt, at tann einasti í sitandi nevnd, sum eisini verður nevndar­ limur eftir ársaðalfundin, er Kristian Eli Zachariassen. – Fyrsta apríl verða tað tíggju ár síðani, at eg tók við sum formaður. Framm­ an­undan hevði eg verið næst­formaður í trý ár. Eg eri framvegis ógvuliga áhug­ aður í kappróðri, og tann áhugan fer neyvan at fána. Men eftir tíggju ár í for­ mans­sessinum haldi eg, at tíðin er komin at mynstra av, og at nýggjar kreftir taka sta­fettina, sigur Jan Herman Hansen. Hava tit nakað upplagt for­mansevni? – Tað hevur ligið í kort­ unum, at kappingar­leiðarin Jakku Guttesen fór at verða næsti formaður, men um­ støð­ur­nar hjá honum eru so­leiðis, at tað ber honum ikki til at vera í nevndini. Í fjør róði hann við Drekanum Reyða, og tað fer hann at gera aftur í ár, og so er hann farin undir krevjandi útbúgving. Og hvør verður so for­ maður? – Tað er ein góður spurn­ ingur. Undan eyka­aðal­fund­ inum leygardagin royndu vit at lodda dýpið fyri at finna evni til formanssessin og hinar nevndarsessirnar, men tað eydnaðist ikki. Vit mugu staðfesta, at tað er ikki grav­gangur eftir at sleppa í nevnd­ina, men eg rokni við og vóni, at tað undan aðal­ fund­inum um tveir mánaðir fer at eydnast at finna fólk, sum eru áhugað og sinnað í at manna nevndina í Róðrar­ sambandinum. Tað er spenn­ andi arbeiði at vera í nevnd­ ini í RSF, og tað er hugaligt, at tað er stórt virksemi í kapp­róðrinum. Jan Herman Hansen lut­ tók fyrstu ferð í kapp­róðri í 1989. Tá var pápi hans­ara, Hans Petur Hansen, for­ maður í Kappróðrar­felag­ num á Glyvrum. Síðani tók eldri beiggi Jan Herman, Sofus, við formanssessinum, so tað liggur til familjuna at lut­taka og at taka við ábyrgd. Nýggja virksemið Tað vignaðist væl, tá ið før­ oyskir rógvarar leygar­dagin royndu seg í DM kappingini í inniróðri, sum var í Gladsaxe. Í heiðursmerkjum var úr­ tøk­an tvey gullmerki og eitt silvur­merki, og so var tað merkis­vert, at tað eydnaðist før­oyskum rógvara at seta danskt met. Jógvan Sofus Vilhelmsen vann gull í tungvekt bólk­ inum fyri 30-39 ára gamlar. Tíðin var 6.24.3. Sverri Nielsen vann gull í opna bólkinum og setti nýtt danskt met í tíðini 5.51.6. Hann er kendur í donskum kapp­róðri. Hann rør fyri danska landsliðið, og inntil fyri stuttum var tað upp á tal, at hann skuldi taka lut í OL í Rio í august. Brandur Kjølbro vann silvur í bólkinum fyri dreing­ ir 15 ár. Tíðin hjá Brandi var 6.52.00. Um vikuskiftið megnaði Bergur Robert Dam Jensen at endurvinna silvur­krón­ una í English indoor rowing championship á 2000 metrum í tíðini 7.29.5 og 500 metra spring í tíðini 1.41.5. Og so eydnaðist tað Saritu Hansen at endurvinna tvær gullkrónur í English indoor rowing championship á 2000 metrum í tíðini 7.29.5 og 500 metra spring í tíðini 1.41.5. – Kappróðurin er á skrá alt árið. Hesir rógvararnir, sum nú vóru í Danmark, hava vant síðani stutt eftir ólav­søku, og saman við teim­ um eru tað fleiri, sum sita í maskin­unum í feløgunum kring landið, og onnur venja heima við hús. Tað er ikki neyð­ugt at hava serliga út­ gerð og karmar burtursæð frá maskinuni at rógva í, sigur Jan Herman Hansen, og so vísir hann á dømi um hetta: – Í mars mánað í fjør lut­ tóku vit í HM í inniróðri í Boston. Tá vann ein av okk­ara rógvarum gull, so tað verður spennandi, tá ið vit í mars í ár aftur fara til Boston. Pál Joensen vísti okk­um øllum, at tað ber til at verða partur av heimselituni, hóast umstøðurnar ikki eru tær bestu. Tí hann vandi leingi í lítla hylinum í Vági, og tað forðaði honum ikki í at røkka framúr góðum úrs­lit­um. Í fjør vann Dánjal Martin Hofgaard gull í HM í inniróðri. Tað gjørdi hann, hóast hann vandi í kjallar­ anum heima í Hvalba. Tá vóru seks føroyskir lut­ tak­arar í Boston, og tað er spenn­andi, nú níggju føroy­ ingar fyrireika seg til nýggja HM kapping, sigur Jan Herman Hansen. – Tað er Eskild Ebbesen, sum er fleirfaldur gullvinnari í OL rógving, og sum hev­ur lut­tikið í føroyskum kapp­ róðri, ið hevur lagt venjingar­ skránna, sum rógvararnir halda seg til. Eskild er við­ hvørt í Føroyum og leggur lag á, so tað verður lagt nógv fyri, sigur RSF formaðurin. Umframt Dánjal Martin Hofgaard eru hinir rógv­arar­ nir hesir, sum 28. februar fara yvir til USA: systkini Inga og Kem Weihe úr Lamba, Bogi Olsen av Glyvrum, Sarita Hansen úr Miðvági og Jens Kristian Dam, Tony Dam, Jóhannis Olsen og Olaf Vester­gaard úr Havn. Aldur er eingin forðing fyri at rógva. Tað eru fleiri veteranar millum teirra, sum um ein mánað fara yvir til Boston. Bogi Olsen er 42, og superveteranurin Olaf Vester­gaard er 51 ár. Heima á landi eru tríggjar Grand Prix kappingar í inni­ róðri, og so er tað stóri FM dagurin, sum er í Skúlanum á Løgmannabreyt miðskeiðis í mars. Fróði Magnussen og Teitur Samuelsen tóku fyri fáum árum síðani stig til kapp­ing­ina, sum teir nevndu Ódnar­tøk. Tað hevur síðani verið kappast í ódnartøkum bæði undan norðoyastevnu og eftir ólavsøku. Soleiðis verð­ur tað eisini í ár, og tað tykist, sum henda kappingin hev­ur vunnið hevd. – Teir báðir stigtakararnir, Fróði Magnussen og Teitur Samuelsen, hava heitt á Róðrarsambandið um at taka við ábyrgdini fyri hesi kappingini. Soleiðis verð­ur Men tað knípir at fáa fólk at manna nevndina í RSF, har bara ein av nevndarlimunum heldur fram, tá ið aðalfundurin hevur verið fyrst í apríl mánað NÚ ER TAÐ KAPPRÓÐUR ALT ÁRIÐ Brandur Kjølbro vann silvur í bólkinum fyri dreing­ir 15 ár. Bergur Robert Dam Jensen at endurvinna silvur­krón­una í English indoor rowing championship á 2000 metrum