hósdagur 4. februar 2016síða 18

FRÍGGJADAGUR 5. FEBRUAR 2016 SOSIALURIN 15 18 BIRGITH LASSEN F yri nøkrum árum síðani reis eitt satt kaffirák upp, og áhugin fyri kaffibønum og ymsum bryggihættum vaks. Kaffi er ikki longur nakað, tú bara drekkur. Kaffi er blivið ein ment­an og ein indikator sum sigur nakað um, hvør tú ert. Hóast rákið er ókent millum flestu føroyingar, hevur Róaldur Jákups­son valt at kasta seg beint út í trendina. Í eitt áratíggju hevur hann brent og selt sítt egna kaffi í handlinum Brell í Havn. Í næstum opnar hann kaffibarr á Vaglinum. Vónin er at raka breitt, men Róaldur Jákupsson er greiður yvir, at tað verður ikki uttan forðingar. – Eg veit, at eg eri 15 ár framman­ fyri, men nú leypi eg bara út í tað. Eg vil vera fremst. Og tað verði eg eisini við hesum. Hetta er tað, sum trendar alla aðra staðni í verðini, sigur Róaldur Jákupsson, sum leggur afturat, at hann vil syrgja fyri, at føroyingar fáa tað besta. Ikki fyri at tjena pengar Tað er eingin loyna, at svart kaffi oftast er tað, sum verður borðreitt við í føroysku heimunum. Og café latté kanska tað, sum oftast verð­ur svingað yvirum diskin í kaffi­barr­ unum. Tað kaffi, sum Brell fer at borð­reiða við í nýggju kaffibarrini, verður viðgjørd á ein heilt ørðvísi hátt, enn vit kenna í dag. Rákið snýr seg nevniliga um at drekka kaffi, á sama hátt sum ein vín­kennari drekka vín. Ristingin av kaffi­bønuni verður mildari og brygg­ingin krevur serliga útgerð. Men eru tað ikki vansar við at kasta seg út í eitt rák, sum enn ikki er byrjað í Føroyum? – Um tú vilt tjena pengar uppá kaffi, skalt tú framleiða kaffi av eini vánaligari bønu og oysa eina rúgvu av mjólk og siropp útyvir, so kundin í veruleikanum ikki smakk­ ar, at tað er kaffi. Men eg geri ikki hetta fyri at tjena pengar, svarar eig­arin av Brell, sum annars er út­ búgvin grannskoðari. Eitt uppger við ringu góðskuna Róaldur Jákupsson greiður frá, at føroyingar lættliga ræðast burtur, men sigur at nýggja kaffbarrin ikki bara er fyri kræsnar gómar. – Um ein kundi ynskir at keypa ein cappuccino, geri eg sjálvandi ein cappuccino. Og um onkur hev­ur hug at koyra siropp í, havi eg sjálv­andi eisini siropp. Men eg syrgi fyri at gera kaffikoppin væl, sig­ur hann. Róaldur Jákupsson er upp­runa­ liga útbúgvin grannskoðari, og hann traðkaði inn í kaffibransjuna av reinum áhuga. Men nýggja kaffi­ barrin er ein uppger við góðskuna í Føroyum, sum sambært Róaldi Jákupssyni er alt ov svingandi. – Eg orki ikki at fáast við ringa góðsku, og soleiðis havi eg tað eis­ ini við kaffi. Eg eri blivin for gamal til at finna meg í tí, sigur hann at enda. Kaffibarrin opnar væntandi um 2-3 vikur, og umframt kaffi, fer Brell eisini at borðreiða við osti, ný­bakaðum breyði, dessertum og spesial­vørum. BIRGITH@SOSIALURIN.FO MANGT OG HVAT VIL VERA FREMST Í FØROYUM Aftaná at hava selt kaffibønir í tíggju ár, tekur Róaldur Jákupsson nú stigið víðari og opnar nýggja kaffibarr í Havn. Málið er at bróta frá vandu kaffimentanina í Føroyum, sigur hann Nýggj kaffibarr Um tú vilt tjena pengar uppá kaffi, skalt tú framleiða kaffi av eini vánaligari bønu og oysa eina rúgvu av mjólk og siropp útyvir, so kundin í veruleikanum ikki smakkar, at tað er kaffi« Róaldur Jákupsson MYND: ÁLVUR HARALDSEN MODELLMYND