hósdagur 4. februar 2016síða 33

FRÍGGJADAGUR 5. FEBRUAR 2016 SOSIALURIN 15 33 FLYTINGAR men spælarar sum Jákup Thomsen og Brandur H. Olsen hava fingið álit í stórum donskum feløgum. Sonni Ragnar Nattestad fekk ultimativa álitið, tá uppalingsmaskinan í donskum fótbólti, FC Midtjylland, valdi at geva miðvinginum ein fimm ára sáttmála. Tað er helst fyrstu ferð, at ein føroyskur spælari hevur gjørt ein fimm ára sáttmála. Tíverri spældi skiftið ikki væl av, men vónandi er hetta fyrsta stigi á leiðini, har størri norðurlendsk feløg seta sítt álit á føroyskar spælarar. Skifti sum ikki broyttu nakað Tað eru fleiri skifti, sum fyri seg hava verið góð, men sum ikki hava broytt føroyskan fótbólt sum so. Súni Olsen fór í 2001 til FC Zwolle í Hollandi. Hann flutti upp í bestu deildina, men valdi at koma aftur til GÍ sama árið. Síðani hava vit ikki sæð ein føroyskan spælara í Hollandi Gunnar Nielsen skifti í 2009 til Manchester City frá Blackburn. Skiftið er serligt, tí tað er millum tvey Premier League feløg, og tí tað var Mark Hughes sum tók føroyska landsliðsmálverjan við sær úr Blackburn til nýríka Manchester City. Skiftið er tað einasta av sínum slag. Julian Johnsson skifti í 2001 til Hull City, sum tá spældi í lægru deildunum í Onglandi. Hann stóð seg væl, men valdi longu aftaná eitt ár at venda heimaftur. Ongin føroyskur spælari fylgdi aftaná honum til lægru deildirnar í Onglandi, hóast spælistílurin helst hevði passa onkrum av okkara stríðsmonnum. Vit hava eisini sæð fleiri spælarar í skotskum fótbólti, men tað er sum so ongin samanhangur millum skiftini. Jákup Mikkelsen var í Partick Thistle, meðan Jens Martin Knudsen og Jens Kristian Hansen vóru í Ayr United. Eisini skiftið hjá Gunnari Nielsen til Motherwell stendur einsamalt. Skiftini sum kundu Tað eru óteljandi søgur um spælarar, sum hava verið ávegis til feløg, men skiftið er ikki blivið til nakað. Eitt tað fremsta av teimum var, tá franska Lille royndi at keypa Toda Jónsson. FCK stóð í vegin, og vildi ikki lata Toda fara, sum annars var samdur við Lille um persónligu viðurskiftinum. Eisini eitt skifti, sum kundi broytt nógv, var tá Liverpool um aldarskiftið hevði Jákup á Borg og Jón Róa Jacobsen til royndarvenjing. Óli Johannesen mundi eina ferð enda í Kina, meðan Julian Johnsson og Rógvi Jacobsen hava verið í samband við italsk feløg. Alt skiftir, sum kundi hava verið serlig á hvør sín hátt. Jóan Símun og Kaj Leo Enn vita vit ikki, um skiftini hjá Jóan Símuni Edmundsson og Kaj Leo í Bartalsstovu koma at hava nakran týdning fyri føroyskan fótbólt í framtíðini, men tey lýsa eina framgongd, ið vit síggja í føroyskum fótbólti í løtuni. Jóan Símun Edmundsson verður beinleiðis keyptur leysur úr sáttmálanum hjá Vejle, tá OB herfyri tryggjaði sær undir­ skriftina hjá toftamanninum. Tað ber boð um eitt felag, ið ynskir at brúka føroyska spælaran í framtíðini. Skiftið hjá Kaj Leo í Bartals­ stovu til Dinamo Bukarest er framveigs við at sodna, men talan er óiva um eitt tað mest óvæntaða skiftið nakrantíð fyri ein føroyskan spælara. Nú vóna vit, at hetta er byrjanin til eina spennandi tíð fyri okkara útisetar, ið hava valt at leggja alt fyri at blíva yrkisspælara. trondur@sosialurin.fo