mánadagur 8. februar 2016síða 20

Mánadagur 8. februar 2016 · Nr. 16 20 Sosialurin Hugskot og viðmerkingar – send sms til 225000 ÍTRÓTTUR Neli Heldarskarð Hvørki Neistin ella H71 høvdu betru kortini á hond­ unum undan sínum seinnu hálvfinaludystum í gjár, sum blivu spældir ímóti ávíka­vist StÍF og KÍF. Men á heima­ vølli, har bæði neista­menn og hoyvíkingar spældu í gjár, lótu liðini ongan iva vera um, hvør skal spæla í mans­ finaluni í Coca Cola-steypa­ kappingini. Skaði fekk avgerandi týdning Fyrri hálvfinaludysturin ímill­um StÍF og Neistan bleiv spæld­ur á Skála hóskvøldið. Her høvdu strandingar greiða yvirvág og vunnu trygg­an sigur. Endaliga úrs­ litið gjørdist 24-20 til StÍF eftir hálvleiksstøðuna 12- 7. So­statt var StÍF ávegis í final­una eftir fyrra dystin, men tó var ein hending í hesum dysti, sum fekk avger­ andi týdning fyri seinna hálv­finalu­dystin ímillum liðini bæði. Ein av stóru profilunum hjá StÍF, Kjartan Johansen, bleiv nevniliga skaddur í hes­um dysti, og tað var ein sannur meinbogi fyri strand­ ingar, ið høvdu kunnað brúkt nøkur av  vanligu og obligatorisku málunum hjá Kjartani í seinna dystinum, har StÍF hevði óvanliga ilt við at skora mál. Neistin setti StÍF upp á pláss Hóast endaliga úrslitið ber brá av einum løttum neista­sigri, so var StÍF væl við í fyrra hálvleiki í dyst­ inum í høllini á Hálsi í gjár. Neista­menn vóru annars eitt skifti á odda 10-5, men StÍF bardi seg væl inn aftur í dystin og javnaði til 10- 10. Hálvleiksstøðan gjørd­ ist 12-10 til Neistan, og tað merkti, at Neistin var á odda við tveimum mál­um í sjálvum dystinum, men kortini aftanfyri við tveim­ um málum í samlaða rokn­ skap­inum. Um dysturin var spenn­ andi í fyrra hálvleiki, so kann tað sama als ikki sigast um seinna hálvleik, har Neistin av álvara setti StÍF upp á pláss. Leiðslan hjá Neistanum vaks stigvíst, og seinastu minuttirnar gjørd­ist munurin so stórur ímillum liðini, at spenn­ing­ urin fánaði. Endaliga úrslitið gjørdist 27-19 til Neistan, ið so­statt vann 47-43 samanlagt. Álopsspælið hjá StÍF var sera darvað av, at Kjartan Johansen manglaði, men sum steinur oman á byrðu bleiv garvaði stórskjúttin hjá StÍF, Sveinur Justinussen, eis­ini mansvardur ein part av dyst­inum. Hetta gjørdi sítt til, at StÍF vantaði skotstyrki, tá ið liðið gjørdi atsóknir ímóti neista­málinum. Hjá Neistanum vóru tað fleiri mans, ið stóðu fyri mál­ skjótingini, men sum vanligt var tað vinstri vongurin, Rói Berg Hansen, sum gjørdist topp­skjútti. Hann skoraði átta mál. Ein onnur orsøk til stóra munin ímillum liðini vóru málmansavrikini hjá ávíka­ vist bretskt-danska Nicholas Satchwell hjá Neistanum og grønlendska Isak Olsen hjá StÍF. Nicholas Satchwell stóð ein dreymadyst í mál­ inum, har hann hevði eina røð av bjarg­ingum. Eitt skifti í seinna hálv­leiki var enn­tá eitt tíðar­skeið í eini 10 min­ uttir, har StÍF ikki skor­aði eitt einasta mál. Hinvegin stóð Isak Olsen ein av sínum lakaru dystum. Fleiri av málunum fóru held­ ur lættliga í mál, og tað er ikki ov nógv at krevja, at mál­ mað­urin hevði kunnað forð­ að eini trý av teimum. Men sjálvandi skal eisini havast í huga, at ein góð verja ofta við­førir ein góðan málmann, meðan ein minni góð verja ofta viðførir ein minni góðan mál­mann. H71 misti fyri­ munin á gólvið Fyrri hálvfinaludysturin ímill­um KÍF og H71 varð spæld­ur í Kollafirði hós­ kvøld­ið. Her vóru tað koll­ firð­ingar, ið drógu longra stráðið við at vinna 23-21. Ein stóran part av dyst­inum tyktist ein sigur til hoy­vík­ ingar tó at vera sannlíkur – serliga, tá ið 46 minuttir vóru spældir. Tá legði H71 seg á odda 19-15, men eftir hetta steðg­aði H71 upp. Seinastu 14 min­uttirnar vann KÍF heili 8-2, tískil 23-21. Hetta merkti, at kollfirðingar høvdu lítlan fyrimun undan seinna hálv­ finaludystinum, sum varð spældur í einari kjokk­fullari Hoyvíkshøll í gjár. Hóast bæði Neistin og H71 høvdu tapt sín fyrra hálvfinaludyst, so vístu hesi lið onga náði fyri sínum mótstøðuliðum, tá ið seinnu hálvfinaludystirnir blivu spældir í gjár. Bæði liðini leiktu seg ruddiliga í steypafinaluna NEISTIN OG H71 VÓRU EIRINDALEYS