mánadagur 8. februar 2016síða 21

21 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 8. februar 2016 · Nr. 16 ÍTRÓTTUR Alt bar til hjá H71 Tað sást á øllum brøgdum, at hoyvíkingar ætlaði at spæla seg í steypafinaluna í ár, sum teir akkurát gjørdist ov stuttir til í fjør. H71 legði seg skjótt á odda, og tað tók heili 11 minuttir og 40 sekund, áðrenn KÍF skoraði sítt fyrsta mál. Undan fyrsta málinum hjá KÍF hevði sjálvt mál­maðurin hjá H71, Ári Dam, skorað. Hetta hendi, tá ið kollfirðingar í einari roynd at fáa hol á settu ein sjeynda útileikara á vøllin í álopsstøðu. Men KÍF misti bóltin í álopinum, og hetta gagn­nýtti Ári Dam, ið við neyv­um skoti skeyt bóltin í mál frá hinum endanum í høllini. Eftir 20 minuttir var støð­an 10-2 til H71, og í stutt­um kann sigast, at mun­urin ímillum liðini gjørd­ist so stórur, at KÍF ongan­tíð av álvara hótti H71. Hálvleiksstøðan var 14-7, og hóast tað hilnaðist betur í seinna hálvleiki hjá koll­firð­ ingum við mál­skjót­ingini, so var finaluplássið hjá H71 ongan­tíð í veruligum vanda. Enda­liga úrslitið gjørdist 25- 20 til H71, sum sostatt vann 46-43 samanlagt. Ein av meira skemtiligu hendingunum í dystinum hendi seg í seinna hálvleiki, tá ið nummar 89 hjá H71, Jónas Djurhuus, tók brots­ kast. Jónas skoraði upp á brots­kastið, men gleðin hjá hon­um um skoraða málið var tó stokkut, tí at í tí, at Jónas vendi sær og skuldi renna aftur at verja, rann hann av berari tilvild inn í Andrias Nielsen hjá KÍF, sum telist ímillum allar tyngstu spæl­arar­nar í føroyskum hondbólti. Jónas small niður, men tó kom hann seg eftir stutt­ari løtu og spældi í restini av dystinum. Jónas skor­aði fimm av málunum hjá H71, men toppskjúttin var tó danski Mark Lausen- Marcher, ið skoraði seks av mál­unum hjá H71 í gjár.  Hin danin og vanligi toppskjúttin hjá H71, Peter Krogh, skoraði bert trý mál hesaferð. H71 eru favorittar Hóast alt ber til í kappingar­ ítrótti, og serliga í steypa­ kapp­ingum, so sleppa hoy­ víkingar ikki undan, at teir standa sum favorittar undan finaluni komandi vikuskifti. Heili 17 stig skilir liðini í lands­kappingini, og tað vitnar um ein ávísan mun á dygd­unum hjá liðunum báðum. H71 og Neistin hava higar­til spælt tríggjar dystir sínamillum hetta kapp­ingar­ árið. Fyrstu tveir dystir­nar vann H71 greitt, ávíka­vist 27-16 og 26-16, men í triða dystinum, sum bleiv spæld­ ur 18. desember í fjør í somu høll, har liðini hittast á gula gólvinum komandi leygar­ dag, vístu neistamenn, at tað ber til hjá teimum at fáa úrslit ímóti H71. Neistin var aftanfyri við heili sjey mál­um, men tó eydnaðist onkurs­vegna teimum bláu at inn­heinta leiðsluna hjá hoy­ vík­ingum. Endaliga úrslitið gjørdist 20-20 í hesum dysti. Hesi liðini hittust eisini í steypakappingini í fjør, tá ið Neistin í hálvfinaluni vann við bert einum máli ímóti hoyvíkingum. Tískil er hetta annað árið á rað, at neista­menn spæla seg í steypa­finaluna. Í fjør taptu teir tepurt ímóti VÍF, men Neistin kann brynja seg til final­una komandi leygardag við vissuni um, at tað áður hevur borið til at bast H71. Tó so, um H71 rakar dagin, so verð­ur tað allar helst hoy­ vík­ingar, ið strúka avstað við steypa­sigrinum. Livst, so spyrst. neli@sosialurin.fo Myndir: Álvur Haraldsen StÍF - Neistin 24-20 (12-7) StÍF: Sveinur Justinussen 8, Pætur Johansen 5, Jógvan G. Joensen 4, Kjartan Johansen 3, Fríði R. Djurhuus 2, Pætur Joensen 1 og Borgar M. Persson 1. Neistin: Rói Berg Hansen 6, John í Innistovu 3, Andras Joensen 2, Regin Petersen 2, Sjúrður K. Thomasen 2, Jugoslav Djumic 2, Teis Horn Rasmussen 2 og Herbjørn Lava 1 Neistin - StÍF 27-19 (12-10) Neistin: Rói Berg Hansen 8, John í Innistovu 5, Teis Horn Rasmussen 4, Regin Petersen 3, Sjúrður Thomasen 3, Andras Joensen 2, Jugoslav Djumic 1 og Herbjørn Lava 1 StÍF: Allan Norðberg 5, Borgar M. Persson 5, Pætur Johansen 3, Sveinur Justinussen 2, Jógvan G. Joensen 2, Leivur Justinussen 1 og Pætur Ó. Joensen 1 KÍF - H71 23-21 (10-11) KÍF: Ási Dam 6, Fríði Weyhe 4, Rúni Joensen 3, Hans Eli Sigurbjørnsson 3, Andrias Nielsen 3, Tony Weyhe 2 og Teitur Joensen 2  H71: Mark Lausen-Marcher 8, Jónas Djurhuus 5, Tróndur Arge 3, Hilmar Leon Jacobsen 1, Sigmundur Nolsø 1, Hans Kári Hansen 1, Pætur Thomsen 1 og Peter Krogh 1 H71 - KÍF 25-20 (14-7) H71: Mark Lausen-Marcher 6, Jónas Djurhuus 5, Tróndur Arge 4, Peter Krogh 3, Hilmar Leon 2, Pætur Thomsen 2, Helgi Hoydal 1, Hans Kári Hansen 1 og Ári Dam 1 KÍF: Tony Weyhe 6, Hans Eli Sigurbjørnsson 5, Rúni Joensen 3, Teitur Joensen 3, Andrias Nielsen 2 og Rógvi Weyhe 1