mánadagur 8. februar 2016síða 54

VIKA 6 • 8. FEBRUAR 2016 30 MIÐLAHÚSIÐ ÓKEYPIS LÝSINGARBLAÐ Ågot – í mótgongd og viðgongd Lesarar eru vælkomnir at senda okkum gamlar bilmyndir saman við stuttum teksti og upplýsingum til: maggi@sos.fo Myndin hesa vikuna er av einum Peugeot 403 hjá Yarmouth Mellem- gaard í Havn. Her standa Yarmouth Mellemgaard og Tórhallur Jacobsen á takinum á bilinum. Teir koyrdu báðir á bilstøðini Akstur Bil í Havn. Hesir Peugeot vóru nógv brúktir sum hýruvognar og rutubilar. Teir vóru góðkendir til 7 ferðandi og høvdu eisini pláss til viðførið á takinum. Peugeot 403 vóru framleiddir frá 1955 til 1966. Tað var bilasølan Oleva & Francis Goldney í Havn, sum hevði umboð fyri Peugeot í Føroyum um hesa tíðina. Myndaeigari: Tórhallur Jacobsen, Skálavík SKIPASØGA BILASØGA Peugeot 403 hjá Yarmouth Mellemgaard Í endanum av september í 2001 bórust tíðindini um, at klaksvíkingar høvdu keypt ein nýggjan Ågot, sum er eitt frystilínuskip. Skipið varð keypt úr Noregi og varð yvirtikið í Kristiansund Vilmund Jacobsen Å got er bygdur í 1970 og hevur siglt undir navninum Ur­vaag. Skipið er stívliga 37 metrar langt og varð høvuðsumvælt í 1995, tá skipið eitt nú fekk nýggj mann­inga­ rrúm. Gamli Ågot, sum er frá 1960, varð seldur reiðarínum hjá Urvaag, tá nýggjara skipið varð keypt. Tað var skipsmeklaravirkið MARE- TEC á Argjum, sum skipaði fyri søluni av hesum báðum skipum. Eftir keypið av nýggja Ågot, vórðu nakrar smærri ábøtur gjørdar umborð, eins og skipið varð málað. Fekk stóran skaða Í endanum av februar mánaði í 2014 fekk Ågot ein stóran skaða, tá teir eftir túr lógu á Klaksvík. Skaðin hendi, tá uppsjóvarskipið Slættaberg rendi bulbustevnið beint inn í stýriborðssíðu frammarlaga á Ågot. Skipið lak illa, og tað var ikki lætt at finna út av, hvussu skipið kundi tettast og síðan fáast á beding. Eftir nakrar dagar funnu menn út av at tetta lekan so mikið, at Ågot kundi flytast og takast upp á Klaksvíkar Sleipistøð – og seinni á bedingina hjá MEST í Havn. Skaðin, sum Ågot fekk, var so mikið umfatandi, at tað tók einar sjey mánaðir at umvæla skipið. Tað, sum hendi við bryggju í Klaks- vík, var eitt ógvusligt fíggjarligt inntriv hjá einum lítlum reiðaríi - ikki minst at missa so nógva fiskitíð. – Vit hava líka sum verið noyddir at skræða meginpartin av hesum árinum (2014) úr kalendaranum. Tað kemur sjálvandi at síggjast aftur. Vit royna sum frægast at fáa endarnar at røkka – við teimum loysnum, sum nú einaferð fyriliggja. Sjálvandi er hetta ikki einfalt, men soleiðis, sum tað sær út nú, fara vit hugagóðir í gongd aftur. Tað, sum vit eftir hendingina vóru mest skeptiskir um, var, um vit fóru at koma burtur úr hesum við skipinum í varðveitslu. Tað segði Eyðstein Poulsen, reið- ari, tá tíðin nærkaðist, at klárt var at loysa aftur. Nú á Flemish Kap Ågot, sum fyri tað mesta hevur fiskað við gørnum, síðan skipið kom í flotan, er í løtuni á línuveiði á Flemish Kap, har skip og manning fingu eina góða byrjan. Tað er soleiðis, at Ågot hevur bæði garna-og línuloyvi, umframt at hetta er eitt frystiskip, og hetta kemur væl við, nú teir saman við øðrum føroyskum línuskipum royna seg á Flemish Kap, har frystilínuskip gjørdu tað væl í fjør vetur, eins og útlitini fyri hesa vertíðina eisini hava teknað seg væl. Hjaltur Poulsen, skipari á Ågot, segði um ársskiftið, at eitt av stóru upplivilsunum í 2015 var, tá teir vóru uppi í Vesturgrønlandi við Ågot sum móðurskip hjá jollufiskimonnum, og eftir ætlanin skulu teir aftur til Grøn- lands í summar. vilmund@sosialurin.fo Garna-og línuskipið Ågot er uppkallað eftir gummuni og mammu til eigararnar