hósdagur 17. mars 2016síða 11

FRÍGGJADAGUR 18. MARS 2016 SOSIALURIN 33 11 Temasíðurnar í Vikuskiftis Sosialinum hesaferð snúgva seg um slatur, og hvussu ógrundaðir pástandir kunnu forfylgja fólki. Mugu sjálvi revsa slatri Kim Nielsen, sum fyri 15 árum síð­ ani varð lagdur undir at vera pedo­ fil, er aldrin ákærdur fyri pedo­fili og tí aldrin dømdur. Hann eigur at vera viðfarin sum ein ósekur maður, sigur Jógvan Páll Lassen, tí einki prógv er fyri, at hann hevur framt illgerð. Men hví kennur hann so sterkar avleiðingar av nøkrum, hann eftir øllum at døma ikki hevur gjørt? – Slaturin ferðast skjótt í Føroy­ um. Okkum dámar væl at koma við nýggjasta slatrinum í kaffi­ steðg­inum, og tað kann kanska tykjast óskyldigt, men tað er í veru­leikanum hetta, sum elvir til stórar trupulleikar fyri tann, sum slatrað verður um, sigur Jógvan Páll Lassen. Tað er sambært Jógvan Páll Lassen ólógligt at alment spreiða ósann­an boðskap um annan per­ són. Skrivar tú til dømis á facebook, at ein ávísur persónur er tjóvur, brýt­ur tú lógina um ærumeiðing, og tú kanst fáa revsing. Men fortelur tú hetta sama í eini kaffistovu ella heima við hús, brýtur tú onga lóg, tí tað ikki er eitt alment stað. Fólkini á kaffistovuni kunnu tó bera pástandin víðari til fólk, sum aftur bera pástandin víðari, og skjótt er pástandurin alment kendur. Átti tað tí í veruleikanum at verið revsivert at slatra? – Nei, vit kunnu ikki forða slatri gjøgnum revsiskipanina – tað hevði verið ov torført. Men vit kunnu sjálvi gera ein mun. Eg haldi, tað átti at verið sosialt straffað at bera ósannan slatur fram. Vit kunnu byrja við at gevast at slatra sjálvi og síðan tala at, tá onnur slatra, sigur Jógvan Páll Lassen. Hann vísur til sangin hjá Simme, har tveir fjaðrar verða til fimm hønur, og mælir fólki til at at seta spurnar­tekin tann slaturin, sum verður borin fram á kaffistovum.  BIRGITH@SOSIALURIN.FO Fyri nøkrum árum síðani byrjaðu politikkarirnir at arbeiða fyri sokallaðu barnaváttanum. Barnaváttan ein revsiváttan sum bæði skal brúkast fyri at tryggja, at fólk, sum eru  dømd fyri pedofili og barnaporno, ikki sleppa at arbeiða á dagstovnum og øðrum umhvørvum, har børn eru. Men tað skuldi eisini brúkast fyri at tryggja teimum, sum ikki eru dømd, at tey sleppa at arbeiða á dagstovnum, um tey ynskja tað. Um Kim Nielsen hevði eina reina barnaváttan, kundi hann víst arbeiðsplássinum á hana, tá hann søkti um starv. Men uppskotið er altso ikki komið í gjøgnum enn. Vit hava roynt at fingið viðmerking frá Aksel W. Johannesen og Rigmor Dam, sum upprunaliga vóru tvey av uppskotsstillarunum, men tað hevur ikki eydnast okkum at fingið fatur á teimum. Vit høvdu gjarna viljað spurt, hvussu langt tey eru komin í arbeiðinum við barnaváttanum.  – Tað er ólógligt at kalla ein annan fyri pedofil, um tú ikki kanst prógva tí”, sigur Jógvan Páll Lassen, sakførari MYND: ÁLVUR HARALDSEN »Onga viðmerking til barnaváttanir«