hósdagur 17. mars 2016síða 13

FRÍGGJADAGUR 18. MARS 2016 SOSIALURIN 33 13 so var tí, at eg hevði gjørt meg inn á hann, greiðir Kim Nielsen frá. Og hendan telefonsamrøðan skuldi seinni vísa seg at vera grund­ ar­lag fyri mong ár av arbeiðsloysi, svøvn­loysi og rættarmálið. Løgreglan kundi einki gera Hetta fekk av álvara Kim Nielsen at rakna við. Flokslærarin gjørdi tað, sum hann sjálvandi skal. Hann meld­aði málið til barnaverndina. Og síðani varð farið undir eina størri kanning, har endamálið var at kanna um barnið hevði verið fyri kyns­ligum ágangi. Men um sama mundi fekk Kim nóg mikið. Hann hevði tá hoyrt uppá hesar ákærur í 7-8 ár, og hann ork­aði ikki meira. – Eg fór rættarliga vegin, og kærdi hann, sum segði tað fyrst, fyri ærumeiðing. Men eingin vildi siga í rættinum, at eg av summum varð kallaður fyri pedofil, so málið var slept, sigur Kim Nielsen. Mánaðir seinni kemur Barna­ verndin til sína niðurstøðu. Eingin tekin eru um, at barnið hevur verið fyri kynsligum ágangi. – Eg fekk einki at vita sjálvur, men mamman at dreinginum vísti mær tað, greiðir Kim Nielsen frá. Kim er ongantíð meldaður til løg­regluna. Tað er í flestu førum ein jalig staðfesting, men ikki í hes­um førinum. Hví? Tí tað merkir, at hann ongantíð er kannaður fyri ákær­urnar, og harvið ongantíð er frí­kendur ella dømdur. – Eg vildi so ynskt, at onkur meld­aði meg til løgregluna. Eg havi fingið at vita frá løgregluni, at tey kunnu ikki kanna nakað, tá ið eing­ in hevur meldað. Tí verið eg ongan­ tíð fríkendur, sigur Kim Nielsen. Seks sjálvmorðs­ royndir síðani Hóast onga politimelding og niður­ støðuna frá Barnaverndini, hava árini síðani verið tung fyri Kim. Stutt eftir niðurstøðuna frá dóm­ stól­inum valdi Kim at flyta til Dan­ markar. Ella flýggja til Danmarkar, sum hann sjálvur málber seg. – Eg kláraði ikki at fyrihalda meg til slaturin meira, so eg rýmdi. Men eg gjørdist meira og meira keddur av, at mítt lív var blivið soleiðis orsaka av nøkrum so óneyðugum sum slatri, sigur Kim Nielsen. Í Danmark megnaði hann ikki at fóta sær. Hann fór at drekka illa fyri at doyva pínuna, og megn­ aði ikki at halda fast í nøkrum starvi. – Eg minnist, at eg plagdi at læsa hurðina, sløkkja tele­fonina og seta meg í eitt horn í kamar­ inum. Og har kundi eg sita í fleiri dagar. Eg boðaði ikki frá, at eg ikki kom til arbeiðis, og eg megnaði ikki at rinda húsaleiguna, so eg misti íbúð­ina, greiðir Kim Nielsen frá. Støðan bara versn­aði og ein dagin fyri áleið 5 árum síð­ani gjørd­ist ov nógv. Eftir at hava søkt sær hjálp frá kommunulækna í Danmark, og fingið boð um, at tað ikki var møgu­ ligt at fáa stuðul til sálar­frøð­iliga hjálp, misti Kim móti. Hann gekk sær ein túr í býnum Randers, eftir at hava tømt seks øl heima við hús. Kom fram á eina høga standmynd royndi Kim at klintra upp við tí fyri eyga, at enda sínar dagar á vegnum har. Men móti hvarv, og Kim fór niður aftur. Seinastu fer Kim royndi at taka lívið av sær, var fyri einum mánaði síð­ani. Tá tók hann yvirdosis av heili­vági, men heldur ikki hesaferð gjørdist úrs­litið tað, sum hann upp­runaliga ætlaði. – Eg havi ikki veruliga havt móti til at gera tað. Men onkuntíð tekur sorgin yvirhond og eg gevi upp. Nú eri eg komin har til, at eg havi einki at missa, so um eg skal bjarga mær sjálvum, má eg kempa ímóti slatrinum, sigur Kim Nielsen. Fara aftur á rættarliga vegin Kim Nielsen og sakførari hansara ætla ikki at geva upp. Tá málið um ærumeiðing mótvegis Kim fall, kendi Kim tað sum, at hann gav skarvin yvir. Í oktober í fjør flutti Kim Nielsen aftur til Føroya. Og síðani hevur hann fingið óteljandi prógv um, at slaturin um pedofili fram­vegis er í hásæti. Í gerandisdegnum fáa fólk, sum hava eitt hvørt við Kim at gera, uppringingar ella boð á annan hátt um hendan slaturin. Foreldur vera biðin um at halda børnunum frá Kim. Dagstovnar og frítíðarskúlar vilja einki hava við Kim Nielsen at gera. Ikki tí hann er dømdur fyri at hava gjørt seg inn á nakran – nei, tí so­leiðis sigur slaturin. Vikuskiftis Sosialurin hevur tosað við tvær familjur, sum Kim hevur starvast hjá seinastu árini. Báðar familjurnar – foreldrini og børn­ini – vilja leggja høvdið á blokk­in fyri, at tað ikki er satt, sum ført verður fram um Kim. »Tað er eingin kjansur, at tað passar. Hálv vaksnu børnini hjá mær rista bara uppá høvdið, tí hann hevur ongan­ tíð gjørt nakað líknandi«, sigur ein av foreldrunum, sum Viku­skiftis Sosial­urin hevur tosað við. Tey vilja ikki leggja navn til hesa grein, tí tey eru eisini merkt av tí slatri, sum hevur gingið seinastu 15 árini. Og tí, at tey skulu stuðla Kim Nielsen, tá ið rættarmálið kemur fyri aftur. Enn er ikki greitt, júst hvussu Kim Nielsen og sakførari hansara fara fram. Ætlanin er tó, at stevna starvsfólki, sum talan er um, fyri ærumeiðing. Og kanska aðrir partar verða inndrignir eisini. Tað má tíðin vísa. Tað er tó vandi fyri, at Føroya rættur ikki vil taka málið upp aftur av nýggjum. Um so er, so fer Kim Nielsen at kæra málið fyri Evropeiska Mannarættinda­dóm­ stólin. – Eg má hava uppreisn. Tað er tað einasta eg hugsi um. Um tað er tað sum skal til, so geri eg tað, stað­ festur Kim Nielsen. BARBARA@SOSIALURIN.FO »Hann er eitt fantastiskt menniskja« Les meir á síðu 16-17 »Eg vildi so ynskt, at onkur meldaði meg til løgregluna. Eg havi fingið at vita frá løgregluni, at tey kunnu ikki kanna nakað, tá ið eingin hevur meldað. Tí verið eg ongantíð fríkendur«