hósdagur 17. mars 2016síða 27

FRÍGGJADAGUR 18. MARS 2016 SOSIALURIN 33 27 í ein­ari gentu: Í Sýria tosa vit ikki um politikk. Lær­ar­in helt seg yvirhøvur ikki hava sett ein politiskan spurning, men royndi bara at fáa okkum at seta saman ein einfaldan setning í ein­tali og nútíð, sigur Dima og flenn­ir. – Tá so lærarin hevði verið og fingið sær ein kaffimunn, orðaði hann spurningin eitt sindur øðrvísi og spurdi, hvat franski forsetin, Nicolas Sarkozy, mundi takast við í løtuni – og tá rættu fleiri hondina upp. Dima greiðir frá, at hon og javnaldrar hennara um alt Sýra vóru bebba­rædd, tí tosaði tú ilt um for­setan, skuldi tú vænta tær at blíva handtikin. Gubbadóttir »sýriska Mandela« Dima kendi seg sera ótrygga í heim­landinum, og við ráðum frá familjuni søkti hon um friðskjól í Bretlandi, har hon hevði onkrar vinir. Hon goymdi seg í roynd og veru fyri sýriska stýrinum og var í vanda fyri at verða tikin í varðhald. Bleiv tað lagnan, var ikki til at spáa, um hon nakrantíð slapp heim aftur til familjuna. – Eg eri á sokallaða reyða list­ anum hjá stýrinum. Ikki tí eg sjálv havi verið virkin í mótstøðuni hjá Assad, men tí fleiri av familju­ limunum eru politisk mót­støðu­ fólk, sigur Dima. Menninir úr fleiri ættarliðum í familjuni hjá Dimu hava antin sitið fangar ella eru bannlýst. Eitt nú er gubbin, Riad al-Turk, víðagitin politiskur mótstøðumaður hjá Assad stýrinum. Al-Turk hevur sitið í varðhaldi í fleiri enn 20 ár, 13 av teimum sum avbyrgdur fangi. Hóast hann í dag hevur fleiri enn 80 ár á baki, heldur hann fram at stríðast fyri fólkaræðinum í Sýria. Hansara stríðsvilji er vorðin ímyndin av mótstøðurørsluni, ikki ólíkt øðrum heimskendum fyrimyndum í stríðnum um fólka­ ræði. Hann verður róptur tann »sýriski Mandela«, tí hann er ikki ólíkur Nelson Mandela, sum bleiv ímyndin av stríðnum fyri fólkaræði í Suðurafrika, sigur Dima, sum eftir fá ár sameindist við mammuni, sum eisini er flýdd til Bretlands. Gloymið børn tykkara Tað var sjón fyri søgn í februar í 2011. Nakrir tannáringar høvdu málað rakstrarrópini, sum teir høvdu hoyrt í sjónvarpinum dagin fyri, á ein vegg í skúlagarðinum í býnum Daraa í Sýria. – Arabiska várið hevði ført Tunesia og Egyptalandi í ruðuleikar, og í Jemen og Libya var kollveltingingarandin eisini farin at nørast. Hesar hendingar vóru huganum á sýriska fólkinum, og ein hevði varhugan av, at Assad fór at eiga tørn. Tannáringarnir vóru ikki varugir við politisku støð­una í landinum. Teir vóru hand­ tiknir, og tá foreldrini spurdu myndug­leikarnar eftir børnum sínum, varð svarað, »gloymið børn tykkara. Gerið nøkur fleiri. Duga tit ikki tað, skulu vit vísa tykkum«. Spakuliga vuksu kravgongurnar seg størri í vavi. Tá umleið 200 fólk høvdu savnað seg at mótmæla hand­tøkuna av hesum børnum, út­loysti sýriska stjórnin tey fyrstu skotini, og sostatt blivu friðarlig mót­mæli til harðligar bardagar. Týsdagin 15. mars 2016 vóru fimm ár liðin, síðani blóðuga stríðið brast á í Sýria Í 2011 var fólkatalið í Sýria 11 milliónir.Í dag er umleið helvtin antin flýdd frá heiminum ella dripin