hósdagur 17. mars 2016síða 31

FRÍGGJADAGUR 18. MARS 2016 SOSIALURIN 33 31 T að gekk á leið eitt hálvt ár, har tað eydnaðist samgonguni at sleppa undan teimum stóru atfinningunum. Gott nokk hevur onkur fýlst at, at samgongan ikki sjálv loysir trupulleikar í samfelagnum, men leggur alt út í nevndir. Neyvan er hetta ringasti arbeiðshátturin, men tað krevur, at leiðslan í samgonguni megnar at tryggja, at baklandið og fær tað við til tær broytingar, sum samgongan hevur boðað frá at hon fer at gera. Innanhýsis samskiftið hevur ikki rigga væl higartil. Serliga fyrstu tíðina eftir at samgongan var skipað, funnust fleiri tingfólk á, at tey fingu ov lítið at vita um, hvat samgongan ætlar. Síðan hevur tað verið frægari, men okkurt bendir á, at samskifti enn ikki er komið heilt uppá pláss. Vit sóu tað í vikuni, tá ið uppskotið um at broyta hjúnabandslógina var fyri. Sjálvt um talan í prinsippinum ikki var um eitt samgongumál, so var tað tað kortini. Hóast tað, so høvdu leiðararnir í samgonguni ikki holla vitan um, hvat hvør einstakur tinglimur fór at atkvøða. Tað endaði eisini við, at leiðslan í samgonguni fekk ein frammaná frá sínum egnu, tá ið málið endaði aftur í trivnaðarnevndini. Eitt annað »mistak« í samskiftinum stóð Sirið Stenberg, landsstýriskvinna. Hóast fyrsti fundurin um yvirtøku av familjurætti var fríggjadagin, so boðaði hon ikki frá hesum, fyrr enn eftir at broytingarnar í hjúnabandslógini høvdu verið til 2.viðgerð. Og hví hevur tað áhuga? Jú, hjúnabandslógin er undir familjurætti. Í tíðinda­ skrivinum sigur landsstýriskvinnan, at familjurætturin verður yvirtikin í 2018. Samstundis er eitt uppskot frá meirlutanum í trivnaðar­nevndini um at strika grein 14, stykki 2 í donsku hjúnabandslógini, so tað ikki er í gildi í Føroyum. Helst fara danir at siga, at hetta kunnu tit sjálvi broyta, tá ið tit yvirtaka familjurættin í 2018. Nógv stórmál eru fyri framman. Tí eiga samgongu­ leiðararnir at seta seg saman, tosa við tingbólkarnar og tryggja samgonguni sama áralag. Eydnast tað ikki, so eru onnur, sum fegin vilja sleppa framat. Kanska eisini saman við onkrum av núverandi samgonguflokkunum. Aksel, Poul og Høgni mugu tosa við tingmann­ ingarnar Klumma Árni Gregersen journalistur Stórmálini fyri framman At formaðurin í Tjóðveldi nú vil hava, at mál, sum samgongan hevur sett sær fyri at fremja, eisini skulu loysast nú, hongur saman við, at fiskivinnan skal nýskipast áðrenn 1.januar 2018. Uppskotið um uppboðssølu er ein roynd. Landsstýrismaðurin fær heimild til í ár á uppboðssølu at selja rættin at veiða: 1) 10.000 tons av makreli, 2) 5.000 tons av norðhavssild, 3) 25.000 tons av svartkjafti og 4) 3.000 tons av botnfiski í Barentshavinum. Rætturin at veiða kvotuna, hevur bert gildi í 2016. Keypta kvotan verður latin keypara í fiskiloyvi til fiskifarið sum egin árskvota sambært regl­ unum í løgtingslóg um vinnuligan fiskiskap. Kvotan gevur ikki rættindi fram í tíð sambært ásetingunum í løgtingslóg um vinnuligan fiski­ skap og kann ikki avhendast sam- bært reglunum í løgtingslóg um vinnuligan fiskiskap. Hendan uppboðssølan verður í veruleikanum at rokna sum ein roynd, tí her er talan um lítlan part av samlaðu fiskirættindunum. Politiskt er hetta eisini ein roynd at staðfesta, at uppboðssøla er eitt orð í føroysku fiskivinnuni, sum so kann brúkast aftur seinni. Sjálvt tað grundleggjandi arbeiðið í bólkinum, sum skal skipa fiskivinnuna til 1. januar 2018 er lagt út til ein arbeiðsbólk, sum kortini hevur fingið eitt rættuliga trongt kommisorium at arbeiða eftir. Vøkstur í búskapin Umleggingin hevur til endamáls at skapa størri virðisøking í Føroyum og at loyva øðrum at sleppa framat í fiskivinnuni. Samgongan hevur higartil stað­ið ógvuliga einsamøll um hetta mál, men okkurt bendir á, at Sambandsflokkurin hevur rætt hondina út til samstarv. Flokkurin hevur lagt eitt uppskot fram á ting um at vit fáa kanna, um tað ikki ber til at fáa betri handilsavtalur við ES, so vit kunnu fáa uppaftur meira burtur- úr okkara fiskatilfeingið. Sambandsflokkurin hevur eisini í fleiri førum víst huga til at fara í samstarv við samgonguna um at gera eina nýggja fiskivinnuskipan. Sterkari samgongu Samgongan hevur sitið í eitt hálvt ár. Nøkur mál vóru loyst undan jólum, tá ið fíggjarlógin var sam­ tykt, men tey stóru málini annars eru í nevndum, sum skulu koma við tilráðingum til politiska geiran. Trupulleikin er, at ófriður er í samgonguni júst nú. Uppskotið um broytingar í hjúna­bandslógini bar boð um, at serlgia Javnaðarflokkuri gongur í meira enn einum bólki. Málið um uppboðssøluna hevur higartil eisini víst, at illa gongst at halda áralagið í flokkinum. Men Tjóðveldi hevur eisini trupul­leikar. Tá ið uppskotið um miðlastuðul var fyri, gjørdu bæði Pauli Trond Petersen og fyri ein part eisini Páll á Reynatúgvu úr Tjóðveldi vart við, at teir ikki taka undir við út­ beringarstuðli. Hesi málini hava fingið fyrst Høgna Hoydal, Tjóðveldi, men eisini samgonguleiðaran Aksel V. Johannesen, til at viðurkenna, at hesin arbeiðshátturin gongur ikki meira. Nú má áralag fáast millum tey 16 og helst eisini við Sonju Jógvansdóttir, sum er parla­men­ tariskur stuðul undir samgonguni. ARNIG@SOSIALURIN.FO Bjarni Hammer, formaður í vinnunevndini Høgni Hoydal, formaður í Tjóðveldi, krevur nú betri áralag í samgonguni Heðin Mortensen atkvøddi ikki fyri broytingunum í hjúnabandslógini Kristin Michelsen atkvøddi ikki fyri broytingunum í hjúnabandslógini