mánadagur 21. mars 2016síða 15

15 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 21. mars 2016 · Nr. 34 KJAK Hey Marius, Jørgin og Jóanis Nielsen Henrik Old Í februar í 2000 varð lóg løgd fyri Løg­ tingið um gerð av Vágatunli. Heitið á lóg­ini var, »Løg­ting­ slóg um fast samband um Vestmannasund«. Har stendur í grein 1, stk 4. "Tá útveganarkostnaðurin er fult afturgoldin, og p/f Vága­ tunnilin stendur sum eigari, verður alt anleggið, uttan við­ ur­lag, avhendað landinum til ognar.” Hettar er rímiliga greitt. Men fyri at ongin ivi skal verða um, hvat útveganarkostnaður inniber, so sker Løgtingið út í papp, hvat meint verður við í broytingaruppskoti, har sagt verður. "Við ÚTVEGANAR- KOST­NAÐI" skilst tær samlaðu byggi­útreiðslunar til vegir, brúgvar og tunnilsgerð. Fyri hesum uppskoti at- kvøddu m.a. Marius Dam, og Jóanis Nielsen. Jørgin Niclasen var tá lands­ stýrismaður í fiskivinnumálum, somuleiðis sum hann nú til fyri fáum mánaðum síð­ani var landsstýrismaður í sam-ferðslu­ málum/tunnils­málum. Tann 10 septembur 2013, svarar táverandi løgmaður Kaj Leo Holm Johannesen upp á fyrispurning um undir­sjóvar­ tunlar, at hansara sam­gonga hevur, sum er, ikki ætlan um at avtaka lógina í næstum. Ei heldur er ætlanin at broyta hana, og eftir lógini skal út­ veg­anarkostnaðurin gjaldast aftur, bæði tann parturin, sum er figgjaður við eginpeningi, og tann parturin, sum er fíggjaður við láni. Tann lógin, sum fyrrverandi løgmaður sipar til, er framvegis í gildi, og kann eg sjálvandi Ikki geva boð um ikki at fylgja henni. So einfalt er tað. Um Marius Dam og aðrir ikki ætlaðu, at hettar skuldi vera galdandi, so skilji eg ikki, hví man atkvøður hettar gjøgnum tingið. Ein annar møguleiki var at sett í lógina, nær hon skuldi fara úr gildi. Aðrir møguleikar at avmarka lógina eru eisini, men tað hevur man tá valt ikki at gera. Annars kann eg siga, at eg var ein av harðastu talsmonnum fyri Vágatunlinum í teimum mót­mælistíðum, sum tá eisini vóru. Føroya flagg sum donsk propaganda Magni Arge fólkatingsmaður fyri Tjóðveldi Danska for­ sæt­is­málaráðið hev­ur gjørt av at flagga við Merk­inum ólav­ søku­dag 29. juli og grønlendska flagginum á grøn­lendska tjóðardegnum 21. juni. Ætlanin er heilt eyðsýnt at royna at tekkjast føroyingum og grønlendingum í eini roynd at skapa eina mynd av fólskligari virðing fyri Føroyum og Grønlandi. Tíverri sæst tann hugburðurin ikki aftur, tá tað snýr seg um at nýskipa viðurskiftini í tí sokallaða ríkisfelagsskapinum, so hann veru­ liga umboðar javnsettar partar. Stjórnin heldur fast um trongu uttanríkispolitisku lógina, hevur longu saboterað grundlógina eina ferð og avdúkaði í makrelstríðnum, at Danmark tekur ES fram um Før­ oyar, tá á stendur. Men tað hevur týdning fyri Danmark at varðveita valdið yvir Føroyum og Grønlandi, tí júst tann støðan gevur Danmark uttanríkispolitiska tyngd í Arktis. Vit hava ongantíð fyrr havt ein forsætismálaráðharra, sum hevur verið so tætt knýttur at Føroyum sum Lars Løkke. Tí ivist eg ikki í, at hann fegin vil byggja brýr millum Danmark og Føroyar. Men tað gerst ikki við einum átaki um at flagga føroyskt ein dag á árinum á donskum flaggstongum. Masterplanurin hjá Arup Veit ikki, hvussu væl tey kenna søg­una, og hvussu langt tey minn­ast í forsætismálaráðnum, men onkur segði herfyri, at tey minnast ógvuliga langt. Tí áttu tey eisini at vitað, at vit hava ikki gloymt masterplanin hjá danska embætismanninum, Niels Arup, frá 1947, sum gav donsku stjórnini ráð um, hvussu danskir myndugleikar skuldu føra propaganda í Føroyum til frama fyri egin áhugamál. Jákup Thorsteinsson, sáli, lýsir í bókini ”Loysingarpolitikkur í 1940-árunum”, hvussu Niels Arup eftir fólkaatkvøðuna í 1946 ferð­ aðist kring landið og gjørdi sær tankar um, hvussu Dan­mark­ ar valdsstøða í Føroyum skuldi tryggjast. M.a. skuldu riddara- krossar festast á bringuna á før­oy­ ing­um fyri at fáa teir at kenna seg trúgv­ar mótvegis Danmark, segði hann. Eisini nevndi hann, at ein út­ varpsstøð skuldi stovnast at styrkja donsku ávirkanina í Føroyum, og at flogsamband skuldi fáast í lag millum londini, sum danskarar skuldu standa fyri. Haraftrat helt hann tað vera bestu propagandu fyri Danmark, ið hugsast kundi, um donsku kongshjúnini vórðu send til Føroya á vitjan av og á. Lakoniskt staðfestir Jákup í bókini, at danska propagandan riggaði, tí fyrstu ferð kongshjúnuni komu til Føroya, var molin loðin av fólki. Merkið umboðar Føroyar Føroyski starvsfelagi mín á Christiansborg nevndi í útvarp­ in­um hendan dagin, at sporini frá nítiárunum og makrelstríðnum eru týðilig, og tí hava danskar stjórnir sett í verk ymisk tiltøk fyri at bøta um fatanina av ríkis­ felagsskapinum. Freistandi er at hugsa, at masterplanurin hjá Arup aftur hevur verið frammi, tí nú skulu ikki bara danskir riddarakrossar hongjast upp á bringuna á før­ oy­ingum fyri at fáa teir at kenna trúskap mótvegis Danmark. Nú verða føroyska og grønlendska flaggið hongd upp í danskar flagg­ stengur fyri at fáa føroyingar og grønlendingar at svørja trúskap ímóti danska eindarstatinum, sum jú er ein hvørvisjón. Sum føroyskur fólkatingsmaður taki eg ikki á nakran hátt lut í hesum propagangamaskinarínum, tí mín uppgáva er at virka fyri, at Føroyar vinna sær sjálvstøðugt vald í heim­ inum. Vit skulu hava føroyska grund­lóg. Vit skulu staðfesta okk­ ara egna sjálvsavgerðarrætt. Og vit skulu hava sjálvstøðugar uttan- ríkispolitiskar heimildir. Nú Lars Løkke eisini fer so lagt sum at bera upp bønarorð mót- vegis Føroya fólki í Sosialinum um flaggingina við Merkinum, vil eg bara minna á, at tjóðarmerki okkara umboðar bara Føroyar og ikki Danmark. DANSKTFÍGGJADUR ARGE-drongur SKUGGABOKSAR við TRØLL á áljósum degi Virgar T. Dalsgaard Vit hava havt nógvar hálv­tóm­ ar rossleypar úr tjóð­veldis-rørsl­ uni sitandi á donsk­um Fólka- tingi gjøgnum árini, og teir hava flestallir kempað desperat fyri, at danskarar skuldu leggja merki til teirra eksistens. Tað hevur lukkast fleiri av teimum at blíva meira og minni herostratiskt kendir sum heldur láturligar og pubertilar pausu­ klovnir. Men tað er strævið at fornýggja seg sum politisk rukka! Tí er tað ræðuliga synd í Magna Arge. Hann hevur við fortvivlaðum skarvslopum í 1/2 ár roynt at sagt ella gjørt okkurt, sum var enn meira hjálparleyst enn tað, sum hinir undanfarnu partamenninir hava gjørt og sagt, og tað er ikki sørt av eini avbjóðing. Eitur man Arge til eftirnavn, er man jú eisini kendur fyri at hava meginpartin av sínum intellekti sitandi í albogunum, so tað mest taktiska hevði nokk verið at trokað seg fram við rambukk-metoduni. Men tað ber so illa til á Christ- ians­borg, sum er ógvuliga vælvart móti øllum yvirgangi. Magni hevur tí valt at brillera við vánaligum fólkaskikki, t.d. at súrmúla ella lúna og so sum tvørball nokta at taka ímóti innbjóðing, har hann kurteisliga er boðin sum danskur fólkatingslimur. So kann hann brillera og skyggja "glitrandi" við IKKI at vera hjástaddur. Hann er nógv bestur og sæst frægast, tá ið hann slett ikki møtir upp. Man má siga, at tímalønin á Fólkatingi hjá slíkum lóki verð­ ur astronomisk, men nær hava loysingar annað enn kráma gram­ liga eftir donskum pengum? Samstundis kemur hann við eini lítlari sjálvkonstrueraðari flagg- gølu, har hann akkurát sum pápi hansara forfalskar ta føroysku flagg­søguna við postulatum um, at danskarar mótarbeiddu einum føroyskum flaggi eftir Kríggið. Hetta er fleiri ferðir avsannað av Petur Mohr Dam, sum var við í øllum samráðingunum við ta donsku stjórnina frá 1945 til heima­ stýrislógin kom. Men hasa lodd­ røttu søgulygnina tekur hann upp- aftur, sum loysingum vant. Pápi hansara Niels Juel Arge hevur skrivað eina sonevnda flaggsøgu, sum hevur ræðuliga slag­síðu, m.a. tí hon skrivar tann reella skaparan av tí føroyska flagg­in­um, harra EMIL JOENSEN út úr føroyskari flaggsøgu. Tað var ússaligt, og tað er líka ynkiligt, tá ið nú sonurin tekur táttin uppaftur og fer at fortelja lygnir um flaggið.. Annars kann eg fortelja tí søgu­grunna harra Magna Arge, at loysingarmenn við Thorstein Peter­sen á odda, slett ikki vildu hava tað føroyska flaggið, sum teir kallaðu studentarflaggið´. Teir vildu hava eitt "grønt flagg". Tað vóru Louis Zachariassen og Petur Mohr Dam, sum stríddust fyri tí núverandi flagginum. Ikki loysingar-menninir! Eisini hatta faktum hava Arge­ menn skrivað út úr søguni! Tann desperati Magni Arge, sum ikki longri sleppur á flog, men febrilskt roynir at fáa danskarar til at leggja merki til sín, hann kann jú gera sum ein kendur partamaður hjá honum gjørdi á eini danskari ambassadu í síni tíð, har hann føldi seg yvirsæddan. Hann leyp í nálastrípadum altarsklædningi í ein svimjihyl í mannfjøld. Tá fekk onkur gestur eygad á tjóðveldismannin eina løtu. Magni kann helst finna sær nakrar infantilar journalistar, sum eru fúsir til at ævinliggera ta hendingina, at ein Argemaður loypir á bláman í koti og skó­leist­ um, t.d. á Longu Linju. So minnast fólk hann eina stutta tíð. Tað er so ræðuliga møtimikið at vera við­ gitin í øllum Føroyum og heilt ano­ nymur, ignoreraður ella bara kom­ iskur í Danmark. Tí má gerast okkurt heilt radi­ kalt og desperat, – jú tápuligari og ynkiligari, jú betri. Danskarar fáa undirhaldið; men føroyingar fáa skommina av Argedronginum.