mánadagur 21. mars 2016síða 25

25 Mánadagur 6. januar 2014 · Nr. 2 Sosialurin Mánadagur 21. mars 2016 · Nr. 34 Hugskot og viðmerkingar – send sms til 225000 Jónas Djurhuus hjá H71 var ov­farin av, hvussu nógv mál vórðu skorað í dystinum leygardagin Eftir oddadystin leygardagin rósti Ingi Olsen, venjari hjá VÍF, H71, ið skeyt óvanliga nógv mál HONDBÓLTUR Neli Heldarskarð Tað er ikki hvønn dag, at heili 71 mál blíva skorað í einum hondbóltsdysti. Spælskiparin hjá H71 við nummar 89 á rygginum, Jónas Djurhuus, helt seg ikki minnast, at hann áður hevði spælt í einum so málríkum dysti. – Dysturin endar 38-33, og eg haldi ongantíð, at eg fyrr havi spælt í einum dysti, har so nógv mál eru blivin skorað, segði Jónas Djurhuus, tá ið Sosialurin fekk orðið á hann eftir dystin leygardagin. Royndi seg í nýggjum leikluti Vanliga spælir Jónas á miðuni og stýrir spæl­ in­um hjá H71. Øðrvísi var tó leyg­ar­dag­in, har 19 ára gamli hoy­vík­ing­ ur­in partvíst royndi seg í nýggj­um leikluti. Fyri fyrstu ferð í hesum kapp­ ingar­ár­inum royndi H71 nevniliga at skifta mál­ mannin út við úti­leikara í álopsstøðu, og her var tað Jónas, sum var sjeyndi álops­maðurin, ið skuldi skunda sær at blíva skiftur út aftur, áðrenn VÍF kundi fara í skjótálop og skora í tómt mál. Jónas ásannar, at hann ikki er vanur við hendan leiklutin. – Nei, handan leiklutin havi eg ongantíð roynt áður í dysti. Vit hava bert vant tað einaferð, men tað eru tó nógvir møguleikar í at taka málmannin út og seta ein eyka útileikara inn. Og eg haldi, at tað gekk fínt. – Leikluturin er eitt sindur undarligur. Sum sjeyndi álopsmaður er mann rættiliga fríur, tí at um eg skjóti, so fái eg trupult við at náa at blíva skiftur út aftur, áðrenn mót­støðu­liðið fer í álop. Sjeyndi álops­maðurin skal royna at fáa menn til sín, so aðrir kunnu spælast leysir, segði Jónas Djurhuus. Neli Heldarskarð - Nei, vit eru ongantíð nøgdir við at tapa. Tað, sum eg sjálvur tó eri nøgdur við er, at sjálvur innsatsurin var góður, men ímóti einum so væl skjótandi liði, sum hoyvíkingar vóru í dag, so var avrikið í verjupartinum ikki nóg gott. Hetta vóru fyrstu orðini hjá Inga Olsen eftir tapið hjá VÍF leygardagin. Í størri mun var hann av tí áskoðan, at tað vóru hoyvíkingarnir, ið vóru væl skjótandi, enn vestmenningarnir, sum vardu illa. – Teir flestu dystirnir verða vunnir, tá ið mann skorar 33 mál. Men H71 var ótrúliga væl skjótandi dag, og nógv tey flestu skotini fóru í mál. Tá ið teir so eisini fáa ov lagaligar sømdir frá okkum, so verður ringt, segði venjarin hjá VÍF. Leikhátturin hevur sínar vansar Tað var í byrjanini av seinna hálvleiki, at dysturin varð avgjørdur. Hálvleiksstøðan var 19-18 til H71, og hendan leiðslan varð økt til heili 26- 20, tá ið átta minuttir vóru spældir av seinna hálvleiki. Ingi Olsen var av tí fatan, at tað var yvirskipaði leikhátturin hjá VÍF, ið vestmenningar hava spælt við alt ár, sum kom VÍF aftur um brekku tíðliga í seinna hálvleiki. – Vit spæla við rættiliga høgum váða. Tá ið vit standa í verjuni, eru vit sera skjótir at renna fram, og vit vita, at um vit verða fangaðir frammi, so er skjótt, at hesin leikhátturin kostar mál í okkara enda. Vit hava tó eisini vunnið okkara stig við júst hesum spælistílinum. Eisini vil eg nevna, at hóast vit skora 33 mál, so stendur teirra málverji rættiliga væl. Í teimum avgerandi løtunum kiksa vit, og tað fáa vit síðani aftur í heysin, segði Ingi Olsen at enda. Fyri átta døgum síðani tryggjaði H71 sær annað av finalu­plássunum til FM- finalur­nar í mans­hond­ bólti, tá ið hoyvíking­ar­nir vunnu 27-21 á úti­vølli ímóti StÍF. Sostatt hevur H71 onki serliga at spæla fyri í teimum seinastu lands­ kappingardystunum, men tó hevði liðið sett sær nýtt mál undan dystinum leygardagin ímóti VÍF. – Partvíst er tað ein av­ bjóðing, at vit longu hava spælt okkum í finaluna. Undan dystinum síðsta viku­skifti var setningurin at tryggja okkum finaluplássið. Hesin setningurin var øðrvísi til dystin ímóti VÍF, har vit kundu tryggja okkum fremsta plássi í landskappingini við at vinna – og tað gjørdu vit, segði Petur Mittún eftir dystarlok leygar­dagin. Komandi vikurnar skulu hoyvíkingar seta sær nýggj mál, ið inniber harðari venjing. – Nú seta vit okkum nýggj mál undan finalunum. Komandi vikurnar fara vit at venja hart, so vit eru heilt klárir til finalurnar. Tað er uppgávan hjá okkum venjarum at gera komandi vikurnar spennandi hjá leikarunum. Ein niðurtúrur fór at koma Um eitt afturlit verður gjørt um kappingarárið hjá H71, so sæst, at hoyvíkingarnir ikki hava verið líka einaráðandi eftir nýggjar, sum liðið var í fyrru helvt av kappingini. Í teimum fyrstu 11 dystunum vann H71 allar, men í teimum seinastu 10 hevur H71 hóast alt javnað tríggjar dystir og tapt tveir afturat sínum fimm sigrum. Petur Mittún heldur tað vera natúrligt, at H71 hevur mist nøkur stig á vegnum. – Sum nógv hava nevnt, so vóru vit ógvuliga væl fyri­ reikaðir til kappingar­árið, og tað gav okkum beinanvegin ein fyrimun og gjørdi, at vit fingu lagt sjógv ímillum okkum og hini liðini. – Men ein náttúrligur niðurtúrur kemur altíð. Hann kom so hjá okkum á jólum, har vit taptu ímóti bæði StÍF og VÍF – í báðum førum uppiborið. Nakrir av hinum javn­leikun­um eru komnir aftaná steypa­ finaluna. Men tað ræður um at toppa á teimum røttu tíðs­ punktunum, og tað gera vit vónandi í finalunum, segði Petur Mittún at enda. INGI OLSEN: HOYVÍKINGARNIR SKUTU VÆL HEVUR ONGANTÍÐ SPÆLT Í SO MÁLRÍKUM DYSTI Mynd: Álvur Haraldsen PETUR MITTÚN: HØRÐ VENJING ER FYRI FRAMMAN Annar av venjarunum hjá H71 ásannar, at tað kann blíva ein avbjóðing at halda dampinum uppi í teimum seinastu landskappingardystunum, men hoyvíkingarnir fara at venja eyka hart í teimum komandi vikunum