mánadagur 21. mars 2016síða 47

VIKA 12 • 21. MARS 2016 15 ÓKEYPIS LÝSINGARBLAÐ TEMA Vágar og hetta arbeiðið byrjaði longu í 2008 við gamla skúla, og í 2013 brúktu vit størsta partin av játtanini til skúlan. Leypandi eru undirvísingararboðini í skúlanum eisini vorðin dagførd. Borgarstjórin vísir á, at næsta stigið innan dagføring av skúlanum verður boðið út í næstum. Her er talan um tað, tey rópa nýggja skúlan, bygdur í 1989, sum hongur uppi í svimjihøllini. Vindeyguni í hesum partinum hava likið meira ella minni síðan byrjan. Fakfólk halda einasti røttu loysnina vera at taka takvindeyguni burtur og føra framsíðuna út ájavnt við niðaru hæddina. – Vit halda tað ikki geva nakra mein­ing at pjøssa upp á vindeygu og tekju og hava tí gjørt av at fremja eina veruliga dagføring av niðarulon. Við at føra ovaru hæddina út ájavnt við niðaru hæddina og hækka bygningin, fáa vit heilt onnur rúm í ovara parti av bygninginum. Sune Jacobsen vísir á, at Sørvágur fyri stívliga tveimum árum síðan fekk spildurnýggja tannlæknastovu, sum er inni í skúlanum. Hin gamla varð brotin niður, og nýggj er bygd uppaftur. – Vit droyma eisini um eina dupulta fimleikarhøll í skúlanum. Sørvágur er eisini flogbóltsbygd, og tá hevði ein størri fimleikarhøll komið væl við. Um inntøkurnar halda, og tað ikki verða tær stóru broytingarnar, meti eg, at vit kunnu seta fimleikarhøllina á dagskrá í næsta valskeiði. Stórt ídnaðarøki Tað eru ikki nógvar bygdir, ið hava so stórt ídnaðarøki, sum Sørvágur hevur á Hálsi, niðan av flogvøllinum. – Vit byrjaðu at planera hetta øki í 2006. Síðan eru nakrir vinnubygningar bygdir á økinum, men her er ríkiligt av plássi til nógvar aftrat. Her er púrasta klárt at biðja um grundstykki, og her er planerað og klárt at reisa vinnubygningar. Ein av bygningunum á Hálsi eigur Vága Bjargingarfelag, og her leiga vit okkum inn við brand­ støðini, sum soleiðis húsast undir góð­um umstøðum. Sune Jacobsen sigur, at ein annar bygningur á vinnuøkinum er høllin hjá Kristiani Olsen. Henda er 600 fer­ metrar stór, og umframt at høllin skal rúma virkseminum hjá fyritøkuni, skal ein partur eisini leigast út. – Her kemur eisini ein bila­verk­stað­ ur at húsast, eins og Akstovan kemur at hava síni egnu høli, har vágafólk aftur kunnu fáa sínar bilar sýnaðar. Í løtuni verður gjørt klárt til at asfaltera kring bygningin hjá Kristiani Olsen. Borgarstjórin sigur, at økið á Hálsi er soleiðis skipað, at tey tyngru ting­ ini líka sum halda til í ovara parti av økinum, og tey meira fínaru, ið eitt nú kunnu snúgva seg um handil, eru oman móti vegnum. – Her er pláss fyri allari vinnu, eis­ ini handilsvinnu, leggur Sune Jacob­sen aftrat. Allar basistænastur Í Sørvági er nútímans barnagarður, har ivaleyst er at plássi. Arbeitt verður við at dagføra ellisheimið á Sýnini, sum verður liðugt við endan av hesum árin­ um, og í bygdini er góður og dagførdur skúli. – Vit hava allar basistænastur í kommununi, sigur borgarstjórin. Hann fegnast eisini um ríka ítróttar- og mentanarlívið, sum livir í komm­ununi, og hann fegnast eisini um, at ítróttar­húsið hjá 07 Vestur nú er komið undir land. – Vit hava fíggjað ein stóran part av ítróttarhúsinum, og síðan hevur Fót­bóltsamband Føroya eisini hjálpt til. Sune Jacobsen sigur, at niðri við havnalagið skal gamla træbryggjan gerast av nýggjum, og hetta arbeiði verður útboðið í næstum. vilmund@sosialurin.fo Sørvágur eigur eitt stórt ídnaðarøki á Hálsi, og her eru nógvir møguleikar hjá vinnufyritøkum - av ymiskum slag Mynd: Vilmund Jacobsen Stóra og snotuliga felagshúsið hjá 07 Vestur er komið undir land Mynd: Vilmund Jacobsen Træbryggjan í Sørvági skal gerast av nýggjum Mynd: Vilmund Jacobsen